Deuteronomio 32:5 - Dios Iwene

⁵ Jo̧kwaijayonö ökwödö israel jojodöma, jo̧ba kwabe'doduwi Dios otiwo̧ ö̧ji̧danöböködöja. Dios itji̧muköbaduwijayonö, jo̧ba itji̧mu otiwanö ja̧bö tjö̧ji̧danöma ja̧bö jö̧ködöja. Jau, kwabe'doduwi Diosnö öpöjödö, ökwödöma omöna yöba̧ladö ja̧danö jwiinö sulabedöja.

Deuteronomio 32:5 ပူးပေါင်းရင်းမြစ်များ

Génesis 6:12

Jadanö, böjȩkwö edö, isabenö böjȩnö ju̧kwadöma sulabedöda babibinadö, jö̧ba̧lö, edijetö, okobe deinö sulabeda ja̧bö tjuju̧kwobetjö̧.

Éxodo 32:7

Ja̧danö, Isabenö Jo̧ma, ina Moiséskwö mö'ösa'onö ja̧nö yöbawijetö Moisésnö: —Moisés bi'otjö yutubaji̧ kwömöledönö kwedo. Jobadö Egiptotjö lakebinawö̧ma tjomajadenö jwiinö sulabenö omukwatö tjö̧jobe.

Proverbios 8:8

Ja̧danö, okobe jwiinö yötawi̧ma wajuwanö yöbawujusa. Jojodönö ö'öbönöma yöba̧lö̧kujusa jelobekwö ötibobö.

Isaías 1:4

Ayö, chömöledö israel jojodöwe! Isabenö nöinö sulabenö ja̧badö israel jojodöma. Jobadöma bakobe sulabenö ja̧badö, chi̧tji̧mu otiwadö tjö̧jo jö̧tja̧lijayonö, suli̧ waedö ja̧bö ju̧kwadö, sulabenö. Jau, ötjö Isabenö Jo̧nö tjösödo jö̧tja̧lijayonö, öpöjödö, ötjö Sulabe Jwibo̧ Israel jojodö tjuluwo̧ Diosnö kabatibö, 'da̧bachibö ju̧kwadö israel jojodöma, sulabenö.

Isaías 63:8

Israel jojodönö yöa̧linobe, —Isabenö ötjöda chömöledö bidö israel jojodöma, chitji̧mu ja̧nö, la'akatjöda ötjönö katjatibökakwedö, —jö̧ba̧lö. Ja̧danö tjö̧jibinö pjabato̧ baibanö, jobadönö pjaatinobe.

Mateo 16:4

Ökwödö babe möle ju̧kwadöma sulabedöja, ja̧danö Diosnö kabatibadö kwö̧jaduwobetjö̧, jojodö edajitjökö jawa i̧sekwa abebadöja. Jo̧kwaijayonö akebaduwi̧danöma chi̧sebökö. Dios weökwe chö̧ji̧ i̧seböma sule bakwöta jawada chi̧sebocha, Dios yöawi̧ yöbawo̧ Jonás mikwo̧nö baledinadanö. Jonas ba̧i̧so̧ ukwa'wo okwa a̧jina baledinadanö baledakwa̧da chi̧sebocha— jö̧ba̧lö yöawinobe Jesúsma. Ikenama, jejenö yöbawajo̧, jobadötjö 'da̧bachibö jelobe i̧'yinobe.

Mateo 17:17

Jejenö yöa̧lökwe, Jesúsma yöa̧linobe: —Ökwödö babe möle ju̧kwadöma sulabenö omukwatadöja, ja̧danö Dios ujulu otiwanö ösödöködöja. ¿Dokwa lekwe ökwödökwö chö̧jakwa̧jö, otiwanö jweinö kwomukwataduwenanö kabatöma?— jö̧ba̧lö. Ikenama Jesúsma weinobe: —Tjemunö baikwö ichejebinö— jö̧ba̧lö.

Mateo 3:7

Israel jojodö tjuluwedö fariseo jojodö ötjabiwö̧tjöbi, saduceo jojodö ötjabiwö̧tjöbi ju'wedö tjichinobe, jobadönöbi Juan ojwenö ubu̧dato jö̧ba̧lö. Jo̧kwaijayonö, sulabenö tjomukwati̧ kabatibö balewachökönö ojwenö bu̧datakwawa abebö tjichiökwe, Juanma jobadönö yöawinobe: —Ökwödöma sulabedöja a̧ko̧'dö̧ nibadödanö, ja̧danö sulabenö kwomukwataduwi̧ balewachökönö, Dios lȩebakwa̧tjö kwö̧jibaduwobö omukwatadöja.

Lucas 9:41

Jejenö yöa̧lökwe, Jesúsma yöa̧linobe: —Ökwödö babe möle ju̧kwadöma, isabenö sulabenö omukwatadöja, Dios yöawi̧ otiwanö ösödökönö. ¿Dokwa lekwe ökwödökwö chö̧jakwa̧jö, otiwanö jweinö kwomukwataduwenanö baibanöma?— jö̧ba̧lö. Ikenama Jesúsma weinobe: —Kwitji̧nö baikwö ichejebinö— jö̧ba̧lö.

