Deuteronomio 4:38 - Dios Iwene

³⁸ Ja̧danö ökwödöma kwiteboduwi kwujuna̧laduwakobetjö̧, jo̧bama ju'wedö tjitebo jojodönö a'dewö loinobe, jobadö tjiteboinemi nijinö ökwödöda kwö̧jaduwobö. Jau chömöledö, jobadö a'dewö loinawö̧ma ökwödö israel jojodötjö bajalekwönönö juluwadö tjö̧jinobe, jo̧kwaijayonö yayonö iteda ujulunö jobadönö ujuluwinobe, ja̧danö tjö̧jinemi niji ökwödöda kwiteboduwi baibanö iyinobe. Ja̧u chömöledö, babe möle ja̧ niji juna̧ladöja, ökwödöda kwiteboduwi ji̧nö.

Deuteronomio 4:38 ပူးပေါင်းရင်းမြစ်များ

Deuteronomio 11:23

Isabenö Jo̧ma isabenö okobe deinö kwöpöjojodö, babe kwiteboduwinö ju̧kwadönö a'dewö loakobe, kwöba a'oduwitjö. Ja̧danö chömöledö, jobadöma ökwödö kwö̧ba̧jȩkwaduwitjö bajalekwönönö tjö̧ba̧jȩkwijayonö, ja̧danö kwujuluduwitjö bajalekwönönö tjujuluwijayonö, jobadö tjiteboinemi nijinö kwöjaduwakwedöja, Diosnö kwösödaduwiökwe ökwödönö pjaatobetjö̧.

Deuteronomio 2:31

—Jau chömöledö, Isabenö Jo̧ma ötjönö yöawinobe, –A̧ja̧kwi, ida̧ökö jamatö chiyobe, la'aka luwo̧ Sijonnö kwujuluwobö, itebo niji kwemakobetjö̧. Jo̧kwajabetjö̧, itebo niji jamatö kwemaduwo, –jö̧ba̧lö yöawinobe.

Deuteronomio 7:1

Tupakwö yöawinobe Moisesma, israel jojodönö: —Chömöledö, kwuluwo̧duwi Isabenö Jo̧ Diosma ökwödönö öibakobe, tekachaduwakwa̧ nijibe, jobe tebachajadö kwiteboduwi baibanö kwö̧jaduwobö. Ja̧danö, köbaduwi a'otjö, jelemutjö dötölataja tjitebokwena jojodönö a'dewö loakobe, hititas jojodönöbi, gergeseos jojodönöbi, amorreos jojodönöbi, cananeos jojodönöbi, ferezeos jojodönöbi, heveos jojodönöbi, jebuseos jojodönöbi. Jobadöma kwujuluduwitjö bajalekwönönö juluwadö, ja̧danö kwö̧ba̧jȩkwaduwi̧tjö bajalekwönönö ba̧jȩkwadö chömöledö,

Deuteronomio 8:18

Baikwö jweinö kwomukwataduwo jö̧ka̧laduwi̧ yötawaduwakwö chömöledö, –Otiwanö chujuna̧li̧ma chuluwo̧ Isabenö Jo̧ Diostjö ichi̧, –jö̧ba̧lö. Jau chömöledö, kwuluwo̧duwi Diosma damötjö da'dödönö yöbawö ujuninobe, ökwödönö pjaatakwa̧ma, ja̧danö jejenö yöbawö ujunina badekwachakobetjö̧, babe inesö otiwanö pjaati̧ ökwödönö pjaatobe.

Josué 3:10

Ja̧danö, ichajadönö yöawinobe Josuema: —Chömöledö, babe baledakwa̧ edö kwöwaisaduwakwedöja, 'yaba̧lo̧ Diosma isabenö ökwödökwö jo̧, ja̧danö isabenö cananeo jojodönö köba a'oduwitjö a'dewö loakwo̧, jö̧ba̧lö. Jau chömöledö, baledakwa̧ edö, öwaetjöda öwawakobe, isabenö babe nijinö ju̧kwadönö, cananeo jojodönöbi, hitita jojodönöbi, heveo jojodönöbi, ferezeo jojodönöbi, gergeseo jojodönöbi, amorreo jojodönöbi, jebuseo jojodönöbi kwöba a'oduwitjö a'dewö loakobe jö̧ba̧lö.