Deuteronomio 32:41 - Dios Iwene

⁴¹ Jau, baikwö yöbawö chujunaduwakwö: Jojodönö lȩtebotö jö̧ba̧lö chitea kwölöte'o salöinö dewa'o sȩtebenama, isabenö chöpöjojodönö lȩtebakwo̧sa. Sulabenö ja̧tji̧tjö̧, balekwa mikwa jobadönö kwabawö lotakwo̧sa, ja̧danö jobadönö lȩtebakwo̧sa, ötjönö tjöpöjödi̧ mikwawa baibanö.

Deuteronomio 32:41 ပူးပေါင်းရင်းမြစ်များ

Éxodo 20:5

Ja̧jaye otikwa tjöba a'otjö kwöbaduwi bȩbachibö nijakwö kwuuduwinö kwösödaduwoko ötjöda Isabenö Jo̧chobetjö̧, Kwösödaduwökwe Dioschobetjö̧. Ile nibebo̧sa ökwödönöma, Ötjönöda kwösödaduwo, jö̧ba̧lö. Isabenö, o̧'wo jawa ösödadönöma lȩtebakwo̧sa, ja̧danö jobadönödamaö̧kö̧, ba̧kwȩlö̧jatebö̧ lȩtebakwo̧sa jobadötjö tupadanö jojodönöbi. Jao, ötjönö öpöjödö o̧'wo jawa ösödadö tji̧tji̧munöbi, tjö̧'dö̧dönöbi, ja̧danö tjö̧'dö̧dö tji̧tji̧munöbi, ja̧danö tupakwö, tjö̧'dö̧dö tjö̧'dö̧dönöbi lȩtebakwo̧sa.

Isaías 1:24

Ja̧danö, ökwödö Jerusalennö ju̧kwadöbi, kwuluwedöduwibi jobekwö sulabenö ja̧köbaduwiökwe, isabenö lȩebakwo̧ Diosma. Baikwö yöawobe inesö la'aka luwo̧, Okobe Jwiinö Juluwo̧ Isabenö Jo̧, Israel jojodö tjösödökwe juluwo̧ Diosma: —Ökwödö Jerusalennö ju̧kwadötjö chöpöjojodö ötjökwö ölakwabikwawadönö lȩtebobö chisakwocha, ja̧danö sulabenö ja̧badö chöpöjojodönö balekwa mikwa suli̧ chöwaedocha.

Isaías 27:1

Ja̧danö, ja̧ möle Isabenö Jo̧ma Leviatan ötjabökwe jwaibalawanö jo̧nö lȩebakobe. Inesö nöbo̧ a̧ko'da Leviatanma, Dios öba a'otjö döibajakobe, öwali'bo wi̧su̧inö ja̧bö döibajakwo̧ Leviatanma, jo̧kwaijayonö Diosma iteda itea kwölöte'o, inesö nöa'o juluwa'onö kwabö loakobe jwaibalawanö jo̧ Leviatannö.

Isaías 59:18

Isabenö jweinö lȩebakwo̧ Diosma, jo̧ba öpöjojodö sulabenö ja̧badönö. Sulabenö ja̧tja̧ja̧ badekwachinö, balekwa mikwa jweinö lȩebakwo̧. Dameakwö lȩebakwo̧ öpöjojodönö, sulabenö ja̧tjiökwe balekwa mikwa lȩebakwo̧, bö̧jȩ bakwachö̧jȩ ju̧kwadö öpöjojodönöbi jweinö lȩebakwo̧.

Isaías 66:16

Jau chömöledö, bö̧jȩ ba̧kwemeachibanö ju̧kwadönö lȩebakobe Isabenö Jo̧ma, ökwölanöbi, iteda itea kwölöte'onöbi labinö lȩebakobe, isabenö ba̧jȩkwadönö lȩbebö loakobe Isabenö Jo̧ma.

Isaías 66:6

Jau, ju'winö Jerusalen comunidadtjö ökwöi̧ kwa̧ja̧kwaduwakwedöja, ja̧danö chejutjö bakwo̧ jwöeba̧lobe kwa̧ja̧kwaduwakwedöja. Ja̧ kwa̧ja̧kwaduwakwa̧ma, ötjö Isabenö Jo̧ chiwene ökwöi̧da kwa̧ja̧kwaduwakwedöja, chöpöjojodö sulabenö ja̧tji̧tjö̧, balekwa mikwa jobadönö lȩekwa yöba̧lö jwöteba̧lobe kwa̧ja̧kwaduwakwedöja, jö̧ba̧lö yöawobe Isabenö Jo̧ma, yöawi̧ otiwanö a̧ja̧kwö ju̧kwadönö.