Juan 8:41

Ökwödöma kwabe'doduwi omukwatö ö̧ji̧danö omukwatö ja̧döja— jö̧a̧liawö̧: —¿Dakwö yöka̧la? Ökwödöma jelo̧ i̧tji̧mubökö̧dösa. Dabe'doma bakwo̧da, Diosda— jö̧tja̧liökwe:

Hechos 2:40

Pedroma ina nöinö yöbawijetö, jojodönö lȩbebö: —Diosma kwö̧jibaduwinö pjaataduwokwö abebaduwi, Jesúsnö ösötenö bȩbinadö lȩebakwawö̧ tjemi̧danö ökwödöbi kwemaduwapji, jö̧ba̧lö— yöbawijetö.

Hechos 7:51

Ina yöbawijetö: Ökwödöma kwuuduwi 'dibadöja. Kwomajadeduwinö do̧batökönö kwö̧jaduwobe. Kabatökönö kwa̧ja̧kwaduwokobe Dios O̧'wo̧ Luwo̧ öba̧jadi̧ma, da'dödömine tja̧ja̧kwinöködanö.

Deuteronomio 31:29

Jobekwö yötawobe ökwödönö chömöledö, isabenö ö'wö batibaja̧ okobe sulabenö ja̧köbaduwakwa̧ chöwaisobetjö̧. Jau chömöledö, ökwödönö chöwaisa, –Ö'wö batibaja̧ okobe isabenö sulabenö ja̧köbaduwakwedöja, jweinö ja̧bö kwö̧jaduwobö yöbawö wetijayonö, jalachibö wainö ja̧köbaduwakwedöja, –jöba̧lö chöwaisa. Ja̧danö ju'wibi chöwaisa, jejenö Isabenö Jo̧ öpöjödi̧ jawa sulabenö ja̧köbaduwiökwe, ökwödönö ödameakwakwo̧ Diosma, ja̧danö ökwödönö ödameakwobetjö̧ nöinö wene kwöbaledaduwakwedöja, —jö̧ba̧lö yöawinobe Moisesma, israel jojodönö.

Deuteronomio 32:20

Sulabenö ja̧tji̧ökwe, –Bidö chi̧tji̧muma jwiinö sulabedö, ja'yubebi ja̧tjo̧ jö̧tja̧li̧danöma ja̧böködö, jo̧kwajabetjö̧ jobadönö pjabatökönö chö̧ja̧kwo̧sa, jobadönö baledakwa̧ma dakwö baledakwojobö jö̧ba̧lö.

Deuteronomio 4:16

sulabenö ja̧bö o̧'wo jawa kwösödaduwakwo̧nö kwotidaduwapji jö̧ba̧lö. Jau chömöledö, o̧'wo jawa kwösödakwo̧nö kwotidaduwobö jwiobe yelösöda, jojodanö ichejekwo̧ o̧'wo jawabi, jojosujudanö ichejekwuju jo̧'wo jawabi,

Deuteronomio 4:25

—Chömöledö, kwiteboduwibe ichibajadö, jobetjö kwitji̧muduwinöbi, kwö̧'dö̧döduwinöbi kwujuna̧laduwakwedöja, ja̧danö jobe ja̧nö pöyakwö kwö̧jaduwakwedöja. Ja̧ mölebi ina jwaikwöda Dios wei̧ kwomukwataduwobö ja̧kobe chömöledö, ökwödönö lȩebapji jö̧ba̧lö. Baikwö yötawaduwakwö chömöledö: Kwiteboduwinö ja̧nö, ju'wi jaye o̧'wo jawa kwösödaduwakwo̧nö kwotidaduwitjö̧ma, jejenö ja̧bö isabenö kwuluwo̧duwi Isabenö Jo̧ Dios öpöjödi̧ jawa ja̧köbaduwena, kwuluwo̧duwi Dios ödameakwinö.

Deuteronomio 9:24

Jau chömöledö, la'akatjöda Isabenö Jo̧ wei̧ öpöjödadöja, ökwödönö ajayinö chöwaisinelö babe möle baibanö, jo̧kwajabetjö̧ la'akatjöda kwomukwataduwoko, –Otiwadö dö̧jiökwe ditebo iyo̧ Diosma, –jö̧ba̧lö.

Filipenses 2:15

ökwödöma wene jwiinö, ja̧danö sulabe jwiinö böjȩnö kwö̧jaduwakobetjö̧. Jau chömöledö, ökwödöma sulabedö tjö'da̧detjö, jwaikwöda sulabenö ja̧badö tjö'da̧detjö kwö̧jaduwijayonö, Dios i̧tji̧mu sulabe jwibadö kwö̧jaduwo. Jau chömöledö, wanedö yötawa, böjȩ jojodö tjö'da̧de ja̧nö, ökwödöma dejewa'yu̧ ubi̧danö kwidejataduwo,

Jueces 2:19

Jo̧kwaijayonö jejenö otiwanö pjaatijayonö, Dios kabebö ujuninökwe ö'wö baibenama, israel jojodöma kabatökönö juluwanö tjebachajö sulabenö ja̧bö ji̧atjinobe. Tjabe'dodö sulabenö ja̧tjitjö̧ bajalekwönönö, jwiinö sulabenö ja̧biatjinobe israel jojodöma, ju'wedö tjösödawö̧nö tjösödobö isakwöbi, bȩba̧chibö ösödöbi. Jwaikwöda tjuu 'dibadö ja̧nö, sulabenö ja̧bö tjö̧ji̧ katjatiboböma tjöpöjodinobe, jwaikwöda sulabenö ja̧bö tjö̧jinobe israel jojodöma, Dios wei̧ a̧ja̧kwökönö.