Ikenama du̧ju̧taja sulabedöma ichibö, öba a'o tjöbamatinobe, jadanö jojodö tjöba a'o yötja̧linobe Nabotnö, —Bite Nabotma jwiinö sulabenö yöa̧linobe Diosnöbi, inesö la'aka duluwo̧nöbi, —jö̧ba̧lö omöna yötjalinobe. Ikenama, Nabotnö tjötjebinobe comunidad apjude a'obe, ja̧danö comunidadtjö labebajadö, inawiya ikwawö lotjinobe Nabotnö.
Deuteronomio 5:20 - Dios Iwene20 –Ja̧danö ju'wibi wetaduwakwö: Kwömöledöso̧nö omöna yöka̧laduwoko, sulabenö ja̧ököjayonö, Bitema sulabenö ja̧bo̧, jö̧ba̧lö. အခန်းကိုကြည့်ပါ။ |
Deuteronomio 5:20
9 ပူးပေါင်းရင်းမြစ်များ
Ina Isabenö Jo̧ma Moisésnö webijetö, weawa wene ujunobö Israel jojodönö a̧ja̧kwö tjö̧jobö, baikwö: —Ju'wedönöma omöna yöka̧laduwoko. Wanedö yötawa: Bakwo̧, sulabenö ja̧bo̧nöma ötjibobe lȩekwa omukwatö junadö tjöbajale a'o tjujunobö. Ja̧danö, omukwatö junadöma ökwönö jo̧banöma yöka̧lobö aeba̧litjö̧ma jweinöda yöka̧lo. Omönama yöka̧loko jo̧banö pjakatobö, ja̧danö jo̧banöma lȩtjebokobö. Jweinöda yöka̧lo.
Ja̧danö, ju'wibi yötawa, wanedö: Bakwo̧ lȩekwa yöbawo̧ öba a'o ja̧nö iteda edinatjö̧bi, a̧ja̧kwinatjö̧bi yöawobö wetjökwe. Isabenö yötawa: Bakwo̧ lȩekwa yöbawo̧nö yöawena jweinö yöawobö jo̧be. Omöna yöbawo̧nö isabenö lȩtjebakwo̧. Yelösöda omöna yöbawo̧nöma lȩtjebakwa̧tjö ö̧jibobö jwiobe, ja̧danö döibajoböbi jwiobe.
Ja̧danö, ju'wibi yötawa wanedö: Bakwo̧ lȩekwa yöbawo̧ öba a'o ja̧nö iteda edinatjö̧bi, a̧ja̧kwinatjö̧bi yöawobö wetjökwe. Isabenö yötawa: Jo̧bama lȩekwa yöbawo̧nö yöawena jweinö yöawobö jo̧be. Omöna yöbawo̧nö isabenö lȩtjebakwo̧. Yelösöda omöna yöbawo̧nöma lȩtjebakwa̧tjö ö̧jibobö jwiobe, ja̧danö döibajoböbi jwiobe.
Jemi ikena Isabenö Jo̧ öpöjödi̧ma baikwö laebobe: Bakwo̧ lȩekwa yöbawo̧nö omöna yöawobe, jelo̧nö lȩebobö. Jobekwö omöna yöba̧lo̧nöma jwiinö öpöjödobe Isabenö Jo̧ma. Jemi ikena Isabenö Jo̧ öpöjödi̧ma baikwö laebobe: Bakwo̧ omöna yöa̧lobetjö̧ ömöledötjö ju'wedökwö ju'wedökwö wene tjuju̧na̧lakwawobö jwöbebo̧nö jwiinö öpöjödobe Isabenö Jo̧ma. Ja̧ jelemutjö dötölataja jawa jojodö sulabenö omukwatö ja̧tji̧ jawa jwiinö öpöjödobe Isabenö Jo̧ma.
ကြော်ငြာတွေ