Deuteronomio 34:7 - Dios Iwene

⁷ Moises ö'wö baibenama, ciento veinte o̧biya ujuna̧linobe, jo̧kwaijayonö jwiinö pöe ö̧jijayonö, ina juluwo̧ ö̧jinobe, ja̧danö öbajale tjewawö̧kö̧ ö̧jinobe.

Deuteronomio 34:7 ပူးပေါင်းရင်းမြစ်များ

Génesis 27:1

Ja̧danö, Isaac, jwiinö pöe bo̧ma öbajale tjewawachinökwe. Ju'wi möle itji̧nö, abönö pöenö Esaúnö jwöbijetö ichobö. Ichajo̧nö jö̧ba̧lijetö: —Chitji̧— jö̧a̧lökwe: —Chabe'do, yöba̧li cha̧ja̧kwo— atadijetö Esaúma abe'donö. Ja̧danö, Isaacma jö̧ba̧lijetö:

Génesis 48:10

Ja̧danö, Jacobma öbajale otiwanö edijökötö pöeobetjö̧. Jo̧kwaobetjö̧ Joséma i̧tji̧munöma yö̧ne i̧sebijetö, abe'do ö̧bobekwö. Yöne jamatadönö wo̧batö du̧batijetö Jacobma, José i̧tji̧munöma.

Diosnö ösödo̧ Job mikwo̧ usula emawina jawa 5:26

—Ja̧danö ju'wibi, ina möayo̧ kwö̧jayi woköbökakwo̧ja Job, Dios pjaatobetjö̧, jwiinö pöe babibajo̧da bajaliyanö woköbakwo̧ja, baikwö wanedö yötawa: Trigo ochobia juluwanö 'wibö ko̧ko̧dö lödöködö ina ö'dö̧wayima, sule otiwanö da̧peachö kaatena, otiwanö wa̧jö ajöchenada emadö, jö̧tö? Ja̧danö, Dios otiwanö pjaatobetjö̧, sule pöe babibajo̧, woköbo jö̧ka̧lenada ö'wö bakibakwo̧ja, Diosnö kwa̧ja̧kwiökwe otiwanö pjaatobetjö̧.

Éxodo 7:7

Ja̧ mölema Moisésma ochenta año bo̧, ja̧danö Aarónma ochenta y tres año bo̧ ji̧jadötö, faraónnö yötjalena.

Hechos 7:23

Ina yöbawijetö: —Moisésma jejenö Egiptonö ö̧jijayonö, ida̧ökö cuarenta o̧biya juna̧lo̧ma omukwatijetö, Chedobö jö̧ta̧la chömöledönö, jö̧ba̧lö, Israelminetjö tupadanö jojodönöma.

Hechos 7:30

Ina yöbawijetö: —Ja̧danö, lekwe, cuarenta o̧biya baledajena jojodö deena, mö'ösa'otjö, Sinaí mikwa'otjö ángelma Moisésnö öwawachijetö, ösötjenö ökwöla ubi̧danö ubi̧nö.

Hechos 7:36

Jo̧ba Moisésma israel jojodönö Egiptotjö labebijetö. Ina Egipto nijinö kwebachöbi, ojwe duwobu pebiböbi, cuarenta o̧biya jojodö deobe kwebachöbi Moisésma i̧sebijetö jojodö edajitjökö jawa, Dios ujulu jawama.

Deuteronomio 34:8

Ja̧danö, Moises ö'wö baibiawö̧, israel jojodöma jo̧banö tjubudekwabinobe, treinta möle baledibanö. Jobe Moab niji ba̧ba̧lawobe ja̧nö, Moisesnö tjubudekwabinobe israel jojodöma, Moisesnö tjubudekwobö omudawö tjujunina mölebiya 'dö̧jibajenanö kabatö.