Deuteronomio 33:24 - Dios Iwene

²⁴ —Ja̧danö Asersaso jojodönö baikwö yöta̧la: Ju'wedö bakwasokwena jojodönö pjaati̧tjö bajalekwönönö otiwanö pjaatakwawö̧ Asersaso jojodönö. Jelesokwena jojodö otiwanö Asersaso jojodönö tjomukwatobö chösöda, ja̧danö otiwanö tjujuna̧lobö chösöda, olivo o̧tesobunö tjömasapiyabi 'do̧tjawenanö baibanö.

Deuteronomio 33:24 ပူးပေါင်းရင်းမြစ်များ

Génesis 49:20

Ikenama Jacobma yöbawijetö itji̧ Asernö: —Aser ökwötjö tupadanö jojodöma tjöbatjiju tjujunaja̧ma otiwanö pokwakobe. Ja̧danö, tjujuna̧lakwedö kwakwawama, otiwi̧ jawa. Jobadöma la'aka luwedö tjukwi̧danö tjukwakwedö, tjöbatjijutjö pokwi̧ma nöinö tjujuna̧lobetjö̧— yöbawijetö Jacobma Asernö.

Diosnö ösödo̧ Job mikwo̧ usula emawina jawa 29:6

Ja̧ möle otiwanö chujuna̧lijatö, wanedö yöta̧la, cha̧jwi̧mu otiwanö leche tjiyobetjö̧, inesö otiwi̧ lechema ojwedanö chöba a'o isuwinobedanö ichejekwa, ja̧danö inawiya jȩmi chöbatjo otiwanö wa̧jo̧betjö̧, olivo o̧tesödö jobetjö isuwinobedanö ichejekwa, isabenö otiwanö chujuna̧lijatö ja̧ mölema.

Éxodo 12:10

Itebiyama ja'yubebi kwu'yudaduwoko ju'wi dewachö baibanöma. Dewachena u'yukwitjö̧ma juwö loköbaduwobö jo̧be.

Hechos 7:10

José usula emawijayonö usula emawi̧tjö ö̧jibinö pjabatijetö Diosma. Ja̧danö, Egipto la'aka luwo̧ faraón, Josénö otiwanö edobö, Bitema waiso̧, jö̧ba̧lö, pjabatijetö Diosma. Ja̧danö, faraónma junijetö Josénöma iteda eju otikwa weawa jojo baibanö. Egiptonö ju̧kwadö tjuluwo̧ baibanöbi junijetö faraónma Josénöma—yöbawijetö Estebanma.

Romanos 14:18

Jau chömöledö, dö̧ja̧wo̧dö töbö metjapji jö̧ba̧lö te'ada̧lakwawö duju̧kwaduwo. Jejenö te'ada̧lakwawö ja̧nö Cristo wei̧ ja̧bö dö̧jitjö̧ma, Diosma ösödena, ja̧danö ju'wedöbi ökwödönö tjösödena, Otiwanö ja̧bö ju̧kwadö, jö̧ba̧lö.

Romanos 15:31

Biya̧ akebaduwobö ateba chömöledö: Diosnö abebaduwi Jerusalénnö ju̧kwadö Jesúsnö öpöjödadötjö chö̧jibinö ja̧o jö̧ba̧lö. Ja̧danö ju'wibi: Biya̧ judío jojodöböködö tjiyina jawa Jerusalénnö ju̧kwadö Jesúsnö ösödadönö chiyenama, Aaa, otiwanö tjiyinobe, jö̧ba̧lö tjösödobö akebaduwo Diosnö chömöledö.

Josué 19:31

Jobekwö laebobe Aser itji̧mu tupadanö jojodö tjitebo baibanö niji 'da̧batö wetjinama. Damötjö Dios chiyocha jö̧ba̧lö tja'dödönö yöbawö ujunina wene badekwachinö, jejenö Dios wei̧danö 'da̧batö wetjinobe. Ja̧ comunidadbiyabi, ö'öbö pjei̧ comunidadteniabi, Asersaso jojodönö wetjinobe, tjitebo baibanö.