Éxodo 14:30 - Dios Iwene

³⁰ Ja̧ mölema, Isabenö Jo̧ma jejenö Israel jojodönö Egipto jojodötjö tjö̧jibinö pjabatijetö. Ja̧danö, Israel jojodöma edijadötö Egipto jojodö o̧bawö wobajadö, o̧pesobu ö'öbönö lö̧jadönö.

Éxodo 14:30 ပူးပေါင်းရင်းမြစ်များ

Éxodo 14:13

Jejenö jwötjeba̧lökwe: —Chömöledö yekabiduwa. Kwo̧'woduwi 'dibachibö ja̧duwi. Makö kwedaduwakwedöja Isabenö Jo̧ ökwödö kwö̧jibaduwinö pjaati̧ma. Ja̧danö, kwö̧jibaduwinö pjaatobetjö̧ idö Egipto jojodö ichadö, babe kwedaduwawö̧nöma yemidanöma kwedaduwökakwawö̧.

Isaías 63:11

Jobekwö balediawö̧, da'dödöma tjomukwatibinobe damötjö tjö̧jina jawa, Moises da'dödönö öibina jawa tjomukwatibinobe. Ja̧ omukwatö yötja̧lakwawinobe: —Egipto nijitjö da'dödö latjebinena, jwaibalawa duwobu ö'wejenö tjöbaledobö pjabatinama, daida? Iteda O̧'wo Luwo̧ da'dödökwö ö̧jobö webinama, daida?

Isaías 63:8

Israel jojodönö yöa̧linobe, —Isabenö ötjöda chömöledö bidö israel jojodöma, chitji̧mu ja̧nö, la'akatjöda ötjönö katjatibökakwedö, —jö̧ba̧lö. Ja̧danö tjö̧jibinö pjabato̧ baibanö, jobadönö pjaatinobe.

Isaías 63:9

Isabenö okobe jwiinö usula emawö tjö̧jitjö̧, Diosda jobadökwö ja̧nö pjaatinobe. Jau, sule ömöayo̧nöda webö, —Chömöayo̧ angel, tjö̧jibinö pjabati, —jö̧ba̧lödamaökö, iteda da'dödökwö ja̧nö, tjö̧jibinö pjaatinobe. Jo̧bada ile nibebö, lȩlöinö edö pjabatinama, ja̧danö okobe jwiinö damötjö kwetjachinama, jo̧bada a̧la̧pedö kweatinobe.

Deuteronomio 4:34

—Ja̧danö Dios ökwödönö Egipto jojodö tjö̧'da̧de kwö̧jaduwemi ja'ötjö, iteda ömöledö bakibaduwanö lakebaduwinö pjaatina kwomukwataduwo. Ja̧ ökwödönö pjaatinajaye jelo̧ tjösödökwe ömöledönö pjaatinaji̧? Tjösödawö̧tjö bakwo̧bi ju'wedö tjitebo jojodö tjö̧'da̧de ju̧kwadönö iteda ömöledö batjibobö labebö eminaji̧? Kwöwaisaduwa chömöledö, kwuluwo̧duwi Isabenö Jo̧ Diosma Egipto jojodönö lȩebinobe, ja̧danö iteda ujulunö jojodö edajitjökö jawa i̧sȩbinobe, ja̧danö iteda ujulunö jobadönö ölakwabikwawö ujuluwinobe, isabenö iteda inesö ujulu öwaetjöda öwawinö i̧sȩbinobe, ökwödö Egipto jojodötjö kwö̧jibaduwobö, jö̧tö? Ja̧jaye pjaatakwawa bö̧je jojodö tjösödawö̧tjö bakwo̧bi pjabato̧ ö̧jobeji̧? Deobe.

Judas 1:5

Isabenö Duluwo̧ lȩebakwawö̧ jobadönö chömöledö, damötjö sulabedönö lȩebinadanö. Jau chömöledö, ida̧ökö kwöwaisaduwijayonö, yayonö yemidanö kwomukwatibaduwobö yötawaduwakwö damötjö baledina jawa, baikwö: Damötjö Duluwo̧ma okobe deinö Israel jojodönö tjö̧jibinö pjaatinobe, Egipto nijitjö latjebobö, ¿jö̧tö? Ja̧danö, ajayinö Egipto nijitjö latjebobö pjaatinajayonö, jemi ikenama jobadö pjaatinajawö̧tjö yöawi̧ öpöjödadönö söbebö loinobe, ¿jö̧tö?

Jueces 10:11

Jejenö tjubudekwiökwe, Isabenö Jo̧ma israel jojodönö atadinobe: —Kwöwaisaduwa, ötjöma otiwanö ökwödönö pjabatinasa, egipcio jojodötjöbi, amorreo jojodötjöbi, amonitas jojodötjöbi, filisteo jojodötjöbi,

1 Samuel 11:13

Yötja̧liökwe, Saulma atadinobe, —Ja̧maökö, babe möle dömöledötjö bakwo̧nöbi kwabö lodökakobe, Isabenö Jo̧ma isabenö babe möle otiwanö ökwödönö pjaatajabetjö̧, —jö̧ba̧lö.

1 Samuel 14:23

Jobekwö laebobe Isabenö Jo̧ israel jojodönö tjö̧jibinö pjaatina wene, ja̧danö ja̧ möle israel jojodöma filisteo jojodönö lutjinobe, Betaven comunidad tupakwö.