Deuteronomio 31:14 - Dios Iwene

¹⁴ Jemi ikenama Isabenö Jo̧ma Moisesnö yöa̧linobe, —Moises, ö'wö bakibakwa̧ mölema ida̧ökö yöneawachibobe. Jo̧kwajabetjö̧ Josuenö jwököbo, kwö̧jobekwö ichobö, ja̧danö jo̧bakwö chejube chöba a'o kwi̧sȩkwaduwobö kwicho, israel jojodö tjuluwo̧ baibanö Josuenö 'da̧batö chujunakobetjö̧, —jö̧ba̧lö. Yöa̧liawö̧, Moisesbi, Josuebi Dios ejube tji̧'yinobe, Dios öba a'o tji̧sȩkwobö,

Deuteronomio 31:14 ပူးပေါင်းရင်းမြစ်များ

Génesis 47:29

Ja̧danö, woakwa̧ma lekwökena itji̧ Josénö ichobö jwöbijetö. Ichajo̧nö abebijetö: — Chitji̧, ötjönö kwösöditjö̧ma kwiwenema yöbawö juni̧, Isabenö ja̧tocha weköbi̧ma, jö̧ba̧lö. Ja̧danö ja̧ yöbawö kwujuni̧ i̧sebö, chi̧sȩ'bo teebekwöchobe 'bibeba̧litjö, kwiwene yöbawö junö. Chitji̧, baikwö wetakwö: Bemi Egipto nijinö kwödokotjö.

1 Reyes 2:1

Ja̧danö, David ö'wö baibakwa̧ yöneawachibenama, iteda itji̧ la'aka luwo̧ Salomonnö yöawinobe, baikwö:

2 Reyes 1:4

Jobekwö sulabenö abebö kwi̧'yaduwiökwe, baikwö yöawobe Isabenö Jo̧ma, kwuluwo̧duwi Ocoziasnö: -Ökwöma kwö̧bapjo camapjotjö kwa̧la̧ibökakwo̧ja, isabenö a̧la̧ibökönö, ö'wö bakibakwo̧ja, –jö̧ba̧lö yökawo Ocozias ömöayedönö, —jö̧ba̧lö weinobe angelma. Ja̧danö weökwe, a̧la̧ibö i̧'yinobe Eliasma, ja̧danö weaja̧danö yöawinobe Ocozias ömöayedönö.

2 Reyes 20:1

Ja̧ möle jenanö, la'aka luwo̧ Ezequiasma jwiinö 'dö̧achinobe, ö'wö baibo jö̧a̧lenanö. Ja̧danö, Dios yöawi̧ yöbawo̧ Isaiasma ichibö yöawinobe, —Baikwö yöawobe Isabenö Jo̧ma ökwönö, –Juluwanö ö'wö bakibakwo̧ja, bi̧ya kwö'wöchi̧tjö kwö̧bibajökakwo̧ja, jo̧kwajabetjö̧ ö'wö bakibaja̧ ikena jawa webö yökawo kwömöledönö, —jö̧ba̧lö yöawinobe Isaiasma.

Diosnö ösödo̧ Job mikwo̧ usula emawina jawa 1:6

Ja̧danö, ju'wi möle baikwö baledinobe: Okobe deinö Dios ömöayedö angeledö Isabenö Jo̧ Dios öba a'o tjo̧ko̧ko̧kwinobe, tjuluwo̧ öba a'o tjo̧ko̧ko̧kwobö, ja̧danö ju'wibi Awetjama jobadökwö ichinobe.

Diosnö ösödo̧ Job mikwo̧ usula emawina jawa 2:1

Ja̧danö, jemi ikenama, ju'wi möle Dios ömöayedö angeledö yemidanö Isabenö Jo̧ Dios öba a'o tjo̧ko̧ko̧kwinobe, tjuluwo̧ öba a'o tjo̧ko̧ko̧kwobö, ja̧danö Awetjabi yemidanö jobadökwö ichinobe, jo̧babi Isabenö Jo öba a'o ichibobö.

Éxodo 33:11

Ja̧danö, Isabenö Jo̧ma Moisésnö jweinö jöba̧liabijetö,bakwo̧ iteda yö̧ne ömöledöso̧nö dösölö̧jinö yöa̧li̧danö. Yöba̧lö kabatibö Moisésma ȩwa̧jijetö Israel jojodö tjuju̧kwobekwö. Jo̧kwaijayonö Moisés ömöayo̧, Josué mikwo̧ma, ȩwa̧jökönö jejunöda ji̧abijetö.

