Deuteronomio 32:3 - Dios Iwene

³ Jau, otiwanö ösödö yöta̧locha Isabenö Jo̧nö, duluwo̧ Dios inesö ujulu yötawocha, jo̧kwajabetjö̧ lo̧bö yöta̧li̧ma ojwiyo o̧bawa paati̧danö, kwö̧da̧peachaduwinö pjaatobö jo̧be.

Deuteronomio 32:3 ပူးပေါင်းရင်းမြစ်များ

1 Crónicas 17:19

Jo̧kwaijayonö ötjö kwömöayo̧nö pjabatö, ökwöda kwomajadenö kwomukwati̧danö, bi̧ya̧ inesö otiwi̧ma kwotidajabe, ja̧da̧nö döwaisachibobö kwi̧sebajabe.

1 Crónicas 29:10

Jemi ikenama, okobe deinö jobe ko̧ko̧kwadö tjöba a'o ja̧nö, Davidma Diosnö ösödö aebinobe: Chuluwo̧, da'dömine Israel ösödinökwe Isabenö Jo̧ Dios, ba̧kwelöjatebö 'dö̧bibajökönö ösödö yöda̧lökweja.

1 Crónicas 29:11

Ökwödaja inesö dejatinö juluwo̧ma, ökwödaja inesö kwöpöjojodönö juluwo̧ma, ökwödaja okobe deinö tjuluwo̧ma chuluwo̧. Jau chuluwo̧, okobe deinö mölȩjȩnö ju̧kwadöbi, bö̧jȩnö ju̧kwadöbi ökwöda kwö̧möayedö, ja̧danö okobe jwiinö mölȩjȩnö ji̧bi, bö̧jȩnö ji̧bi ökwöda kwiteaobe chuluwo̧. Ja̧danö ökwöda inesö la'aka luwo̧köbobetjö̧, ökwönö ösödö yöda̧lakwö chuluwo̧.

1 Crónicas 29:13

—Jobekwö isabenö jo̧ja chuluwo̧, jo̧kwajabetjö̧ ökwönö ösödö yöba̧ladösa, –Otiwanö pjabato̧ja, ökwö Isabenö Jo̧ma inesö dejatinö juluwo̧ja, –jö̧ba̧lö.

Éxodo 20:24

Ja̧danö, ju'wi jawabi wetaduwakwö: Niji yudö kwotidaduwo juwö iyawemima. Jelöda juwö kwiyaduwo o̧bȩja̧dönöbi pa̧ka̧yö̧nöbi okobe jwiinö juwö. Ja̧danö, ju'wibi jelö iyawemi wa̧nö kwiyaduwobö jo̧be, o̧bȩja̧dönöbi pa̧ka̧yö̧nöbi, okobe jwiinö juwökönö. Ja̧ kwiyaduwi̧ma wanekwachobe, kwömöledökwö wene kwujuna̧laduwi̧tjö tjo̧wi̧ wene jwiinö kwö̧jaduwobe, jö̧ba̧lö. Ja̧danö ötjönö kwösödaduwobö jelobe 'ya̧jadö, jelobe 'ya̧jadö wetenama, Isabenö Jo̧nö dösöda, jö̧ba̧lö kwösödaduwotjö. Jejenö ötjönö kwösödaduwitjö̧ma ichö dösölö̧jinö edö pjatatocha otiwanö kwö̧jaduwobö— yöba̧lijetö Isabenö Jo̧ma Moisésnö, Israel jojodönö yöawobö.

Éxodo 33:19

aebiökwe: —Moisés, kwöba a'otjö chöbaledocha ötjö jwiinö chotiwi̧ma kwedobö. Ja̧danö, baledö ötjö chimi jweinö jwöbebö yöta̧locha ökwönöma, Isabenö Jo̧ mikwawo̧sa, jö̧ba̧lö. Ja̧danö, ötjöma dösölö̧jinö edö pjatatökwenö dösölö̧jinö edö pjatatakwo̧sa, ja̧danö lȩlö̧jinö edö pjatatökwenö lȩlö̧jinö edö pjatatakwo̧sa.

