Deuteronomio 31:30 - Dios Iwene

³⁰ Jemi ikenama, okobe deinö israel jojodö ko̧ko̧kwadö tja̧ja̧kwa̧lonö, Moisesma okobe jwiinö biya̧ lo̧awa yöawinobe, lo̧awa yöbawö kaatenanö baibanö.

Deuteronomio 31:30 ပူးပေါင်းရင်းမြစ်များ

2 Samuel 22:1

Isabenö Jo̧ma Davidnö ö̧jibinö pjaatinobe, Saultjöbi, okobe deinö ju'wedö David öpöjojodötjöbi. Ja̧danö, jejenö ö̧jibinö pjaatiökwe, Davidma Isabenö Jo̧nö ösödö lo̧inobe.

Juan 12:49

Ötjöma ötjö chomukwati̧da yötawokobe. Dabe'do Dios yötawobö wei̧da yöbawo̧sa.

Hechos 20:27

Diosma ji̧kwa wene kwöwaisachibaduwobö ösödo̧. Jo̧kwaobetjö̧ ötjöma okobe jwiinö ji̧kwa wene yötawijatö, kwöwaisachibaduwobö Dios ösödi̧ma. Jejenö yötawinobetjö̧ yötawi̧ öpöjödinadö Dios lȩebi̧tjö ji̧bakwawa jwitji̧ma ötjö jawamaökö chömöledö. Idöda jawa— yöbawijetö Pabloma Jesúsnö ösödadönö te'ada̧lakwawa jojodönö.

Deuteronomio 31:1

Okobe jwiinö ja̧ jawa yöbawajo̧, tupakwö yöawinobe Moisesma, israel jojodönö: —Chömöledö, ötjöma ida̧ökö jwiinö pöesa, ciento veinte o̧bia junalo̧sa. Ja̧danö, ida̧ökö pöechobetjö̧, bemi tupakwö otiwanö ökwödönö ötiboböma jwibo̧sa, ja̧danö ju'wibi Isabenö Jo̧ma ida̧ökö ötjönö yöawinobe, –Jordan ojwe pekibökakwo̧ja, –jö̧ba̧lö.

Deuteronomio 31:29

Jobekwö yötawobe ökwödönö chömöledö, isabenö ö'wö batibaja̧ okobe sulabenö ja̧köbaduwakwa̧ chöwaisobetjö̧. Jau chömöledö, ökwödönö chöwaisa, –Ö'wö batibaja̧ okobe isabenö sulabenö ja̧köbaduwakwedöja, jweinö ja̧bö kwö̧jaduwobö yöbawö wetijayonö, jalachibö wainö ja̧köbaduwakwedöja, –jöba̧lö chöwaisa. Ja̧danö ju'wibi chöwaisa, jejenö Isabenö Jo̧ öpöjödi̧ jawa sulabenö ja̧köbaduwiökwe, ökwödönö ödameakwakwo̧ Diosma, ja̧danö ökwödönö ödameakwobetjö̧ nöinö wene kwöbaledaduwakwedöja, —jö̧ba̧lö yöawinobe Moisesma, israel jojodönö.

Deuteronomio 32:1

Baikwö laebobe Moises israel jojodönö lo̧awa yöawina: Mölejenö ju̧kwadöma tja̧ja̧kwobö jo̧be, yötawakwa̧ tja̧ja̧kwobö, ja̧danö bö̧jenö ju̧kwadöbi yötawakwa̧ tja̧ja̧kwobö jo̧be.

Deuteronomio 32:44

Okobe jwiinö ja̧ lo̧awa yötjawinobe, Moisesbi, Josuebi, ju'wedö israel jojodö tja̧ja̧kwa̧lonö.

Deuteronomio 4:5

—Isabenö ökwödönö yötawi̧ a̧ja̧kwö kwö̧jaduwobö jo̧be chömöledö, baikwö yötawa: Okobe jwiinö chuluwo̧ Isabenö Jo̧ Dios ötjönö weinama, jweinö balewö lobökönö ökwödönö webö yötawobe, baikwö ja̧bö kwö̧jaduwo, jö̧ba̧lö, kwiteboduwinö kwö̧jaduwenama, Dios wei̧danö otiwanö a̧ja̧kwö kwö̧jaduwakobetjö̧.

Hebreos 3:2

Isabenö chömöledö, Jesús, Dios ökwödönö pjaatobö weinökwema jwaikwöda, okobe jwiinö Dios wei̧ a̧ja̧kwö ö̧jinobe. Ja̧danö, damötjö da'dömine Moisésbi Dios wei̧ jwaikwöda a̧ja̧kwö ö̧jinobe, iteda ömöledönö te'ada̧lö, Dios jo̧banö ite'ada̧lobö weinawö̧nöma.

Hebreos 3:5

Ja̧danö chömöledö, Moisésma Dios ömöayo̧bina. Jo̧bama Dios wei̧ a̧ja̧kwö, okobe deinö Dios ömöledönö te'ada̧lö ö̧jinobe. Ja̧danö, Moisés yöawina Dios ju'wi möle yöawakwa̧ yöawinobe. Jejenö Moisés, Dios ömöayo̧ma otiwanö ö̧jinobe, Dios wei̧ a̧ja̧kwö.