Deuteronomio 30:6 - Dios Iwene

⁶ —Ju'wibi kwuluwo̧duwi Isabenö Jo̧ Dios ökwödönö pjaatakwa̧ yötawaduwakwö chömöledö, okwanö kwöbalewachaduwinö pjaatakwo̧, wanedö yötawa, kwomajadeduwi wamesa̧do̧, Diosnö kwösödaduwapji jö̧ba̧lö tjöekwa̧do̧ma, ökwödö kwomajadeduwitjöbi, kwitji̧muduwi tjomajadetjöbi 'wibebö loakobe, jwaikwöda okobe jwiinö kwomajadeduwinöbi, kwo̧'woduwinöbi kwuluwo̧duwi Isabenö Jo̧ Diosnö ile nibebö kwösödaduwakobetjö̧. Jejenö ökwödönö pjaatakwo̧ Diosma chömöledö, 'ya̧ba̧ladö kwö̧jaduwakobetjö̧.

Deuteronomio 30:6 ပူးပေါင်းရင်းမြစ်များ

Éxodo 20:6

Jo̧kwaijayonö ötjönö ösödadötjö, ötjö weti̧ a̧ja̧kwadötjö tupadanö jojodönöma, ba̧kwelö̧jatebö balewachökönö chösödakwo̧sa.

Mateo 22:37

Aebökwe, Jesúsma atadinobe: —Inesö nöinö mikwawi̧ Dios weinama biya̧: Okobe jwiinö kwomajadenö, okobe jwiinö kwo̧'wo̧ luwo̧nö, okobe jwiinö kwomukwati̧nö jwaikwöda kwuluwo̧ Diosnö ile nibebö kwösödo, jö̧ba̧lö.

Romanos 11:26

Ja̧danö, jemi ikenama Israel jojodöbi tjö̧jibakwedö chömöledö. Baikwö laebobe Dios iwene, Israel jojodö tjö̧jibakwa̧ma: Jojodö tjö̧jibinö ja̧bo̧ma Jerusaléntjö ichakwo̧, ja̧danö okobe deinö Jacob i̧tji̧mu tupadanö jojodö sulabenö ja̧tjina söbebö loakwo̧.

Romanos 8:28

Jau chömöledö, Diosma isabenö ökwödönö pjabato̧. Jo̧bada ökwödönö jwöinobe, iteda ömöledö badibobö. Ja̧danö, jemi tupakwöbi iteda jwöinawö̧nö pjabato̧ chömöledö. Ina böjȩnö ja̧nö, döpöjödi̧ jawa baledobe, ¿jö̧tö? Ja̧danö, sulabe jawa baledobe ökwödönöma, usula demawinö, ¿jö̧tö? Jo̧kwaijayonö, döpöjödi̧ jawa baledijayonö, ja̧danö sulabe jawa ökwödönö baledijayonö, okobe jwiinö ja̧ jawa balewö lobo̧ Diosma, ökwödönö pjaati̧ jawa baibanö. Jau chömöledö, ökwödö Diosnö ösödadöma, jo̧bada jwöinawö̧sa, iteda ömöledö badibobö. Ja̧danö, iteda ösödi̧danöda jwöinobe ökwödönöma chömöledö.

1 Corintios 8:3

Jo̧kwaijayonö Diosnö ösödo̧ma, Dios öwaisökwe ö̧jobe jo̧bama.

2 Corintios 5:17

Jau chömöledö, Cristonö ösödadöma ida̧ökö jo̧bakwö wotjinobe, ja̧danö ida̧ökö jo̧bakwö tjetjachajinobe. Jo̧kwajabetjö̧, baikwö jo̧be chömöledö, bakwo̧ Cristokwö dötewanö ö̧jitjö̧ma, Dios 'yayinö otidajökwe baibanö jo̧ jo̧bama. Jau chömöledö, Cristokwö dötewadönöma, damö jawama ida̧ökö 'dö̧ibajinobe, ja̧danö babe dö̧ji̧ma, 'yayinö ja̧kwawa baibinobe. Jo̧kwajabetjö̧ chömöledö, damö jawa ida̧ökö 'dö̧ibajinobetjö̧, tupakwö ja̧ jawa domukwatoböma jwiobe, jwaikwöda 'yayinö ja̧kwawa jawada domukwatobö jo̧be.

Deuteronomio 10:16

Jo̧kwajabetjö̧, isabenö jo̧ba wei̧ kwa̧ja̧kwaduwobö jo̧be chömöledö, baikwö wanedö yötawa, kwomajadeduwi bajalesa̧do̧ 'diado̧ma 'wibekwö loköbaduwo, kwuu 'diinö a̧ja̧kwökönö kwö̧jaduwi̧ kakatibaduwakobetjö̧.