Marcos 1:2

Ja̧ ajayi baledinama, baledakwa̧ abönö lekwe möle, damötjö, Dios yöawi̧ yöbawo̧ Isaías mikwo̧ma yöbawö wȩyudijetö Dios iteda itji̧nö yöawina wene. Baikwö yöbawö wȩyudijetö Isaíasma: Jojodö tjuju̧kwobekwö kwi̧'yakwa̧ abönö jelo̧nö wetocha, ötjö yötawi̧ yöbawo̧nö. Wanedö yötawa: La'aka luwo̧ ichakwa̧ abönö, jweinö ichobö mana tjotidi̧danö jelo̧nö wetocha kwi̧'yakwa̧ abönö, jweinö kwichobö. Jojodö otiwanö omukwatö tjite'ada̧lobe kwichobö, kwi̧'yakwa̧ abönö jelo̧nö, kwichakwa̧ yöawobö wetocha.

Romanos 1:30

ju'wedönöma sulabenö omöna yöba̧ladö. Jobadöma Diosnö jwiinö öpöjödadö. Ja̧danö, ju'wedönö sulabenö yöba̧ladö, Ökwöma mikwawö̧kö̧ja, jö̧ba̧lö. Ja̧danö, Ötjöma juluwo̧sa, jö̧ba̧lö omukwatadö, ju'wedönöbi tjujulu i̧sebö yöbawadö, Ötjönö juluwo̧nö edi, jö̧ba̧lö. Ja̧danö, jemi tupakwö suli̧ tjöwaedotö jö̧ba̧lö omukwatadö, ja̧danö tjabe'donöbi, tjojo'donöbi a̧ja̧kwöködö.

Romanos 8:7

Jau chömöledö, suli̧ ömöayedödanö ju̧kwadöma, Dios öpöjojodö. Ja̧danö, Dios wei̧ma ja̧böködö. Ju'wibi, Dios wei̧ ja̧tjoböma jwibadö, tjujulu jwitjobetjö̧.

Deuteronomio 32:35

Isabenö ötjödasa sulabenö ja̧tji̧ balekwa mikwa lȩbebo̧ma, ja̧danö lȩtebobö badekwachenama, lȩtebocha. Baikwö wanedö yötawa: Ja'yubenö lekwajabetjö dusachibö metja̧kwedö, ja̧danö wene tjöbaledakwa̧ma juluwanö badekwachakobe, ja̧danö juluwanö jobadönö söbebö lotakobe, –jö̧ba̧lö yöawobe Diosma.

Deuteronomio 5:9

La'akatjöda o̧'wo jawa bȩbachibö kwösödaduwoböma jwiobe, baikwö yötawa: Ötjödasa Isabenö Jo̧ Diosma, ja̧danö kwösödaduwi̧ a̧'delo̧sa, ötjönöda kwösödaduwo jö̧ba̧lö. Ju'wibi isabenö lȩbebo̧sa, baikwö yötawa: Ötjönö öpöjödadönö isabenö lȩbebo̧sa̧, öpöjödadönöbi, tji̧tji̧munöbi, tjö̧'dödönöbi, tjö̧'dö̧dö tji̧tji̧munöbi lȩbebo̧sa, tja'dödö ötjönö tjöpöjödobetjö̧.

Deuteronomio 7:10

Ja̧danö ju'wibi kwöwaisaduwobö jo̧be, –Diosnö öpöjödadö tjöpöjödiökwe, balekwa mikwa öpöjödadönö lȩbebo̧ Diosma, juluwanö jobadönö lȩbebö, söbebö loakwo̧, –jö̧ba̧lö kwöwaisaduwobö jo̧be.

2 Timoteo 3:4

Ja̧danö, tjömöledönö iyö lotjakobe tjöpöjojodönö, ja̧danö baledakwa̧ omukwatökönö idöda tjösödi̧da juluwanö ja̧tjakobe, ja̧danö nöinö mikwawadösa jö̧ba̧lö omukwatö tjö̧jakobe, ja̧danö Diosnö ösödökönö, jwaikwöda tjo̧'wo̧ ösöwachibobö ji̧ jawada tjösödakobe.