Deuteronomio 4:43 - Dios Iwene

⁴³ Ja̧ Moises 'da̧batö ujunina comunidadbiyama, bi̧ya: Rubensaso nijitjö mö ba̧ba̧lawobe niji comunidad Beser 'da̧batö ujuninobe. Ja̧danö Gadsaso nijitjö Ramot de Galaad comunidad 'da̧batö ujuninobe. Ja̧danö, Manasessaso nijitjö, Basan niji comunidad Golan 'da̧batö ujuninobe.

Deuteronomio 4:43 ပူးပေါင်းရင်းမြစ်များ

1 Reyes 4:13

Ben Gueber mikwo̧ma, Ramot de Galaad la'aka luwo̧ ö̧jinobe. Ju'wibi Galaad nijitjö Manasesmine itji̧ Yair itebo comunidadbiya, jö̧ba̧lö ötjabobe niji la'aka luwo̧ ö̧jinobe, ja̧danö Basan nijitjö, Argob ötjabobe niji̧bi la'aka luwo̧ ö̧jinobe. Jobe Argob nijitjö, comunidadbiya 'diinö tjöbebö tjotidina comunidadbiya, broncetjö otikwa ö̧sö̧a'nö pje'datakwawa comunidadbiya ji̧nobe sesenta comunidadbiyama, jadano okobe jwiinö ja̧ niji la'aka luwo ö̧jinobe Ben Gueberma.

1 Crónicas 6:63

Ja̧danö Levisaso jojodötjö Merari itji̧mu tupadanö jojodönöbi tjitebo comunidad baibanö tjiyinobe. Rubensaso jojodöbi, Gadsaso jojodöbi, Zabulonsaso jojodöbi tjitebo nijitjö doce comunidadbiya 'da̧batö tjiyinobe Merari itji̧mu tupadanö jojodönö.

1 Crónicas 6:66

Ja̧danö ju'wedö Levisaso jojodönö tjiyina comunidad imibiyama baikwö laebobe: Efrainsaso nijitjö comunidadbiya, ö'öbö mejebi 'da̧batö tjiyinobe Coat itji̧mu tupadanö jojodönö, bi̧ya:

1 Crónicas 6:71

Ja̧danö Levisaso jojodötjö Gerson itji̧mu tupadanö jojodönöbi tjiyinobe, baikwö: Manasessaso ja'ö jawo̧ laebobekwö ju̧kwadöma tjitea nijitjö tjiyinobe: Basan niji comunidad Golanbi, Astarot comunidadbi, ja̧danö ja̧ comunidadbiya ö'öbö mejebi tjiyinobe.

1 Crónicas 6:80

Ja̧danö Gadsaso jojodöma tjitea nijitjö tjiyinobe: Ramot de Galaad comunidadbi, Mahanaim comunidadbi,

Deuteronomio 4:42

Ja̧ comunidad labebö loawama baikwö laebobe, Bakwo̧ sulabenö omukwatökönö, kwabö loobö omukwatökönö, öpöjojo ö̧jö̧köjayonö a̧dekwanö jelo̧nö ö'wö baibinö ja̧itjö̧ma, ja̧ tjöeba̧lakwawa comunidadbe döibajobö jȩna, ö'wö babibina ömöledöma jo̧banö kwabö lotjapji jö̧ba̧lö.

Deuteronomio 4:44

Moises israel jojodönö yöawinobe Dios wei̧ma, a̧ja̧kwö tjö̧jobö wei̧ma. Ja̧danö ja̧ jobadönö yöawina möle labebö loawama baikwö laebobe: Ja̧ möle jobadönö yöawenama, Egipto nijitjö labebajadö,

Josué 20:8

Ja̧danö bakwachödö Jericotjö jawo̧ laebobekwötjöbi wapötakwa comunidad 'da̧batö tjujuninobe, bi̧ya: Beser comunidad, Rubensaso niji, jojodö deobe ba̧ba̧lawobe ji̧ comunidadma. Ja̧danö ju'wibi, Gadsaso niji comunidad Ramot de Galaadbi 'da̧batö tjujuninobe. Ja̧danö ju'wibi Manasessaso niji comunidad, Golan de Basan 'da̧batö tjujuninobe. Ja̧ wapötakwa comunidadbi tjöeba̧lakwawa comunidad baibanö 'da̧batö tjujuninobe.

Josué 21:27

Ja̧danö, Levisaso jojodötjö Gerson itji̧mu tupadanö jojodönöbi tjiyinobe ju'wedö israel jojodöma. Bakwachödö ju̧kwadö Manasessaso ja'ö jojodöma tjitea nijitjö tjiyinobe, tjöeba̧lakwawa comunidad Golan en Basan comunidadbi, Bestera comunidadbi. Ja̧ comunidadbi, ö'öbö ji̧ mejebi tjiyinobe, Gerson itji̧mu tupadanö jojodö tjitebo comunidad baibanö.

Josué 21:36

Ja̧danö, Rubensaso jojodöbi tjitea niji tjiyinobe, Beser comunidadbi, Yahaza comunidadbi,

Josué 21:38

Ja̧danö Gadsaso jojodöbi tjitea niji tjiyinobe, tjöeba̧lakwawa comunidad Ramot de Galaadbi, Majanayin comunidadbi,