Deuteronomio 32:50 - Dios Iwene

⁵⁰ Ja̧danö, edajo̧, jobetjö ö'wö bakibobö ja̧kobe, kwa'dödökwö bakibanö. Jau Moises, kwöpöe Aaron Hor mösa'otjö ö'wö baibinadanö, ökwöbi canaan nijibe ichibökönö ö'wö bakibobö ja̧kobe,

Deuteronomio 32:50 ပူးပေါင်းရင်းမြစ်များ

Génesis 15:15

Ina yöbawijetö Abramnö, bötisinö abemi okwanö: —Ja̧danö, ökwöma ina lekwe o̧biya, kwo̧'wo ösöwanö kwö̧jakwo̧ja. Ja̧danö, jwiinö pöe kwö̧jena woköbakobe. Ja̧danö, woköbenama kwömöledöma ökwönöma tjödakobe.

Génesis 25:17

Ja̧danö, Ismaelma cientos trenta y siete a̧yo bo̧ wobijetö.

Génesis 49:33

Ikenama jobadönö yöbawö kabatö kamapjonö kwabibö ö'wö babibijetö Jacobma.

Daniel 12:13

Ja̧danö baikwö yöta̧lakwö Daniel, kwo̧'wo̧ ösöwanö kwö̧jo, 'dö̧ibaji̧ möle baibenanö kabatö. Ökwöma ö'wö babiböda, kwö'wachakwo̧ja, ja̧danö okobe jwiinö 'dö̧ibajenama, yemidanö woawatjö tjekachajakwo̧ja, Dios ökwönö iyakwa̧ otiwanö kwemobö— jö̧ba̧lö yöawinobe ángelma Danielnö, tupakwö baledakwa̧ jawama.

Deuteronomio 31:14

Jemi ikenama Isabenö Jo̧ma Moisesnö yöa̧linobe, —Moises, ö'wö bakibakwa̧ mölema ida̧ökö yöneawachibobe. Jo̧kwajabetjö̧ Josuenö jwököbo, kwö̧jobekwö ichobö, ja̧danö jo̧bakwö chejube chöba a'o kwi̧sȩkwaduwobö kwicho, israel jojodö tjuluwo̧ baibanö Josuenö 'da̧batö chujunakobetjö̧, —jö̧ba̧lö. Yöa̧liawö̧, Moisesbi, Josuebi Dios ejube tji̧'yinobe, Dios öba a'o tji̧sȩkwobö,

Deuteronomio 31:16

Ja̧danö, Isabenö Jo̧ma yöawinobe: —Moises, ökwöma juluwanö kwa'dödökwö bakibanö ö'wö bakibakwo̧ja. Ikenama, ö'wö bakibaja̧ ikenama, bidö kwömöledö israel jojodöma juluwanö sulabenö ja̧tja̧kwedö, baikwö wanedö yötawa, bakwuju jilekwamuböködökwö sulabenö 'da̧'da̧bakwawö jalewi̧danö, bidö israel jojodöma juluwanö ju'wedö tjösödawö̧ o̧'wo jawanö tjösödakwedö. Jau Moises, bakobe jobadökwö isabenö ötjönöda tjösödobö yöbawö dujuninajayonö, juluwanö ötjönö kabatibö, tjitebonö tjö̧'da̧de ju̧kwadö tjösödawö̧nöda tjösödakwedö, sulabenö.

Deuteronomio 34:5

Jemi ikenama Isabenö Jo̧ ömöayo̧ Moisesma jelö ö'wö baibinobe, Isabenö Jo̧ baledakwa̧ yöawinadanö.