Deuteronomio 6:20 - Dios Iwene

²⁰ —Ja̧danö chömöledö, tupakwö kwitji̧muduwima ökwödönö abebö tja̧ja̧kwena, –Okobe jwiinö duluwo̧ Dios ökwödönö weinama, ja̧bö dö̧joböbi, ju'wi weawabi weinama, ¿tajawedö weinadaja? –jö̧ba̧lö abebö tja̧ja̧kwena. Jejenö abebö tja̧ja̧kwenama,

Deuteronomio 6:20 ပူးပေါင်းရင်းမြစ်များ

Éxodo 10:2

Ja̧danö, Moisés ökwö kwi̧tji̧mu̧nö, kwö'dö̧dönö chujulu chi̧sebina yökawakobetjö faraón, iteda ömöayedö tjomajade 'diinö ji̧nö wetobe. Ja̧danö, yökawakobetjö̧, Isabenö Jo̧ iteda ujulu i̧sebiawö̧ tjo̧'wo jwibadödanö batjibinobe Egipto la'aka luwedöma, jö̧ba̧lö, jobadö tjomajade 'diinö ji̧nö wetobe. Jejenö ökwödö okobe deinö babe ju̧kwadöbi, ökwötjö tupadanö jojodöbi tjöwaisakobe ötjönöma, Isabenö Jo̧ma bakwo̧da, jö̧ba̧lö— yöbawijetö Isabenö Jo̧ma Moisésnöma.

Éxodo 12:26

Ja̧danö, kwi̧tji̧mu̧duwima abebö tja̧ja̧kwena ¿tajawedö biya ba'ali dujunobeda? jö̧ba̧lö

Éxodo 13:14

Ju'winö kwi̧tji̧mu̧duwitjö bakwo̧ abebö a̧ja̧kwena ¿tajawedö kwimidobeda? jö̧ba̧lö baikwö kwatadonö: Isabenö Jo̧ma iteda ujulunö Egiptotjö ladebobö pjaatinobe, labinö dotidobö wetjanelö duju̧kwibanö.

Éxodo 13:8

Ja̧ ba'ali ajayi mölema kwi̧tji̧mu̧nö yökawaduwo, biya ba'ali dujuni̧ma Isabenö Jo̧ ökwödönö pjaatina omukwatö junadösa, Egiptotjö ladebobö pjaatinama, jö̧ba̧lö.

Proverbios 22:6

Ja̧danö, ju'wibi yötawa: Isabenö, kwitji̧mu̧duwinö otiwanö tjo̧mukwatobö jwebebö yökawaduwitjö̧ma okobe jwiinö tjö̧ji̧ma otiwanö omukwatö tjö̧jena. Jao, tjȩmu tjö̧jatjö̧ damöbi ba̧kwȩlö̧jatebö jwebebö yökawinaduwadanö otiwanö omukwatö tjö̧jena, jobadönö ajayinö jwebebö yökawinaduwatjö̧ma.

Deuteronomio 4:9

Tupakwö yöawinobe Moisesma, israel jojodönö: —Teada̧lönö kwö̧jaduwo chömöledö, ökwödö kwedinaduwa jawama kwo̧'wo jwikibaduwapji jö̧ba̧lö. Jau chömöledö, ba̧kwelöjatebö kwo̧'woduwi jwibibökönö, ina kwö̧jaduwayi ja̧ jawa omukwatö kwö̧jaduwobö jo̧be, ja̧danö kwitji̧muduwinöbi, kwö̧'dödöduwinöbi yökawaduwobö jo̧be, jobadöbi ba̧kwȩlöjatebö omukwatö tjö̧jakobetjö̧.

Deuteronomio 6:19

isabenö yöbawö ujuninadanö kwöpöjojodöduwinö kwabönöduwitjö a'dewö loakobe, tjiteboinemi nijinö otiwanö kwö̧jaduwobö.

Deuteronomio 6:21

Baikwö kwatadaduwo chömöledö, –Damötjö ökwödöma Egipto nijinö ja̧nö, Faraon ömöayedö dö̧jijatö, jo̧kwaijayonö jejenö dö̧jemi ja'ötjö, Isabenö Jo̧ma iteda ujulunö ökwödönö Egipto nijitjö laebinobe.

Deuteronomio 6:7

Kabatökönö yötawi̧ jawa kwitji̧muduwinö yökawaduwo, ja̧danö ba̧kwelöjatebö ja̧ jawa yöka̧laduwo, kwejuduwinö kwö̧jaduwenabi, jelobe kwö̧jaduwenabi, kwabobö kwöbamataduwenabi, kwa̧la̧ibaduwenabi.