Éxodo 6:3

Ötjödasa kwa'dödömine Abrahamnö, Isaacnö, Jacobnö öwawachö yöba̧linama, Ötjöma Jwiinö Juluwo̧ Diossa, jö̧ba̧lö. Jejenö yöta̧lijayonö ötjö chimima Isabenö Jo̧, jö̧ba̧lö yöta̧lijökötö.

Mateo 1:23

Yötawaduwakwö, ina iso̧nö ja̧bökujuma, metu'wo jö̧jakobe, ja̧danö jitji̧nö jemakobe, ja̧danö jo̧banö Emanuel jö̧ba̧lö ötjabikobe, Diosma ökwödökwö jo̧, jö̧ba̧lö laebobe Dios iwene.

Juan 17:26

Chabe'do, jobadönö yöbawiachijatö ökwönöma. Ja̧danö, ina babebi jobadönö yötawobe ökwönö, ötjönö ile nikebi̧ma edö tjöwaisachibobö. Jejenö yötawobe, ötjönö ile nikebi̧danö jobadöbi ile nibekwö tjö̧jobö. Jejenö nibekwö tjö̧jobema jobadökwö tjo̧'wo̧ luwo̧nö chö̧jobe— jejenö jö̧ba̧lö aebinobe Jesúsma Abe'donöma.

Juan 17:6

Ina aebinobe: —Chabe'do, bidö chöba̧ja̧di̧ waisachadönö, böjȩnö ju̧kwadötjö kwiyinawönöma, jobadökwö ja̧nö ökwönö tjöwaisachibanö yöbawiachijatö. Jobadöma ökwöda kwiyinawö̧. Ja̧danö, jobadönöma ötjönö kwiyijatö chite'ada̧lobö. Ja̧danö, ökwö yökawi̧ yötawi̧ma a̧ja̧kwadö.

Efesios 1:19

Ja̧danö, Diosnö atebobe do̧batö kwöwaisachibaduwobö kwo̧'wo̧ luwo̧duwinö, Diosma jwiinö juluwo̧, jö̧ba̧lö.

Deuteronomio 3:24

–Chuluwo̧ Isabenö Jo̧ Dios, inesö jwiinö juluwo̧ kwö̧ji̧ma, ja'yubenö ötjö kwömöayo̧nö jamatö kwi̧sȩbajabe. Jau chuluwo̧, bö̧jetjöbi, mölejȩtjöbi bakwo̧bi ökwödajayo̧ tjösödökwe diosma deobe, ökwö inesö kwujulu i̧sȩbö, tjöbajale jalaka baibanö julu̧wi̧ jawa kwi̧sȩbi̧danö i̧sȩbo̧ma, deobe.

Deuteronomio 5:24

Ja̧danö ichibajadö yöka̧linaduwobe: –Moises, duluwo̧ Isabenö Jo̧ Diosma iteda ujulu, iteda inesö salöinö ujuluma ökwödönö i̧sȩbajabe, ja̧danö iteda iwene ökwölatjö ökwöobe da̧ja̧kwajabe. Babe möle edö döwaisachibajabe, Dios iwene ökwöinö jojonö yöa̧lonö, debö 'yö̧könö ina 'ya̧alena, jö̧ba̧lö.

Apocalipsis 15:3

Ja̧danö, jobadöma jobe ja̧nö lo̧tjobe chedijatö. Ja̧ lo̧tji̧ma, Dios ömöayo̧ Moisésmine lo̧inabi, Obeja Itji̧danö Jo̧ lo̧inabi, ja̧ lo̧tji̧ma. Ja̧ lo̧tji̧ma baikwö laebobe: Duluwo̧ Dios, ökwöma jwiinö juluwo̧ja. Kwujulu i̧sebo̧ja. Kwujulu kwi̧sebobe edö, Ayö, jö̧ba̧lö, yebabinö dö̧jobe, döbajale jalaka baibanö. Kwujulu i̧sebö ja̧köbi̧ma jweinö omukwatö, otiwanö ja̧bo̧ja. Ökwöma ba̧kwȩlö̧jatebö inesö la'aka luwo̧ja.