Éxodo 25:13 - Dios Iwene

¹³ Ja̧danö, acacia towi ö'i̧ya̧tjö dö'i̧lataja tjubulo. Bulaja̧dö ja̧ ö'i̧yama orosapitjö tjo'bo̧dato.

Éxodo 25:13 ပူးပေါင်းရင်းမြစ်များ

1 Reyes 8:8

Ja̧danö, jejenö tjujunenama, jelȩko̧ nöȩko̧tjö Dios iteapjo öwawinököjayonö, ö̧sö̧'a ödöobetjö̧, nöȩko̧tjö ina öwawinobe ö̧sö'ama. Jo̧kwaijayonö tupakwösȩko̧, teachakwawȩko̧tjöbi, tupakwötjöbi öwawinokobe. Ja̧danö, jejenö tjujuninobema, ina babebi jobeda jo̧be Dios iteapjoma.

1 Crónicas 15:15

Jemi ikenama, Isabenö Jo̧ ajayinö Moisesnö weinadanö, Levisaso jojodöma towi ö̧'iyanö kwetjatinobe Dios iteapjoma, tjöböbe'onö.

Éxodo 25:12

Ja̧danö, oro isobu baibanö tobajadö isa̧ko̧nö totjebo, o̧ki̧ju̧ baibanö, ö'wejemu jawa ö̧ki̧juma. Ja̧ o̧kijuma isapjonö pöbebö tjödado, ö'wejemu jawa o̧ki̧ju̧ isapjo bakwachakwadanö do̧ko̧lataja o̧ki̧ju̧ma.

Éxodo 25:14

Ja̧ ö̧'i̧ya̧ma ba̧kwö̧'a̧kwena bakwachakwadanö o̧ki̧ju̧nö tjuyutebo, isapjo tje'ewobö.

Éxodo 25:5

Tjiyakwa̧ i̧sȩdi̧ju̧ biya̧: O̧bȩja̧dö ömadö tjisȩdi̧ju̧, duwi̧ o̧di̧ju̧ baibanö bu̧datibö tjiyo. Ja̧danö, jwai̧ balawa okwanö kwöba̧lö lö̧jadö tji̧sȩdi̧jubi tjiyo. Ja̧danö, towi ötebiya, acacia towi ötebiyatjö löbö tjiyo.

Éxodo 27:6

Ja̧danö, ö̧'i̧ya dö'ölataja tjölödo, iyawapjo e'ewakwawa ö̧'i̧ya̧. Ja̧ ö̧'i̧ya̧ma acacia towi sö'datjö lödö, broncesapi tjo̧'bo̧dato.

Éxodo 30:5

Ja̧ ö'i̧ya̧ma acacia towi ö'i̧ya̧tjö dö'i̧lataja tjubulo. Bulaja̧dö ja̧ ö'i̧yama orosapitjö tjo̧'Bo̧dato.

Éxodo 37:4

Ja̧danö, acacia towitjö ö'i̧ya̧ dö'i̧lataja bulijetö. Bulajo̧ ja̧ ö'i̧yama orosapitjö 'bo̧datijetö.

Éxodo 40:20

Ja̧danö öbiya döbölataja öbiya, Isabenö Jo̧ domulataja jawa weina wȩyukwa öbiya isapjonö anijadötö. Ja̧danö, ö̧'i̧a̧bi yubebijadötö ja̧pjo o̧ki̧ju̧nö, japjo tje'ewakobetjö̧. Ja̧danö, muchekwapi̧bi muchebijadötö.