Éxodo 25:18 - Dios Iwene

¹⁸ Ja̧danö, orotjö 'dobö jalinö sedatö tjotido du̧ju̧tajanö mu̧yȩka̧dönö, tjo̧wa̧ja̧pa̧ lö̧jinö ju̧kwadönö, querubines mikwadönö. Jobadönö tjujuno isapjo muchekwapi wamenö, Dios jojodö tjusuli̧ tjumuchebemi wanekwachapi wamenö. Ja̧pi wamenö wajwitjobekwö bakwo̧nö tjöwaisobekwö bakwo̧nö mu̧yȩka̧dö querubines mikwadönö tjujuno.

Éxodo 25:18 ပူးပေါင်းရင်းမြစ်များ

Génesis 3:24

Ikenama Edén batjotjö ja̧wo̧ laebobekwö junijetö Diosma du̧ju̧tajanö ángelesdönö, querubines mikwadönö. Ja̧danö, kwölöte salööte ja̧kwawa towi okobe jwiinö jalawö ji̧jetö, jojodö ja̧kwawa towi mana tetjachi̧ jwiinö tjöbeba̧lö.

1 Crónicas 28:18

Ja̧danö Dios öba a'otjö omewi̧ jawa juwawöte orotjö otikwöte otidakwa̧bi yöawinobe, dokwa nöinö orotjö otidakwojobö jö̧ba̧lö. Ja̧danö bajaleapo, Dios iteapjo wame tjö̧jakwedö, tjö̧wa̧ja̧piya debatadö querubines ötjabawö tjo̧'wo jawa otidakwa̧ wȩyukwa'ye iyinobe Salomonnö.

Éxodo 25:17

Ina webijetö: —Ja̧danö, weköbo Israel jojodönö isapjo muchekwapi tjotidobö, bakwai orotjöda. Ja̧pima wayobekwöma un metro diez centímetros ja̧danö, jakwölakwöma sesenta y cinco centímetros tjotido.

Éxodo 25:19

Ja̧danö, jobadö tjujunawö̧ma muchekwapinö dötewanö tjujuno.

Éxodo 25:36

Ja̧danö, okobe jwiinö dȩju̧wa'yu o̧'di̧ju̧ ja̧kama bakwai orotjö 'dobö bakobe dötewinö tjödado, o̧bu̧bi̧ya la'aka ji̧nabi, ö̧jabiya ji̧nabi.

Hebreos 9:5

Japjo muchekwapi wamenö du̧ju̧taja otikwedö ángelesdödanö ichejekwadö tjö̧wajinobe, tjo̧wa̧ja̧pi̧ya juna̧ladö. Jobadöma Dios jwiinö dejatinö ö̧jemi 'da̧denö wa̧nö tjö̧wa̧ja̧pi̧ya jelo̧ o̧wo̧ja̧pa̧kwö badekwakwanö ja̧pjo muchekwapikwö eda̧lö tjö̧wajinobe. Japjo isapjo muchekwapi wamenöma pakaya itji̧ kwabö tjiyökwe ökwösobubi, chiwo kwabö tjiyökwe ökwösobubi lilinemi. Japjo muchekwapi wamema Dios jojodönö lȩlö̧jino edi̧ wanekwachinemi. Dios jojodönö lȩlö̧jino edi̧ wanekwachobetjö̧, japjo muchekwapi wamenöda tjökwösobuma liliinobe Diostjö jojodötjö ö'weje la'aka pjabato̧ma. Chömöledö, ja̧ jawa nöinö ji̧jayonö, babema ja'yubeda yötawa, okobe jwiinömaökö.

1 Samuel 4:4

Jejenö yöba̧lakwawajadö, Silo comunidadbe wetjinobe, tjichejebobö, ja̧danö wetjaja̧danö Dios weina a̧ja̧pjo, Isabenö Jo̧ okobe jwiinö juluwo̧ Dios, angeledö querubines mikwadö tjöwame inesö iteakanö bo̧ Dios iteapjo tje'ewinobe ölakwabikwawadö tjö̧jobekwö. Ja̧danö, Eli i̧tji̧mu du̧ju̧taja Ofni mikwo̧bi, Finees mikwo̧bi japjo isapjokwö tji̧'yinobe.