Deuteronomio 30:12 - Dios Iwene

¹² Jau chömöledö, Dios wei̧ wȩyukwa'ye mölejȩbeda ji̧tjö̧ma, kwöwaisaduwobö wayena, ja̧danö abebö kwa̧ja̧kwaduwena, –Tida mölejebe kabekwö i̧'yakwajö, Dios wei̧ emibö ichejebobö, wei̧ a̧ja̧kwö wei̧danö ja̧bö dö̧jakobetjö̧? –jö̧ba̧lö. Jo̧kwaijayonö mölejebeda jo̧kobe chömöledö, jobekwö abebö kwa̧ja̧kwaduwobö.

Deuteronomio 30:12 ပူးပေါင်းရင်းမြစ်များ

Proverbios 30:4

Ja̧danö, baikwö abebö cha̧ja̧kwaijatö, kwomukwataduwobö: Mö̧lȩjebe 'ya̧nö Diosnö edinö yöbawö ȩwa̧jo̧ma ¿ö̧jobeji̧? Deobe. Ja̧danö, jwa̧lȩ'ȩpjo ömamunö do̧batö emo̧ma ¿ö̧jobeji̧? Deobe. Ja̧danö, jwai balawa ökamijido̧nö jwabebö emo̧ma ¿ö̧jobeji̧? Deobe. Ja̧danö, bö̧je okobe jwiinö ju'wedö tjitebo, ju'wedö tjitebo ö'öbö tjöekwa ba̧ja̧dö juno̧ma ¿ö̧jobeji̧? Deobe. Jo̧badanö jo̧nö kwöwaisitjö̧ma jo̧ba imi yökawotjö, ja̧danö i̧tji̧mu̧ tji̧mi̧bi yökawotjö. Isabenö yötawa: Deobe, jobekwö ja̧bö jo̧ma.

Juan 3:13

¿Dakwö tjöwaisobö jojodöma, mölejȩ tjö̧ji̧ jawa? Jojodötjö bakwo̧bi deobe böjȩnö jo̧ma, mölejȩbe kabekwachajinama. Isabenö yötawa. Ötjö, mölejȩbetjö weinökwe, jojo baibanö jeminökweda mölejȩbe katekwachajakwo̧ma— yöawinobe Jesúsma Nicodemonöma. Ina yöawinobe:

Deuteronomio 30:11

Tupakwö yöawinobe Moisesma: —Chömöledö, Dios wei̧ babe ökwödönö yötawi̧ma wayökö, a̧ja̧kwö kwö̧jaduwobö, ja̧danö wȩyukwa'yema ökwödötjö ödöokobe.

Deuteronomio 30:13

Ja̧danö jwaibalawa bakwachobube ji̧tjö̧ma, abebö kwa̧ja̧kwaduwena, –Tida jwaibalawa bakwachobube i̧'yakwajö, Dios wei̧ emibö ichejebobö, wei̧ a̧ja̧kwö wei̧danö ja̧bö dö̧jakobetjö̧? –jö̧ba̧lö. Jo̧kwaijayonö jwaibalawa bakwachobu jo̧kobe chömöledö, jobekwö abebö kwa̧ja̧kwaduwobö.