Deuteronomio 3:8 - Dios Iwene

⁸ —Jobekwö laebobe jobadönö dujuluwinama chömöledö. Baikwö laebobe ja̧ möle ditebo baibanö niji do̧datinama: Jobadö du̧ju̧taja amorroes la'aka luwedötjö, Jordan ojwe jawo̧ ichobekwöchobe ni̧ji̧ demijatö, Arnon ojwetjö̧, Hermon mösa'obe ichibenanö.

Deuteronomio 3:8 ပူးပေါင်းရင်းမြစ်များ

1 Reyes 4:19

Uri itji̧ Gueber mikwo̧ma, Galaad niji la'aka luwo̧ ö̧jinobe. Okobe jwiinö Galaad nijitjö, damötjö̧ ji̧nadö Amorreo jojodötjö la'aka luwo̧ Sijon mikwo̧ weinemi nijibi, Basan la'aka luwo̧ Og mikwo̧ weinemi nijibi, okobe jwiinö Galaad nijitjö jobadö wetjinemi niji la'aka luwo̧ ö̧jinobe, jo̧ba Gueberda. Jobekwö laebobe Salomon ömöayedötjö gobernadorbedö tjimibiya wȩyukwa'yema.

1 Crónicas 5:23

Manasessaso jojodötjö jawo̧ laebobekwö ju̧kwadöma ba̧jȩkwaso baibanö tjö̧jinobe, jo̧kwajabetjö̧ jalobe tjö̧jinobe, Basan nijitjö, u'dakwöchobe bajalenö Baal-hermon comunidadbebi, Senir comunidadbebi, Hermon mösa'obebi ichibanö.

Deuteronomio 4:47

Jo̧ba Sijonbi, Basan niji la'aka luwo̧ Og mikwo̧bi amorreo jojodötjö Jordan ojwetjö jawo̧ ichobekwöchobe ju̧kwadö la'aka luwedö tjö̧jinobe, jo̧kwaijayonö jobadönö tjujuluwinobe israel jojodöma, ja̧danö tjiteboinemi idöda tjitebo baibanö tjeminobe, ja̧danö emajadö jobe tjö̧jinobe.

Deuteronomio 4:48

Ja̧ tjemina nijima, bi̧ya: Arnon ojwe ö'öbö ji̧ comunidad Aroertjö, Sirion mösa'o, ju'wi imi Hermon mösa'obe ichibanö,

Josué 12:1

Baikwö laebobe israel jojodö tjujuluwinawö̧ la'aka luwedö tjimibiya wȩyukwa'ye: Jordan ojwe tjöbaledakwa̧ abönö, Jordan mikwödötjö jawo̧ laebobekwö ju̧kwadö la'aka luwedö Sijon mikwo̧nöbi, Og mikwo̧nöbi tjujuluwinobe, ja̧danö jobadö la'aka luwedö tjiteboinemi tjeminobe, idöda tjitebo niji̧ baibanö. Ja̧ nijima jalobe tjeminobe, Jordan mikwödötjö jawo̧ laebobekwö Araba ötjabobe tupakwönönö baibanö, ja̧danö jakwölakwö Arnon wabekotjö, u'dakwö ja̧'o Hermon mikwa'o baibanö.

Josué 13:8

Ju'wedö Manasessaso jojodötjö ja'öbi, Rubensaso jojodöbi, Gadsaso jojodöbi ida̧ökö tjitebo tjujuna̧linobe. Jordan ojwe tjöbaledakwa̧ abönö, Isabenö Jo̧ ömöayo̧bina Moisesma ida̧ökö tjitebokwena iyinobe, Jordantjö jawo̧ laebobekwö nijima.