Deuteronomio 32:9 - Dios Iwene

⁹ Ja̧danö, jejenö 'da̧batö junajo̧, Isabenö Jo̧ma iteda ömöledö batjibakwedönöbi 'da̧batö ujuninobe, ökwödö israel jojodönö 'da̧batö ujuninobe, iteda ömöledö dö̧jobö.

Deuteronomio 32:9 ပူးပေါင်းရင်းမြစ်များ

2 Samuel 14:16

Isabenö wene chujuna̧li̧ a̧ja̧kwö, ötjönö chö̧jibinö pjaatena, balekwa mikwa kwabö lobo̧ma chitji̧nö kwabö loapji jö̧ba̧lö, ötjöbi chitji̧bi bakobe Dios iyinemi nijitjö debö di̧'yapji jö̧ba̧lö. –Jobekwö chomukwatijatö chuluwo̧,

2 Samuel 20:19

Ökwödöma isabenö israel jojodötjö otiwadösa, duluwedö wetji̧ otiwanö a̧ja̧kwadösa, ja̧danö ökwödöma israel jojodö otiwanö tjo̧mukwatawö̧ comunidad jojodösa. Jo̧kwajabetjö̧, tajawedö ditebo comunidad, Isabenö Jo̧ Diosda dö̧jobö iyina comunidad söbebö loköbobö jö̧ka̧lobeda? —jö̧ba̧lö abebö ja̧ja̧kwinobe.

1 Reyes 8:51

Jau chuluwo̧, israel jojodöma ökwöda kwömöledö, ökwöda kwömöledö batjibanö kweminawö̧. Damötjö jobadöma, 'dii jawa otidadö tubi̧tjö usula tjemawi̧danö, Egipto nijinö janö jwiinö usula tjemawinobe, jo̧kwaijayonö usula emawö tjö̧jemi ja'ötjö, ökwöda kwömöledö batjibanö kweminawö̧ chuluwo̧, jo̧kwajabetjö̧ ökwöda kwömöledö tjö̧jobetjö, atebaja̧danö dösö̧löjinö pjakatobö atebakwö.

1 Reyes 8:53

Jau chuluwo̧ okobe jwiinö juluwo̧ Isabenö Jo̧, damötjö da'dödönö Egipto nijitjö latjebi̧nö kwichejebinenama, Moisesnötjö̧ yökawijatö, –Okobe deinö bö̧jȩnö ju̧kwadö tjitebokwena jojodötjö, sule israel jojodönöda omudawö chujunajabe, ötjöda chömöledö batjibanö tjö̧jobö, –jö̧ba̧lö. Ja̧danö, kwömöledö badibanö ökwödö israel jojodönö omudawö kwujuninobetjö̧, atebaja̧danö bejutjö ökwönö adebenama, otiwanö kwa̧ja̧kwobö atebakwö, —jö̧ba̧lö aebinobe Salomonma.

Éxodo 15:16

¡Ayö! jö̧ba̧lö, okobe deinö Canaán nijinö ju̧kwadöma yebabidöda tjuju̧kwobe, kwujulu kwisȩbaja̧ yötjawi̧ tja̧ja̧kwajabetjö̧, jwiinö juluwo̧, jö̧ba̧lö. Jejenö, yebabinö tjuju̧kwobetjö̧ jobadö tjuju̧kwemi döbaledena wi̧inö tjö̧jobe, inawa wi̧achawa ji̧danö. Isabenö Jo̧, ökwödö, ökwö kwömöledö, Egiptotjö dö̧jibinö pjabatö lakebinawö̧ma jobadö tjuju̧kwemi döbaledenanö kabatö jejenö, wi̧inö tjö̧jobe.

Éxodo 34:9

Ja̧danö, jö̧ba̧lijetö Isabenö Jo̧nö: —Isabenö Jo̧, ötjönö dösölö̧jinö kweditjö̧ma ökwödökwö kwekacho. Isabenö ökwödöma duu 'di̧badödijayonö kwicho ökwödökwö. Ja̧danö, dusuli̧ma, sulabenö omukwatö ja̧di̧ma, söbebö loköbo. Ja̧danö, ökwödönö kwemo, bidöma ötjö chömöledö, jö̧ba̧lö.

