Deuteronomio 8:12 - Dios Iwene

¹² Teada̧lönö kwö̧jaduwo chömöledö, kwuluwo̧duwi Diosnö kwo̧'wo jwikibaduwapji jö̧ba̧lö, baikwö yötawa: Jobe ja̧nö, kwomeawachibaduwanö kwukwaduwakwedöja, ja̧danö o̧do otiweju otidajadö, otiwejubiyanö kwö̧jaduwakwedöja,

Deuteronomio 8:12 ပူးပေါင်းရင်းမြစ်များ

Proverbios 30:9

Jobekwö pjakatotjö Chuluwo̧, nöinö chujuna̧lokoböbi, ja̧danö jwibö chö̧jokoböbi. Isabenö, nöinö chujuna̧litjö̧ma ökwönö chomukwatökena, Tida Isabenö Jo̧ma, wajwitökwe, ötjönö pjaatobö jwiyobe, jö̧ba̧lö. Ja̧danö, jwibö chö̧jitjö̧ma chönaukwena, ökwönö sulabenö omukwatö— jö̧ba̧lö Diosnö atebobe.

Lucas 17:28

Ja̧danö Lot ö̧jena ju̧kwadöbi ja̧danö. Lot ö̧jena jojodöma tjo̧'wo̧ söba̧lö kwanöbi tjukwinobe, ja̧danö owöbi tjowinobe, ja̧danö emöbi tjitea tjeminobe, ja̧danö iyöbi tjitea tjiyinobe, ja̧danö batjo otidöbi tjotidinobe, ja̧danö o̧do otidöbi tjotidinobe, Dios lȩebakwa̧ badekwachenanö kabatö.

Deuteronomio 28:47

—Chömöledö, kwuluwo̧duwi Isabenö Jo̧ Diosma isabenö jwiinö otiwanö pjabato̧ ökwödönö, okobe jwiinö kwujuna̧laduwo jö̧ka̧laduwi̧ma kwujuna̧laduwinö. Ja̧danö, jejenö pjaatiawö̧, kwo̧'woduwibi, kwomajadeduwibi ösöwachibanö jo̧banö kwösödaduwo jö̧ba̧ladöja. Jo̧kwaijayonö jo̧banö ösödökönö, 'da̧bachibö kwi̧'yaduwitjö̧ma,

Deuteronomio 31:20

Jau Moises, baikwö baledakwa̧ yötawakwö: Damötjö̧ israel jojodö tja'dödönö yöbawö chujunina badekwachinö, babe juluwanö inesö otiwemi, ajikwakwawedöbi otiwanö tjajikwemi, ja̧danö batjobi otiwanö wa̧jemi nijibe israel jojodönö ötibocha, jobe tjö̧jobö. Ja̧danö, jobe chiyaja̧ nininö ja̧nö, nöinö kwakwawa tjujuna̧lakobe israel jojodöma, tjomeawinö tjukwobö. Jemi ikenama, jejenö ida̧ökö otiwanö tjujuna̧lenama, ötjö tjuluwo̧ Diosnö öpöjödö kabatibö, ju'wedö tjösödawö̧nö tjösödakobe. Jau Moises, bakobe israel jojodökwö yöbawö chujunijatö, –Isabenö weti̧ a̧ja̧kwö tjö̧jobö jo̧be, –jö̧ba̧lö, jo̧kwaijayonö weti̧ kabatibö, ju'wedö tjösödawö̧nö tjösödakobe, –Jo̧badö wetji̧da da̧ja̧kwaduwo, –jö̧ba̧lö.

Deuteronomio 32:15

Jejenö iyiawö̧, tjomeawinö tjukwinobe israel jojodöma, o̧tewadö batjibanö. O̧tewadö babibö, nötja̧chibinobe, inesö o̧tewadö batjibanö, ja̧danö jobadönö otidina Diosnö katjatibinobe, tjö̧jibinö pjabato̧ inawadanöbo̧ Diosnö obö katjatibinobe.

Deuteronomio 6:10

Tupakwö yöawinobe Moisesma: —Chömöledö, kwuluwo̧duwi Isabenö Jo̧ Diosma kwa'dödömine Abrahamnöbi, Isaacnöbi, Jacobnöbi yöbawö ujuninobe, isabenö ökwödö israel jojodönö niji iyakwa̧ wenema, jö̧tö? Ja̧ yöbawö ujunina nijima, baikwö yötawa chömöledö, Ja̧ nijinö ida̧ökö otiwi̧ comunidadbiya jȩmi, jalobe comunidadbiyama. Ja̧ comunidad kwotidinaduwököjayonö, otiwanö jobe kwö̧jaduwobö ja̧kobe.

Deuteronomio 8:13

ja̧danö kwajwimuduwi tjö̧ba̧jȩkwachobetjö̧, ba̧jȩkwadönö kwajikwaduwakwedöja, ja̧danö okobe jwiinö ju'wi kwiteaduwibi ba̧jȩkwachakobetjö̧, kwiteaduwi nöinö kwujuna̧laduwakwedöja.