Deuteronomio 33:13 - Dios Iwene

¹³ —Ja̧danö Jose itji̧mu sasokwena jojodönö baikwö yöta̧la: Isabenö Jo̧ otiwanö jobadö tjitebo niji pjaatobö chösöda, mölejebetjö si̧li̧'idö tji'oli weobö chösöda, ja̧danö niji teebe ojwiobi otiwanö weobö chösöda,

Deuteronomio 33:13 ပူးပေါင်းရင်းမြစ်များ

Génesis 27:27

Jacobma abe'do ö̧jobekwö yö̧ne 'ya̧wibö du̧batijetö abe'donöma. Ja̧danö, Isaacma itji̧ Esaú ö̧kamijido̧danö omewiökwe, Isabenö bitema chitji̧ abönö pöe, jö̧ba̧lö, Isabenö Jo̧ Dios dösölö̧jinö edö pjaatakwa̧ junijetö Jacobnöda. Baikwö yöba̧lö junijetö: Isabenö ötjö chitji̧ma omewi̧nö otiwanö 'dö̧bekwo̧. Duluwo̧ Dios otiwanö pokwobö pjaatinayu batjodanö 'dö̧bekwo̧.

Génesis 27:39

Jejenö aebiökwe abe'do Isaacma jö̧ba̧lijetö: —Chitji̧, a̧ja̧kwi biya̧ yöta̧lima: Ökwöma otiwanö pokwemi nijitjöma ödö kwö̧jakwo̧ja. Si̧li̧'i̧dö tjo'yoli lȩlöma ödö kwö̧jakwo̧ja̧.

Génesis 48:5

Ina yöbawijetö: —Chitji̧, ökwö kwi̧tji̧mu, bena chichakwa̧ abönö 'yakebinawö̧ma, Efraín, Manasés ötjöda chi̧tji̧mu batjibanö 'da̧batö chujuna. Jobadöma ötjö chi̧tji̧mu Rubéndanö, Simeóndanö, ja̧danö ju'wedö chi̧tji̧mudanö ja̧dö babema. Ja̧danö, ötjö chi̧tji̧mutjobetjö̧ chitea weti̧ma, ö'wö batibaja̧ okobe tjemobö weti̧ma jobadöbi tjemakwedö.

Génesis 48:9

—Ötjö chi̧tji̧mu, Dios ötjönö iyinawö̧ bena Egiptonö chö̧jena— atadijetö Joséma. Ja̧danö, Jacobma jö̧ba̧lijetö Josénö: —Chö̧bobekwö yö̧ne ichejebidönö, Dios dösölö̧jinö edö pjaatakwa̧ chujunodönö— jö̧ba̧lijetö.

Diosnö ösödo̧ Job mikwo̧ usula emawina jawa 29:19

Ja̧ möle towi 'diowi, bö'dia ojwiyo jȩmi söowidanö chichejekwijatö, jadanö yö̧te baledibanö si̧li̧'idö tji'olitjö 'yoliwowidanö chichejekwijatö, otiwanö chö̧jinobetjö̧.

Proverbios 19:12

Ja̧danö, ju'wibi yötawa, wanedö, inesö la'aka luwo̧nö dötölataja jawa wanedö: Ju'wikwenama inesö la'aka luwo̧ma o̧'wo̧ sulekwö ö̧jena. Jobekwö o̧'wo̧ suliawö̧ itebonö ju̧kwadöma yebabidö, didiba labinö tuluiawö̧ yetjabi̧danö. Isabenö, didibama jwiinö labo̧, ¿jö̧tö̧? Jojodöma didiba labinö tuluobe tja̧ja̧kwena jwiinö yebabidö, ökwödönö ukwobö icha, jö̧ba̧lö. Ja̧ yetjabi̧danö yebabidö jojodöma, tjuluwo̧ inesö la'aka luwo̧ma o̧'wo̧ sulekwö jo̧nöma, jwiinö labo̧, jö̧ba̧lö. Jobekwö baledokobe inesö la'aka luwo̧ lȩlö̧jinö edo̧ yöbawö weitjö̧ma. Jao, ju'wikwenama inesö la'aka luwo̧ma itebonö ju̧kwadönö lȩlö̧jinö edö pjabato̧. Jobekwö pjaatiawö̧ itebonö ju̧kwadöma jwiinö tjösödena. Wanedö yötawa: Kwöwaisaduwobe, yȩayi̧ a̧delö tjo'yoli̧ lo̧be edö tjösödobe jojodöma, otiwa, jö̧ba̧lö. Ja̧ tjösödi̧danö ösödadö jojodöma tjuluwo̧ inesö la'aka luwo̧ma lȩlöjinö edö pjaatena, otiwa jö̧ba̧lö.

Proverbios 3:20

Ja̧danö, jo̧bama waiso̧obetjö̧ jwai balawa niji teebetjö laebi̧danö dötewanö loobö weinobe. Ja̧danö, weinobe ojwiyo'wotjö ojwiyo o̧bobö. Okobe jwiinö waiso̧ Isabenö Jo̧ma.

Isaías 18:4

Jau, jobekwö isabenö baledakobe, Isabenö Jo̧ma baledakwa̧ ötjönö yöawinobetjö̧, baikwö: —Ötjö Diosma wi̧inö janö, chöjelö edö chö̧jakwo̧sa, möle jawo̧ wi̧inö tjo̧'omanö utubedi̧danö, ja̧danö wa̧ji̧ emajitjena si̧li̧'idö tji'oli wi̧inö yoliwi̧danö, wi̧inö ba̧nö cheda̧lakwo̧sa.

Deuteronomio 32:2

Lo̧bö yöta̧li̧ma, ojwiyo o̧bi̧ pjaati̧danö ichejekwobö chösöda, baikwö yöta̧la̧: Si̧'i̧lidö ti'olibi, tjo'omanö ojwiyo o̧bi̧bi meje'ye pokwobö pjaati̧, ja̧danö ojwiyo obi̧ yayinö pokwi̧ otiwanö da̧peachobö pjaati̧, jö̧tö? Lo̧bö yötali̧bi jejenö kwö̧da̧peachaduwinö yöta̧lobö chösöda.

Deuteronomio 33:14

ja̧danö möle jawo̧ otiwanö idejatinö weobö chösöda, tjöbatjiju otiwanö pokwakobetjö̧, batjo wajo̧ jö̧a̧lenama otiwanö e'dö tjemobö.

Deuteronomio 33:28

Jo̧kwajabetjö̧, israel jojodöma wene jwiinö tjö̧jobe, Jacob itji̧mu tupadanö jojodöma labokobe otiwanö tjö̧jobe. Israel nijima, si̧li̧'idö ti'oli otiwanö tjoduwemi, ja̧danö trigojaye waji̧bi, ubasobubi nöinö jȩmi niji̧.