Deuteronomio 32:31 - Dios Iwene

³¹ Jobadö döpöjojodö tjo̧'wo tjöwana̧lawö̧ma, ökwödö duluwo̧ inesö inawadanöbo̧ ujuluwi̧danöma juluwöködö, döpöjojodöbi edö tjöwaisobe, ökwödö dösödökwe Diosma jobadö tjösödawö̧tjö bajalekwönönö juluwo̧, jö̧ba̧lö.

Deuteronomio 32:31 ပူးပေါင်းရင်းမြစ်များ

Éxodo 14:25

Ja̧danö, 'dötjabajemi kolukiya jawa o'ijubiyanöbi lete'di pöawibanö webijetö Isabenö Jo̧ma, kolukabiya yö̧kö̧nö. Jejenö balediawö̧ jö̧ba̧lijadötö: —¡Ayö! Isabenö Jo̧ma Israel jojodönö tjö̧jibinö pjabatö ölakwabikwawö ujuluwijayonö ökwödönöma öpöjödö kwabö lobo̧. ¡Belöma dȩwa̧ja̧duwo— jö̧ba̧lijadötö.

Éxodo 8:6

Ja̧danö, Moisés Isabenö Jo̧ wei̧danö Aarónnö webijetö. Weökwema otokwa'o do̧ba̧lö kabebö i̧sebena jwo̧i̧döma ojwebiyatjö, pjei ödötjö, ojwese'dijutjö labekwibijadötö okobe jwiinö Egipto nijinö su̧'bȩ batjibanö.

Isaías 31:9

Jobadökwö chölakwabikwawenama, Asiria ölakwabikwawadö inesö juluwadöma jwiinö yebabinö tjö̧bawö tjö̧jakwedö, ja̧danö ölakwabikwawadö tjuluwedöma, banderasa̧do̧ jȩlö yebabinö dötjibakwedö, —jö̧ba̧lö yöawobe inesö ökwöla kwebato̧ Isabenö Jo̧ma. Jau, Isabenö Jo̧ ö̧ji̧ i̧sȩkwola ubemi comunidadma, Jerusalen comunidadda, ja̧danö Jerusalen mösa'o Sion mösa'otjö ubobe, Dios ö̧ji̧ i̧sekwolama.

Daniel 2:47

Ja̧danö Nabucodonosorma Danielnö yöawinobe: —Chi̧'wi̧dikwina jawa jweinö yökawi̧tjö̧, chöwaisobe, isabenö kwuluwo̧ Diosda ju'wedö diosbedö tjuluwo̧ Diosma jö̧ba̧lö, ja̧danö jo̧bada la'aka luwedö inesö la'aka tjuluwo̧ma jö̧ba̧lö, ja̧danö isabenö jojodö wajwitji̧ jawa i̧sebo̧ kwuluwo̧ Diosma— jö̧ba̧lö.

Daniel 3:29

Jo̧kwajabetjö̧ babema 'yayi̧ weawa wetobe baikwö: Bakwo̧bi bidö tjuluwo̧ Diosnö sulabenö yöa̧lobö jwiobe, okobe deinö chömöayedötjö tjitebotenia jojodöbi, bakwosokwena jojodöbi, wainökwena yöba̧ladöbi, otiwanö yötja̧lobö jo̧be bidö Sadracbi Mesacbi Abednegobi tjösödökwe Diosnö. Ja̧danö bakwo̧ jo̧banö sulabenö yöa̧litjöma, jo̧banö bulabinö lotjakwo̧, ja̧danö ejuma jwiinö pjolö lotjakweju, inasoda baibanö. Isabenö tjuluwo̧ Diosdanöbo̧ma deobe, jo̧ba pjaataja̧danö ömöayedönö tjö̧jibinö pjabato̧ma deobe— jö̧ba̧lö yöa̧linobe Nabucodonosorma.

1 Samuel 2:2

Isabenö bakwo̧bi deobe ökwödanö suli̧ jwibo̧ma Isabenö Jo̧ chuluwo̧, isabenö ökwödajayo̧ tjösödökwema deobe. Isabenö ökwödajayo̧ inawa 'diawa tjöbeba̧lö kwöji̧danöbo̧ma deobe Chuluwo̧ Dios.

1 Samuel 4:8

Ökwödöwe, isabenö juluwadö bidö israel jojodö tjo̧'wo tjöwawa̧lawö̧ma, dakwö dö̧jibobö. Bidö israel jojodö tjösödawö̧ma, idöda damötjö̧ Egipto jojodönö juluwi̧ jawa webinadö jojodö deobetjöma, ju'wi juluwi̧ jawabi, ju'wi juluwi̧ jawabi webö, Egipto jojodö jwiinö usula tjemawinö webinadö, —jö̧ba̧lö yebabinö yötja̧lakwawinobe.