Deuteronomio 5:27 - Dios Iwene

²⁷ Ja̧danö, jejenö yedabobetjö̧, ökwönö adebakwö Moises, Ökwöda duluwo̧ Isabenö Jo̧ Dios ö̧jobekwö jo̧dawa'ye kwi̧'yo, ökwöda okobe jwiinö yöawi̧ kwa̧ja̧kwobö. Ikenama a̧ja̧kwajo̧, okobe jwiinö duluwo̧ Isabenö Jo̧ Dios ökwönö yöawaja̧ jawa, ökwöda tupakwö ökwödönö yökawo. Ja̧danö, isabenö yökawakwa̧ da̧ja̧kwakwedösa, ja̧danö a̧ja̧kwajadö, yökawaja̧danö ja̧dakwedösa, –jö̧ba̧lö akebinaduwobe.

Deuteronomio 5:27 ပူးပေါင်းရင်းမြစ်များ

Éxodo 18:20

Ja̧danö, ökwöma jojodönöma kwö̧ba̧jado Dios weina jawabi, Dios yöawina jawabi. Jojodönöma pjakato jweinö tji̧'yakwa̧ tjöwaisachibanö, ja̧danö otiwanö omukwatö tjö̧jakwa̧, Dios wei̧danö.

Éxodo 19:8

Israel jojodöma ja̧ Isabenö Jo̧ yöawaja̧ a̧ja̧kwö ösödijadötö, Otiwa, jö̧ba̧lö, okobe jwiinö Isabenö Jo̧ weaja̧danö da̧ja̧kwedösa, jö̧ba̧lö. Ja̧danö, Moisés Isabenö Jo̧ ö̧jobekwö nöchö yöbawijetö Isabenö Jo̧nö jojodö tjatadaja̧, okobe jwiinö Isabenö Jo̧ weaja̧danö da̧ja̧kwedösa, jö̧ba̧lö, tjatadaja̧ma.

Éxodo 20:18

Ja̧danö, Israel jojodöma böba ökwödi̧ a̧ja̧kwijadötö. Ja̧danö böba nei̧ edijadötö. Ja̧danö obeja i'yeka pjuawa labinö ökwöi̧bi a̧ja̧kwijadötö. Ja̧danö, Sinaí mö'ösa'o ökwöla imuyu'wo lo̧obe edijadötö. Jejenö baledi̧ edö jwiinö yebaibijadötö, tjö̧bawinö. Jo̧kwaobetjö̧ mö'ösa'o la'akatjö ödönönöda ja̧nö

Éxodo 20:19

yöba̧lijadötö Moisésnö: —Moisés, ökwöda yöka̧lo ökwödönöma, Diosmakö̧. Ökwö yökawi̧ma isabenö da̧ja̧kwedösa. Jo̧kwaobetjö̧ pjabatidönö Dios yöa̧lökakobetjö̧ ökwödönöma debö di̧'yapji jö̧ba̧lö— abebijadötö Israel jojodöma Moisésnöma.

Éxodo 24:3

Ja̧danö, yutubajo̧ Moisésma yöbawijetö Israel jojodönö okobe jwiinö Isabenö Jo̧ yöawaja̧ma, domulataja weawa jawabi, ju'wi weawa wenebi, Israel jojodönö a̧ja̧kwö tjö̧jobö weawama. Ja̧ weawa a̧ja̧kwö okobe deinö Israel jojodöma bakobe ösödö yöba̧lijadötö ¡Jao otiwa! Isabenö Jo̧ wei̧da a̧ja̧kwö duju̧kwakwedösa, jö̧ba̧lö.

Deuteronomio 5:26

Jau Moises, okobe deinö bö̧jȩ jojodötjö bakwo̧bi deobe, 'yaba̧lo̧ Dios yöawobe ökwöi̧ a̧ja̧kwina, ina 'yaba̧lo̧ma, jo̧kwajabetjö̧ tupakwö Dios iwene ökwöi̧ da̧ja̧kwitjö̧ma, dedemi ö'wö badibena.

Deuteronomio 5:28

—Jejenö akebinaduwiökwe, Isabenö Jo̧ma yöka̧laduwina a̧ja̧kwinobe, ja̧danö a̧ja̧kwajo̧, ötjönö yöa̧linobe Isabenö Jo̧ma: –Bidö jojodö ökwönö abebö yötja̧laja̧ma, cha̧ja̧kwajabe, ja̧danö yötawakwö, Yötja̧laja̧ma, jweinö omukwatö yötja̧lajabe.

Hebreos 12:19

Ja̧danö, ökwöi̧bi ökwöinobe ja'otjöma, trompeta labinö pjutji̧danö. Ja̧danö, iwenebi ökwöinobe, Dios iwenema. Ja̧danö, da'dödöminema ja̧ Dios iwene a̧ja̧kwö yelösöda yetjaibinobe. Yetjaibobetjö̧ budekwö wetjinobe Moisésnö, ¡Ayö! Diosnö abebi ökwödönö yöa̧loko, labinö yöa̧li̧ma, jö̧ba̧lö. Yedabi. Moisés, ökwöda Dios yöawi̧ kwa̧ja̧kwo, jemi tupakwö ökwödönö yökawo, jö̧ba̧lö, budekwö wetjinobe Moisésnö.

Josué 24:24

Yöa̧lawö̧, israel jojodöma Josuenö yötja̧linobe, —Jau, Duluwo̧ Isabenö Jo̧ Diosnöda dösödakwedösa, ja̧danö jo̧ba wei̧da a̧ja̧kwö dö̧jakwedösa, —jö̧ba̧lö.