Deuteronomio 11:1

Tupakwö yöawinobe Moisesma, israel jojodönö: —Diosma isabenö otiwanö pjaatobe ökwödönö chömöledö, jo̧kwajabetjö̧ isabenö jo̧banö kwösödaduwobö jo̧be, ja̧danö jwaikwöda jo̧ba wei̧ a̧ja̧kwö kwö̧jaduwobö jo̧be. Jau chömöledö, ja̧bö kwö̧jaduwobö wei̧ jawabi, ju'wi wei̧bi, okobe jwiinö kwuluwo̧duwi Isabenö Jo̧ Dios wei̧ a̧ja̧kwö kwö̧jaduwobö jo̧be.

Deuteronomio 6:5

Jwaikwöda kwuluwo̧duwi Isabenö Jo̧ Diosnö ile nibebö kwösödaduwobö jo̧be chömöledö, okobe jwiinö kwo̧'woduwinö, okobe jwiinö kwomajadenö, okobe jwiinö kwujuluduwinö jwaikwöda jo̧banöda kwösödaduwobö jo̧be.

Colosenses 2:11

Ja̧danö, Cristonö dötewadö kwö̧jaduwobetjö̧, isabenö 'wibekwadöja chömöledö. Ja̧ 'wiekwa yöta̧li̧ma, wame jojodö tjötade bajalesado̧ 'witjekwi̧ma yöta̧lökö chömöledö, ju'wi tjo̧'wo̧ luwo̧ jawa 'wiekwada yötawa, Cristo ja̧i̧da. Cristoma ajayi sulabenö kwösödinaduwa 'wibebö loinobe ichejekwa, ja̧ ujulutjö kwö̧jibaduwinö ja̧bö, jo̧kwajabetjö̧ isabenö 'wibekwadöja chömöledö.

Santiago 1:12

Chö̧ja̧wo̧dö, wene baledena tjo̧'wo̧ 'dibachibö, jwaikwöda, Diosnö tjo̧'wo̧ wana̧lö 'ya̧döma, Dios pjaatawö̧. Ja̧danö, jwaikwöda tji̧'yi̧ma tji̧sekwobe, Diosnöda do̧'wo̧ wana̧lö ja̧dösa, jö̧ba̧lö. Ja̧danö chö̧ja̧wo̧dö, jobadöma Dios yöbawö ujunina tjemakwedö, ba̧kwȩlö̧jatebö ja̧kwawama. Jau chö̧ja̧wo̧dö, Diosma yöbawö ujuninobe, Ötjönö ösödadönö ba̧kwȩlöjatebo ja̧kwawa chiyakwo̧sa, jö̧ba̧lö.

Santiago 2:5

Chö̧ja̧wo̧dö chösödawö̧, a̧ja̧kwaduwitjö. Böjȩnö ju̧kwadöma usulasedönö edö, Bidöma mikwawöködö, jö̧ba̧lö, tjomukwatobe. Jo̧kwaijayonö Diosma jobadönö edö, Jwiinö mikwawadö, jö̧ba̧lö, edobe. Diosma jobadö jwibadönö omudawö ujuninobe jwiinö juna̧ladöda batjibobö, tjo̧'wo̧ luwo̧ jawa, Jesucristonö tjo̧'wo̧ tjöwana̧lobetjö̧. Ja̧danö, Diosma jobadönö omudawö ujuninobe ju'wi möle jo̧bakwö webö tjö̧jobö, iteda La'aka Luwo̧ webö ö̧jobe ja̧nö. Jau chö̧ja̧wo̧dö, usulasedönöbi jejenö tjö̧jobö omudawö ujuninobe Diosma okobe deinö jo̧banö ösödadö tjö̧jakwa̧ma.

1 Juan 4:7

Chösödawö̧, isabenö dö̧ja̧wo̧dökwö ösödabikwawö dö̧jaduwo. Ja̧danö, ösödabikwawö dö̧jobö dujuluma ¿detjö ichobeda? Diostjöda ichobe chö̧ja̧wo̧dö, iteda i̧tji̧munö pjaati̧ma. Ja̧danö, ösödabikwawö dö̧ji̧ma di̧sekwobe, Ökwödöma Dios i̧tji̧mu babibinadösa, jö̧ba̧lö. Ja̧danö, dö̧ja̧wo̧dökwö ösödabikwawö dö̧ji̧ma di̧sekwobe, Diosnö waisadösa, ja̧danö, jo̧bakwö dötewinö 'ya̧dösa, jö̧ba̧lö.