Éxodo 23:5 - Dios Iwene

⁵ Ja̧danö, ju'wi wanedö yötawa: Ökwödönö öpöjödo̧nö kwedaduwobe, iteda ajwi bulunö öbibö i̧'yobe. Ja̧danö, buluma jwiinö ömöki̧ jawa oma'anö e'edobetjö̧ nijakwö meobe. Jejenö meobe kwedaduwitjö̧ma kwomukwataduwoko, Iteda jawa, pjadatökö, jö̧ba̧lö. Pjakataduwobö jo̧be jo̧banöma, ajwi bulunö a̧la̧ibobö. Ja̧danö, ökwödönö öpöjödo̧ijayonö pjakataduwonö— webijetö Isabenö Jo̧ma Moisésnöma, weawa wene ujunobö Israel jojodönö a̧ja̧kwö tjö̧jobö.

Éxodo 23:5 ပူးပေါင်းရင်းမြစ်များ

Proverbios 25:21

Ja̧danö, ju'wibi jwebebö yötawa: Kwöpöjojo a̧wi̧chi̧ lö̧jinö ö̧jitjö̧ma, jo̧banö kwakwawa kwiyo ukwobö, ja̧danö ojwiyo o̧ti̧ lö̧jitjö̧ma, ojwiyo kwiyo, owobö.

Deuteronomio 22:1

Tupakwö yöawinobe Moisesma: —Chömöledö, ökwödötjö bakwo̧ ajwi pakayaökö, obejaökö ile'dewitjö̧ma, ja̧danö okwödötjö jelo̧ ile'dewajo̧nö editjö̧ma, –Jo̧kwada, wainö le'dewö 'yo̧, –jö̧ba̧lö kwomukwataduwoböma jwiakobe. Isabenö kwömöledöso̧nö pjabatö, ö̧jobekwö tjekatajaduwobö ja̧kobe.

Deuteronomio 22:4

—Ju'wibi ökwödötjö bakwo̧ ajwi buluökö, pakayaökö nöinö e'ewö meitjö̧ma, ja̧danö ökwödötjö bakwo̧ meajobe editjö̧ma, –Jo̧kwada, –jö̧ba̧lö pjabatökönö ö̧joböma jwiakobe. Isabenö ajikwo̧nö pjaatobö ja̧kobe, ajwinö kaebobö.