Deuteronomio 5:1 - Dios Iwene

¹ Ja̧danö, jobe Jordan ojwetjö jawo̧ ichobekwöchobe ja̧nö, Moisesma okobe deinö israel jojodönö o̧ko̧kodinobe, ja̧danö ko̧ko̧dajo̧, jobadönö yöawinobe: —Chömöledö israel jojodö, otiwanö kwa̧ja̧kwaduwo, Dios ökwödönö wei̧, ja̧bö kwö̧jaduwobö wei̧ma, babe ökwödönö chö̧ba̧jadonö. Ja̧ wei̧ma otiwanö kwöwaisachaduwo, ja̧danö waisachibajadö, jwaikwöda otiwanö wei̧danö a̧ja̧kwö kwö̧jaduwo.

Deuteronomio 5:1 ပူးပေါင်းရင်းမြစ်များ

Éxodo 15:26

yöba̧lijetö jobadönö: —Ötjöma Isabenö Jo̧sa, ökwödö kwuluwo̧duwi Diossa. Ökwödöma ötjö yötawi̧ma tjöbeba̧lakwawö a̧ja̧kwö kwö̧jaduwitjö̧ma, ja̧danö, ötjö jweinö omukwatö kwö̧jaduwobö chösödi̧danö ja̧bö kwö̧jaduwitjö̧ma, ja̧danö ötjö weti̧ tjöbeba̧lakwawö omukwatö, ja̧ weawa a̧ja̧kwö kwö̧jaduwitjö̧ma la'akatjöda Egipto jojodönö wotjinö lȩtebinadanöma lȩtebökakobe ökwödönöma. Kwo̧'wo jwikibaduwoko. Ötjödasa Isabenö Jo̧ma, ökwödö kwö'wöchaduwiökönö otiwanö bakibaduwinö pjabato̧sa—yöba̧lijetö Isabenö Jo̧ma Israel jojodönöma.

Éxodo 18:20

Ja̧danö, ökwöma jojodönöma kwö̧ba̧jado Dios weina jawabi, Dios yöawina jawabi. Jojodönöma pjakato jweinö tji̧'yakwa̧ tjöwaisachibanö, ja̧danö otiwanö omukwatö tjö̧jakwa̧, Dios wei̧danö.

Mateo 23:3

Jo̧kwajabetjö̧ jobadö tjöba̧ja̧di̧ a̧ja̧kwö, wetji̧danö ja̧bö kwö̧jaduwo chömöledö, jo̧kwaijayonö ja̧bö tjö̧ji̧danöma ja̧bö kwö̧jaduwoko, jobadöma tjöba̧ja̧di̧danö ja̧bö tjö̧jokobetjö̧.

Deuteronomio 1:1

Baikwö laebobe Moises israel jojodönö yöawina jawa, ina Jordan ojwetjö jawo̧ ichobekwö tjö̧jayi. Ja̧ möle ina jojodö deobe tjö̧jinobe, Suf ötjabobe badeibö mejenö, Paran comunidadbi, Tofel comunidadbi, Laban comunidadbi, Jazerot comunidadbi, Dizahab comunidadbi ö'wejenö.

Deuteronomio 11:1

Tupakwö yöawinobe Moisesma, israel jojodönö: —Diosma isabenö otiwanö pjaatobe ökwödönö chömöledö, jo̧kwajabetjö̧ isabenö jo̧banö kwösödaduwobö jo̧be, ja̧danö jwaikwöda jo̧ba wei̧ a̧ja̧kwö kwö̧jaduwobö jo̧be. Jau chömöledö, ja̧bö kwö̧jaduwobö wei̧ jawabi, ju'wi wei̧bi, okobe jwiinö kwuluwo̧duwi Isabenö Jo̧ Dios wei̧ a̧ja̧kwö kwö̧jaduwobö jo̧be.

Deuteronomio 12:1

Tupakwö yöawinobe Moisesma, israel jojodönö: —Chömöledö, kwa'dödö tjösödinökwe Isabenö Jo̧ Diosma kwiteboduwi ökwödönö iyobe, jobe otiwanö kwö̧jaduwobö, jö̧tö? Ja̧danö, jobe kwö̧jaduwena, teada̧lönö kwö̧jaduwo chömöledö, Dios wei̧, ja̧bö kwö̧jaduwobö wei̧ma ba̧kwȩlöjatebö ina 'yaka̧laduwayi a̧ja̧kwö kwö̧jaduwakobetjö̧. Ja̧ ökwödönö wei̧ma, bi̧ya̧ chömöledö:

Deuteronomio 17:19

Ja̧danö, wȩyudajo̧, ba̧kwelöjatebö ja̧ i̧wȩyudaja̧'ye ujuna̧lobö ja̧kobe, ja̧danö mölekwena yöa̧lobö ja̧kobe, otiwanö uluwo̧ Isabenö Jo̧ Diosnö yebabinö ösödakwawa öwaisachibakobetjö̧, ja̧danö ba̧kwelöjatebö Dios wei̧, ja̧bö kwöjaduwobö wei̧ a̧ja̧kwö ö̧jakobetjö̧.

