Deuteronomio 9:16 - Dios Iwene

¹⁶ Ja̧danö, yutubajo̧, chedijatö, isabenö Dios yöa̧laja̧danö, kwuluwo̧duwi Isabenö Jo̧ Dios wei̧ a̧ja̧kwökönö, pakaya itji̧ o̧'wo jawa orotjö kwotidinaduwama. Jau chömöledö, Isabenö Jo̧ma jweinö ökwödönö o̧'wo jawa kwotidaduwokobö weinajayonö, juluwanö jo̧ba wei̧ kakatibinaduwobe.

Deuteronomio 9:16 ပူးပေါင်းရင်းမြစ်များ

Éxodo 32:19

Ikenama, Moisésma Israel jojodö tjö̧jobe ichibö pakaya itji̧danö ichejekwo̧ o̧'wo̧ jawa, ja̧danö jojodö baile 'dötjobe edö o̧'wo̧ jwiinö sulachibijetö. O̧'wo̧ jwiinö sulachibajobetjö̧ jobe mö'ösa'o la'akatjö öbiya döbölataja jawa öbiya nijakwö labinö ikwö 'dabebijetö.

Éxodo 32:4

Ikenama Aarónma ja̧ orotjö otikwa tjiyaja̧ ökwölanö tubinö tobajo̧ isobuma tjobebijetö isa'onö, pakaya itji̧danö ichejekwo̧ o'wo jawa baibanö. Jejenö otidijetö Aarónma pakaya itji̧danö ichejekwo̧ o̧'wo̧ jawa. Israel jojodöma Aarón otidajökwenö edö jö̧ba̧lijadötö: — Ökwödö Israel jojodö dösödökwe dios biteda. Biteda Egiptotjö ladebinö öbibö pjabatinama— jö̧ba̧lijadötö.

Deuteronomio 9:15

—Jejenö yöa̧li̧tjö̧, juluwanö jalachibö jobetjö yutuchajijatö, kwö̧jaduwobekwö. Ja̧danö jejenö yutuchajonö, mösa'oma ökwölanö ubinobe, ja̧danö yutubajö, Dios wei̧ wȩyukwaba chömamijunö do̧ba̧lö yutuchajijatö.

Deuteronomio 9:17

Ja̧danö, sulabenö o̧'wo jawa kwotidaduwaja̧ edajo̧, kwöba a'odwuwitjö ötjöma döbalataja Dios wei̧ wȩyukwaba che'ewabama nijakwö ikwö lotijatö, Dios wei̧ wȩyukwaba 'dalachajibanö.