Éxodo 33:9

Ja̧danö, Moisésma jeju okwa teachena ojwiyo'wo ja'da'daa'woma mölejebetjö jwibachö jamatiaijetö eju teachakwawemi. Ja'wotjö Isabenö Jo̧ma Moisésnö yöba̧liaijetö.

Éxodo 34:2

Jo̧kwaobetjö̧ itekwayi yȩayi wiluibö bi'o Sinai mikwa'o wa̧pekwa'obe kwönöcho, jobe ja̧nö ötjönö kwite'ada̧lobö.

Isaías 38:1

Ja̧ möle jenanö, la'aka luwo̧ Ezequiasma jwiinö 'dö̧achinobe, ö'wö baibo jö̧a̧lenanö. Ja̧danö, Dios yöawi̧ yöbawo̧ Isaiasma ichibö yöawinobe, —Baikwö yöawobe Isabenö Jo̧ma ökwönö, –Juluwanö ö'wö bakibakwo̧ja, bi̧ya kwö'wöchi̧tjö kwö̧bibajökakwo̧ja, jo̧kwajabetjö̧ ö'wö bakibaja̧ ikena jawa webö yökawo kwömöledönö, —jö̧ba̧lö yöawinobe Isaiasma.

Romanos 12:1

Chömöledö, Diosma ökwödönö lȩlö̧jinö edinobetjö̧, yötawaduwakwö, Diosnö kwiyawaduwo, Diosnö iyawadö, ina 'yaba̧ladö iyawadö bakibaduwanö. Jejenö kwiyawaduwobö chösöda chömöledö. Ja̧danö, Diosnö iyawadö kwö̧jaduwobema, jo̧ba wei̧da jwaikwöda ja̧bö kwö̧jaduwo chömöledö, Dios ösödi̧danö. Jejenö Diosnö kwösödaduwobö otiwa chömöledö.

Deuteronomio 31:13

Jau chömöledö, tjumusidi söbebö loawa o̧bakwena jejenö yöka̧laduwobö ja̧kobe, ökwödö ida̧ökö bi'yenö laebi̧ jawa a̧ja̧kwajadö omukwatö kwö̧jaduwakobetjö̧, ja̧danö ju'wibi, kwitji̧muduwi tupadanö jojodö, ina bi'yenö laebi̧ a̧ja̧kwöködöma, a̧ja̧kwö kwuluwo̧duwi Isabenö Jo̧ Diosnö yebabinö omukwatö tjösödobö tjöwaisachibakobetjö̧. Babe juluwanö Jordan ojwe pekibaduwakwedöja chömöledö, Dios iyakwa̧ nijinö kwö̧jaduwobö, ja̧danö ja̧ niji ökwödö israel jojodö kwö̧jaduwonö, ba̧kwelöjatebö otiwanö Diosnö ösödö kwö̧jaduwakobetjö̧, yötawaja̧danö bi'ye yöka̧laduwobö ja̧kobe, —jö̧ba̧lö yöawinobe Moisesma.

Deuteronomio 31:23

Jemi ikenama Diosma Josuenö 'da̧batö ujuninobe, israel jojodö la'aka tjuluwo̧ baibanö, ja̧danö jo̧banö 'da̧batö junö yöawinobe: —Josue, kwujuluwachibanö yebabökönö kwöjobö jo̧be, ökwöda yöbawö chujunina nijibe tjichibanö israel jojodönö ökibakobetjö̧. Jau Josue, damötjö̧ israel jojodönö chiyakwa̧ jawa yöbawö chujunijatö, –Isabenö chiyakwo̧sa, –jö̧ba̧lö, ja̧danö ja̧ yötawina badekwachinö jobadönö ökibakwo̧ja, ja̧danö ötjöma ökwökwö chö̧jakwo̧sa, —jö̧ba̧lö yöawinobe Diosma, Josuenö.

Deuteronomio 32:50

Ja̧danö, edajo̧, jobetjö ö'wö bakibobö ja̧kobe, kwa'dödökwö bakibanö. Jau Moises, kwöpöe Aaron Hor mösa'otjö ö'wö baibinadanö, ökwöbi canaan nijibe ichibökönö ö'wö bakibobö ja̧kobe,

Deuteronomio 34:5

Jemi ikenama Isabenö Jo̧ ömöayo̧ Moisesma jelö ö'wö baibinobe, Isabenö Jo̧ baledakwa̧ yöawinadanö.