Deuteronomio 28:15

Tupakwö yöawinobe Moisesma, israel jojodönö: —Kwuluwo̧duwi Isabenö Jo̧ Dios wei̧, ja̧bö kwö̧jaduwobö wei̧bi, ju'wi wei̧ jawabi a̧ja̧kwö kwö̧jaduwitjö̧ma, yötawaja̧danö pjaatakobe chömöledö, jo̧kwaijayonö teada̧lönö a̧ja̧kwö jö̧könö, wei̧ öpöjödö kwö̧jaduwitjö̧ma, ökwödönö lȩebakwo̧ chömöledö ökwödönö söbebö loenanö baibanö. Baikwö yötawaduwakwö ökwödönö lȩebakwa̧ma chömöledö:

Deuteronomio 29:10

—Babe möle okobe deinö bai kwuluwo̧duwi Isabenö Jo̧ Dios öba a'o ko̧ko̧kwö ja̧döja chömöledö, bakwasokwena la'aka luwedöbi, ju'wedö kwuluwedöduwibi, lȩekwa luwedöbi, ökwödö israel jojodötjö ömadöbi,

Deuteronomio 29:2

Moisesma okobe deinö israel jojodö tjichobö jwöinobe, ja̧danö ichö ko̧ko̧kwajadönö yöawinobe, baikwö: —Chömöledö, ökwödöma isabenö Dios ujulu edö waisadöja, Egipto nijinö i̧sȩbina kwedinaduwobetjö̧. Jau chömöledö, kwöba a'oduwitjö kweda̧laduwonö, Isabenö Jo̧ma Faraonnöbi, ömöayedönöbi, itebo nijibi lȩebinobe.

Deuteronomio 4:1

Moises ina yöawinobe israel jojodönö: —Jobekwö Dios ökwödönö pjaatina jawa yötawajabe chömöledö. Ja̧danö, babema baikwö yötawaduwakwö: Ökwödönö chö̧ba̧jadobe Dios ökwödönö wei̧, ja̧bö kwö̧jaduwobö wei̧ma. Ja̧ chöba̧ja̧di̧ jawama otiwanö a̧ja̧kwö kwö̧jaduwo, ina 'yaka̧laduwayi Dios iyakwa̧ nijibe tekachaduwakobetjö̧, ja̧danö kwiteboduwi baibanö kwemaduwakobetjö̧. Jau chömöledö, kwa'dödö tjösödinökwe Isabenö Jo̧ Diosma ja̧ niji iyobe, jo̧kwajabetjö̧ isabenö jo̧ba wei̧ a̧ja̧kwö kwö̧jaduwo.

Deuteronomio 4:49

ja̧danö okobe jwiinö Jordan ojwetjö jawo̧ ichobekwö Araba nijima, a̧likwö jwaibalawabe ichibanö, ja̧danö Pisga mösa'o ö'öböbe ichibanö.

Deuteronomio 4:5

—Isabenö ökwödönö yötawi̧ a̧ja̧kwö kwö̧jaduwobö jo̧be chömöledö, baikwö yötawa: Okobe jwiinö chuluwo̧ Isabenö Jo̧ Dios ötjönö weinama, jweinö balewö lobökönö ökwödönö webö yötawobe, baikwö ja̧bö kwö̧jaduwo, jö̧ba̧lö, kwiteboduwinö kwö̧jaduwenama, Dios wei̧danö otiwanö a̧ja̧kwö kwö̧jaduwakobetjö̧.

Deuteronomio 5:2

Damötjö Sinai mösa'otjö dö̧jenama, Duluwo̧ Isabenö Jo̧ Diosma ökwödönö iteda wei̧ yöbawö ujuninobe ökwödönö, –Weti̧ a̧ja̧kwö kwö̧jaduwitjö̧ma, isabenö otiwanö teada̧lö pjatatakwo̧sa, –jö̧ba̧lö, jö̧tö?

Deuteronomio 6:17

Jwaikwöda teada̧lönö kwö̧jaduwo, okobe jwiinö kwuluwo̧duwi Isabenö Jo̧ Dios wei̧danö ja̧bö kwö̧jaduwakobetjö̧, ju'wi weawabi, baikwö ja̧köbaduwo jö̧ba̧lö wei̧bi, jwaikwöda wei̧danö a̧ja̧kwö kwö̧jaduwo.

Josué 1:8

Ba̧kwelöjatebö kwiyalu'ye weti̧ wȩyukwa'ye yöba̧lö kwö̧jo, ja̧danö mölebi, yö̧tebi laebi̧ jawa omukwatö kwö̧jo, okobe jwiinö laebi̧danö ja̧bö kwö̧jakobetjö̧. Jau Josue, jejenö ja̧bö kwö̧jitjö̧ma, kwö̧ji̧ma isabenö jwiinö otiwanö waekwökönö kwö̧jakwo̧ja.