Deuteronomio 33:11 - Dios Iwene

¹¹ Jobadö Levisaso jojodö tjotidi̧ pjakatobö atebakwö Isabenö Jo̧, ja̧danö jobadö otidö tjiyi̧ emö kwösödobö atebakwö. Ja̧danö tjöpöjojodökwö tjölakwabikwawenama, jwiinö tjöpöjojodönö söbebö loköbobö atebakwö, yemidanö tja̧la̧ibökenanö batjibanö jwiinö tjöpöjojodönö söbebö loköbobö atebakwö.

Deuteronomio 33:11 ပူးပေါင်းရင်းမြစ်များ

2 Samuel 24:23

Jau chuluwo̧, okobe jwiinö bi̧ya jawama, ötjö Araunama ökwö la'aka chuluwo̧nö chiyakwö, Diosnö kwiyobö. Ja̧danö, jejenö kwiyiökwe, kwuluwo̧ Isabenö Jo̧ Dios kwiyi̧ ösödobö chösöda, —jö̧ba̧lö yöa̧linobe Araunama.

Isaías 29:21

tjömöledö sulabenö ja̧tjököjayonö, lȩekwa luwedö tjöba a'o, —Sulabenö ja̧bo̧, —jö̧ba̧lö omöna yöba̧ladönöbi, lȩekwa luwedö 'daliwanö tjö̧lobö suli̧ tjöwaedobö isakwadönöbi, omöna yöba̧lö sulabenö jaböködönö suli̧ waedadönöbi.

Lucas 10:16

Ja̧danö tupakwö yöawinobe Jesúsma: —Chömöledö, ökwödönö ösödadö comunidad jojodöma ötjönö ösödadö, ja̧danö öpöjödadö comunidad jojodöma, ötjönöda öpöjödadö. Jau chömöledö, ökwödönö öpöjödadö comunidad jojodöma, ötjönö öpöjödadö comunidad Corazínbi Betsaidabi Capernaúmbi jojodödanö ichejekwadö. Baikwö yötawa: Ötjöda ökwödönö wetobetjö̧, ökwödönö otiwanö a̧ja̧kwadöma ötjönöda tja̧ja̧kwobe, ja̧danö ökwödönö öpöjödadöma, ötjö ökwödönö webinanöda tjöpöjödobe, ja̧danö ötjönö öpöjödadöma, ötjönö webinanö Diosnöda tjöpöjödobe— jö̧ba̧lö yöa̧linobe Jesúsma. Jejenö yöba̧lö, Jesúsma 'da̧batö ujuninajawö̧nö setentabedönö weinobe, jo̧ba i̧'yakwa̧ abönö yöbawö kweachakwa̧tenia comunidadteniabe yöbawö kwetjachobö.

Deuteronomio 33:10

Jobadö Levisaso jojodöda ökwö weköbi̧ tjö̧ba̧jadakobe ju'wedö israel jojodönö, otiwanö ja̧bö tjö̧jakwa̧ jawa tjö̧ba̧jadakobe. Ju'wibi jobadöda omewi̧ jawa kwöba a'otjö tjujuwakwedö, ja̧danö jobadöda jwiinö ubinö iyawa ökwönö iyawötenö tjujuwakwedö.

Deuteronomio 33:12

—Ja̧danö Benjaminsaso jojodönö baikwö yöta̧la: Isabenö Jo̧ ösödawö̧ Benjaminsaso jojodöma, ja̧danö otiwanö jobadönö tjöeba̧lobe. Ba̧kwelöjatebö jobadönö tjösawinö tjöeba̧lobe, ja̧danö jobadönö a̧pjö̧alö iteada̧lobetjö̧, otiwanö tju̧ju̧kwobe Benjaminsaso jojodöma.

1 Tesalonicenses 4:8

Jo̧kwajabetjö̧ biya̧ yötawaja̧ öpöjödo̧ma, jojo yöawi̧ma öpöjödö̧kö̧, Dios yöawi̧da öpöjödo̧. Jau chömöledö, Diosma iteda O̧'wo̧ Luwo̧nö ökwödönö iyo̧, ja̧danö jo̧ba yöawi̧da öpöjödobe yötawaja̧ öpöjödo̧ma.