Deuteronomio 4:22

Jau chömöledö, ötjöma belö babe dö̧jelö debö chi̧'yakwo̧sa, Jordan ojwe pebibökönö, jo̧kwaijayonö ökwödöma isabenö ojwe pekibaduwakwedöja, ja̧danö inesö otiwemi Dios iyakwa̧ niji̧ma, kwiteboduwi baibanö kwemaduwakwedöja.

Josué 23:14

—Okobe deinö bö̧je jojodö debö tji̧'yidanö, ötjöbi juluwanö ö'wö batibakwo̧sa chömöledö, ja̧danö ö'wö batibakwa̧ abönö yötawaduwakwö chömöledö. Ökwödöma okobe deinö waisadöja chömöledö, kwomajadeduwinöbi, kwo̧'woduwinöbi isabenö waisadöja chömöledö, baikwö: Okobe jwiinö kwuluwo̧duwi Isabenö Jo̧ Dios ökwödönö yöbawö ujuninama, badekwachinö baibanö pjaatajabe, jö̧ba̧lö waisadöja, jö̧tö? Jau chömöledö, okobe jwiinö yöbawö ujunina jawatjö, bakwöta jawabi waekwinokobe, okobe jwiinö kwö̧'da̧deduwitjö badekwachinö otidajabe.

Josué 24:1

Jemi ikenama, Josuema yemidanö jwöinobe israel jojodönö, Siquen comunidadtjö tjo̧ko̧ko̧kwachobö. Bakwasokwena la'aka luwedönöbi, tjömöledökwena tjuluwedönöbi, lȩekwa luwedönöbi, ju'wedö israel jojodötjö luwedönöbi jwöinobe, ja̧danö jwöawö̧, ko̧ko̧kwachö tjichinobe, Dios öba a'o ichibö tja̧ja̧kwobö.

Judas 1:24

Okobe deinö Diosnö dösödaduwo chömöledö, jo̧bada meköbaduwapji jö̧ba̧lö pjabato̧ma, ja̧danö jo̧bada iteda inesö dewinö salöinö öba a'o wene jwiinö kwö̧jaduwobö pjabato̧ma, kwo̧'wo̧duwi jwiinö ösödachibanö.

1 Samuel 10:19

Jo̧kwaijayonö, jejenö pjatatinajayonö, ökwödöma kwuluwo̧duwi Diosnö, öpöjödadöja. Jau, okobe jwiinö wene kwujuna̧laduwitjöbi, usula emawö kwö̧jaduwitjöbi kwö̧jibaduwinö pjabato̧nö, öpöjödö kabatibadöja, –Jojonöda Inesö la'aka duluwo̧ baibanö dujunobö dösöda, –jö̧ba̧lö. Ja̧danö akebaduwi̧danö chiyocha, jo̧kwajabetjö̧ ötjö Isabenö Jo̧ chöba a'o jamataduwi ökwödö israel jojodöma. Wainökwena Israel itji̧musasokwena, ja̧danö jobadö tji̧tji̧musasokwena wainö jamataduwi, didösasotjö la'aka luwo̧ omudawö chujunajökwenö chi̧sebakobetjö̧, —jö̧ba̧lö Dios yöawi̧ yöawinobe Samuelma.

1 Samuel 26:10

Isabenö yötawakwö, Isabenö Jo̧ yaba̧lo̧ ö̧ji̧ wene ji̧danö, baikwö isabenö yötawakwö, la'akatjöda Dios omudawö ujuninökwenö suli̧ chöwaedobö jwiakobe. Isabenö Jo̧ ösöditjö̧ma, jo̧bada Saulnö lȩbebö kwabö loena, ja̧danö pöe waekwö ö'wö baibena, ja̧danö öpöjojodökwö ölakwabikwawö debö i̧'yena. Jo̧kwaijayonö, la'akatjöda ötjö jo̧banö suli̧ chöwaedobö jwiakobe, Saulma Diosda omudawö ujuninökweobetjö̧. Jo̧banö kwabö lobökönö, baikwö ja̧do, Saul uu ö'öbö jö̧te otokwöte demo, ja̧danö itea ojwiyosa̧pja̧bi demo, ja̧danö emajadö dȩwa̧jo, —jö̧ba̧lö yöa̧linobe Davidma ömöayo̧ Abisainö.