Deuteronomio 32:42 - Dios Iwene

⁴² Jobadö chöpöjojodönö chölakwabikwawi̧ma baikwö wanedö yötawa: Nayunu 'bötenama, nayunuma nöinö chöpöjojodö tjökwösobö owakobe, 'dukwachanu baibenanö kabatö, ja̧danö chitea kwölöte'oma nöinö itebia ukwobedanö ichekwakobe, jwiinö ba̧jȩkwadö tjiteba'iju dȩdȩbö loobetjö̧. Jau, chöpöjojodönö chölakwabikwawenama, jwiinö söbebö lotakwo̧sa, okobe deinö do̧batö chujuluwajawö̧nöbi, tjuluwedönöbi kwabawö lotenanö kabatö, –jö̧ba̧lö yöawobe Diosma.

Deuteronomio 32:42 ပူးပေါင်းရင်းမြစ်များ

2 Samuel 1:22

Isabenö juluwadö tjö̧jinobe Saulbi Jonatanbi, Jonatanma 'böpönö 'böbö juluwi̧nö ölakwabikwawinobe, ja̧danö Saulma kwölöte'onö kwabawö juluwi̧nö ölakwabikwawinobe, ba̧jȩkwadö tjöpöjonodönö kwabö lotjenanö, inesö juluwadö tjöpöjojodönöbi tjujuluwenanö baibanö.

Diosnö ösödo̧ Job mikwo̧ usula emawina jawa 13:24

—Chuluwo̧ Dios, tajawedö ötjönö le'dedö lobö, atebi̧ kwa̧ja̧kwokobeda? Tajawedö kwöpöjojo chö̧jobedanö kwi̧sȩbobeda?

Isaías 34:5

Jau, baikwö wanedö yöa̧lobe Diosma: —Chitea kwölöte'oma, mölejenö lö̧jadönö söbebö lobö, nöinö tjökwösobu ida̧ökö owa̧lajabe ichejekwa, 'dukwacha'o baibanö. Ja̧danö babema chitea kwölöte'oma, mölejȩbetjö nijakwö jwiachakobe, Edom jojodönöbi lȩtebakobetjö̧. Jobadönö lȩbebö yötawajabe, bakobe jobadönö söbebö lotobö jo̧be, jö̧ba̧lö, ja̧danö babe jobadönö lȩtebakwo̧sa, —jö̧ba̧lö yöa̧lobe.

Deuteronomio 32:23

Jwiinö wene tjujuna̧lobö wetocha, jobadönö nayunö 'bötobedanö ichejekwi̧nö, baikwö yötawa,