Deuteronomio 32:8 - Dios Iwene

⁸ Jau chömöledö, okobe deinö la'aka luwedötjö inesö La'aka Luwo̧ Diosma jojodönö 'da̧batö ujuninobe, tjitebokwena jojodö batjibanö, ja̧danö tjitebo bakwachobekwena omukwatö ujuninobe. Jau, teada̧ladö angeledö tjö̧ba̧jekwi̧danö, tjitebokwena jojodönö 'da̧'yö ujuninobe.

Deuteronomio 32:8 ပူးပေါင်းရင်းမြစ်များ

Génesis 10:15

Ja̧danö, Cam itji̧ Canaán i̧tji̧mu ömadöma bidö: Abönö pöe Sidón mikwijetö. Ikena itji̧ Het mikwijetö.

Génesis 10:25

Ja̧danö, Heberma i̧tji̧mu ömadönö dujutajanö 'yabebijetö. Jobadötjö bakwo̧ Peleg mikwijetö. Imi, Peleg, jö̧ba̧löma, 'Da̧bachibö wainökwena ja̧kwawa, jö̧ba̧lö wanekwachobe. Ja̧danö, ja̧ mölema böjȩnö ju̧kwadöma ju'wedötjö ju'wedötjö 'da̧tja̧kwachajinö wainökwena ju̧kwijadötö. Ja̧danö, Heber itji̧ jelo̧ma Jactán mikwijetö.

Génesis 10:5

Ja̧danö, jobadö Jafettjö tupadanö jojodöma ojwe ö'öbönö jelobe, jelobebi ja̧danö, ö'wejesa'onö jelobe, jelobebi ju̧kwijadötö wainökwena tjitebokwena. Ja̧danö, bakwasokwena ju̧kwijadötö, idöda yö̧ne tjömöledökwö. Ja̧danö, bakwasokwena idöda tjiwenekwena yöba̧lö ju̧kwijadötö Jafettjö tupadanö jojodöma.

1 Crónicas 16:18

—Kwiteboduwi baibanö Canaan niji chiyaduwakwawö̧ja, Canaan niji omudawadö bakibaduwanö, —jö̧ba̧lö.

Isaías 14:14

Jau, ojwiyo o'wiju möemitjö bajalekwönönö katekwakwo̧sa, ja̧danö Okobe Jwiinö Juluwo̧ Diosdanö batibanö ja̧takwo̧sa, –jö̧ba̧lö yöka̧linobe.

Daniel 4:17

Jobekwö omukwatö tjujunajabe, böjȩ te'ada̧ladö la'aka ángelesdöma. Jobadöma jejenö wetjajabe, okobe deinö böjȩnö ju̧kwadö tjöwaisachibobö, Okobe Jwiinö Juluwo̧ Diosda böjȩnöbi yöbawö webo̧ jö̧ba̧lö, ja̧danö jo̧bada la'aka luwedönö omudawö juno̧ jö̧ba̧lö. Isabenö Diosda iteda ösödi̧danö omudawö juno̧ma, ja̧danö ösödenama jo̧kwadabedönöbi kabebö juno̧, la'aka luwedö batjibanö. Jobekwö böjȩ jojodö tjöwaisachibobö bite towi badekwachökwenö baledakwa̧ wetjajabe jö̧ba̧lö yöawinobe ángelma.

Daniel 5:18

Chuluwo̧, Okobe Jwiinö Juluwo̧ Diosma kwabe'do Nabucodonosornö iyinobe inesö la'aka luwo̧ baibobö, ja̧danö ba̧jekwadö jo̧banö otiwanö tjomukwatobö, ja̧danö jo̧banö otiwanö yötja̧lobö iyinobe Diosma.

Hechos 17:26

Ja̧danö, jo̧bama ajayinöma bakwo̧ jojonö otidijetö. Jo̧batjö̧ma jojodöma ba̧jekwachinö ja̧bijetö böjȩ bakwameachibanö, tjitjebokwenada tjuju̧kwobö. Jo̧bada jojodö tjöbötjachakwa̧bi, wotjakwa̧bi, tjuju̧kwakwemibi yöbawö juno̧ma.

Hechos 7:48

Jejenö baledijayonö, La'aka Luwo̧ Diosma jojodö tjotidinejunöma jö̧kö̧. Damötjö Dios iteda yöawi̧ yöbawo̧nö wanedö iwȩyudobö yöbawijetö, domukwatobö, Diosma jwiinö nöbo̧, jwinö juluwo̧, jö̧ba̧lö.

Deuteronomio 33:28

Jo̧kwajabetjö̧, israel jojodöma wene jwiinö tjö̧jobe, Jacob itji̧mu tupadanö jojodöma labokobe otiwanö tjö̧jobe. Israel nijima, si̧li̧'idö ti'oli otiwanö tjoduwemi, ja̧danö trigojaye waji̧bi, ubasobubi nöinö jȩmi niji̧.