Isaías 19:25

Jobadö wapösokwa jojodöma Isabenö Jo̧ Okobe Jwiinö Juluwo̧ Dios pjaati̧tjö isabenö otiwanö tjemakwedö. Diosma jobadönö yöawakwo̧, —Isabenö otiwanö pjatatakwawö̧, chömöledö Egipto jojodönöbi, ötjöda chotidinawö̧ Asiria jojodönöbi, ötjöda chömöledö batjibanö 'da̧batö chujuninawö̧ Israel jojodönöbi, —jö̧ba̧lö, jadanö yöawaja̧danö badekwachinö isabenö jobadönö pjaatakwo̧.

Isaías 34:17

Diosda bakwo̧nökwena tjö̧jakwemikwena omudawö juno̧ma, ja̧danö omudawö ujunaja̧danö, pjiyuwakwenabi, tebo luwo̧kwenabi jobe tjö̧jakwedö. Ja̧danö, jobekwö iyiawö̧, ba̧kwelöjatebö jobe tjö̧jakwedö, jobadöbi, tjitji̧mu tupadanöbedöbi.

Isaías 43:21

Ökwödö ötjöda chömöledö bakibaduwanö chotidinawö̧nö pjabatö, jobekwö chotidakwo̧sa chömöledö, ja̧ baledi̧ edö, —Diosma isabenö iteda ömöledönö otiwanö pjabato̧, —jö̧ba̧lö ötjönö ösödö yöka̧laduwakobetjö̧, jö̧ba̧lö yöa̧lobe Diosma, ökwödö Israel jojodönö.

Efesios 1:18

Ja̧danö, Diosnö atebobe kwo̧'wo̧ luwo̧duwinö do̧batö kwöwaisachibaduwobö Dios ökwödönö jwiinö otiwa jawa iyi̧ma, tjo̧'wo̧ luwo̧ jawa. Chömöledö, Diosma jwöbijetö ökwödönöma iteda ömöledö bakibaduwobö. Ja̧danö, ökwödönö, iteda ömöledö babibadönöma, jwiinö otiwi̧, kwo̧'wo̧ luwo̧duwi jawa iyobö jwöbijetö Diosma ökwödönöma.

Deuteronomio 9:29

Jau chuluwo̧, jobadö israel jojodöma ökwöda kwömöledö, okobe deinö bö̧je jojodötjö, jobadö israel jojodöda kwömöledö tjö̧jobö 'da̧batö kwujuninawö̧ma chuluwo̧, ja̧danö ökwöda inesö kwujulunö, jobadönö labebö ökibijatö Egipto nijitjö chuluwo̧, jo̧kwajabetjö̧ jobadönö söbebö loköboko, –jö̧ba̧lö Diosnö atebijatö, ökwödönö söbebö loobö jö̧a̧lenama, —jö̧ba̧lö yöawinobe Moisesma israel jojodönö.

Josué 24:17

jo̧ba duluwo̧ Isabenö Jo̧ Diosda ökwödönöbi, da'dödönöbi Egiptotjö ladebinö baikwö ichejebinobetjö̧. Jau, jo̧bada Egipto jojodö tjömöayedö dö̧jitjö dö̧jibinö pjabatinama, ja̧danö jo̧bada yökawaja̧ inesö juluwi̧ ji̧ jawa dedonö i̧sȩbinama. Okobe jwiinö kwedachena, jo̧bada tjöbeba̧lö pjaatinobe, ja̧danö ju'wedö tjö̧'da̧denö döbaledonö, jo̧bada otiwanö tjöbeba̧lö pjaatinobe.

1 Samuel 10:1

Ikenama Samuelma o̧tesayu̧ ja'yuayu̧ do̧batö, Saul uunö toebinobe, ja̧danö Saulnö du̧batö yöawinobe, —Isabenö Jo̧ma isabenö ökwönö omudawö ujunajabe, iteda ömöledö israel jojodö la'aka tjuluwo̧ bakibanö. Ja̧danö, baikwö baledakwa̧ yötawakwö, isabenö Dios ökwönö omudawö ujunaja̧ kwöwaisobö: