Deuteronomio 6:9 - Dios Iwene

⁹ ja̧danö kweju apjudesa'onöbi, comunidad apjudesa'onöbi kwi̧wȩyudaduwo, ba̧kwelöjatebö edö kwomukwatibaduwakobetjö̧, —jö̧ba̧lö yöawinobe Moisesma, Dios ökwödönö wei̧ma isabenö inesö mikwawi̧ jö̧ba̧lö.

Deuteronomio 6:9 ပူးပေါင်းရင်းမြစ်များ

Éxodo 12:7

Ja̧danö, 'wibebö kwaköbajaduwawö̧ tjökwösobutjö apjudesötenö dukebaduwo, apjude jawa ö'diyanöbi bakwachakwadanö, möakwöchobe jawanöbi itebiya kukwaduwakwa̧ ejubiyanöma.

Isaías 30:8

Diosma ötjönö weinobe, baikwö: —Ökwödönö yötawi̧ kwi̧wȩyudo, kwiyalu'yenö kwödo, Juda jojodö tjujuna̧lobö. Ja̧danö, jejenö kwiyiawö̧, baledakwa̧ jawa baledenama, i̧sȩkwa baibanö tjujuna̧lakwedö, ja̧danö tupakwöbi ba̧kwelöjateböbi tjujuna̧lakobetjö̧.

Isaías 57:8

Jau, apjude o̧pekwöchobebi, apjudasa'o ö'öböbi, i̧sȩkwa jawa kwujunajabe Israel, ja̧danö ötjötjö 'da̧bachibö 'ya̧nö, ju'wedökwö 'da̧'da̧bö kwö̧jotö jö̧ba̧lö, kwa̧do̧ 'yobekwö, kwitea kamapjonö kwöbamatajabe. Ja̧danö, ba̧jȩkwadökwö kwö̧jotö jö̧ba̧lö, kwitea kamapjo jalapjo kwotidajabe. Jobadö tjötade ösödinö eda̧laju, jobadökwö kwö̧jakwa jawa yöbawö kwujunajabe, ja̧danö jobadökwö 'da̧'da̧akwawa kwösödajabe.

Deuteronomio 11:18

Tupakwö yöawinobe Moisesma, israel jojodönö: —Chömöledö, isabenö mikwawobe, ökwödönö yötawi̧ kwomukwataduwoböma, isabenö kwomajadeduwinöbi, kwo̧'woduwinöbi 'diinö do̧ba̧lö kwö̧jaduwobö jo̧be. Ja̧danö yötawaja̧ wȩyudö, kwömamijuduwinöbi, kwöbaduwinöbi di̧kataduwo, ba̧kwelöjatebö ja̧ jawa omukwatö kwö̧jaduwakobetjö̧.

Deuteronomio 11:20

Ju'wibi kwejuduwi apjude a'onö yötawi̧ jawa kwi̧wȩyudaduwo, ja̧danö comunidad apjude a'onöbi kwi̧wȩyudaduwo, ba̧kwelöjatebö edö kwomukwatibaduwakobetjö̧.