Deuteronomio 29:9 - Dios Iwene

⁹ Jau chömöledö, isabenö yötawaja̧danö otiwanö pjaatinobe Diosma, jo̧kwajabetjö̧ teada̧lönö kwö̧jaduwo, babe Dios wei̧ yötawaja̧danö ja̧bö kwö̧jaduwakobetjö̧. Ja̧danö, isabenö yötawaduwakwö chömöledö, wei̧ a̧ja̧kwö kwö̧jaduwitjö̧ma, isabenö okobe jwiinö kwotidaduwi̧tenia otiwanö laebakobe chömöledö.

Deuteronomio 29:9 ပူးပေါင်းရင်းမြစ်များ

1 Reyes 2:3

Kwuluwo̧ Isabenö Jo̧ Dios ökwönö wei̧ma, a̧ja̧kwö kwö̧jo. Otiwanö Dios ö̧ba̧ja̧di̧ jawa a̧ja̧kwö kwö̧jo chitji̧, Dios ökwödö israel jojodönö wei̧ma, ja̧bö dö̧jobö wei̧bi, ju'wi wei̧bi Moisesmine damötjö̧ i̧wȩyudinobe, jadanö ja̧ wȩyukwa'ye laebi̧danö ja̧bö kwö̧jo. Jejenö ja̧bö kwö̧jitjö̧ma, isabenö waekwökönö, okobe jwiinö otidö kwö̧ji̧ma otiwanö kwö̧jakwo̧ja, okobe jwiinö ja̧köbobö kwisakwi̧ma, waekwökönö isabenö otiwanö ja̧köbakwo̧ja.

Lucas 11:28

Yöja̧liökwe, Jesúsma atadinobe: —Isabenö Dios otiwanö pjaatoko chojo'donöma, ötjönö jemobö iyinobetjö̧, jo̧kwaijayonö ja̧tjö bajalekwönönö isabenö nöinö pjabato̧ Diosma, Dios iwene a̧ja̧kwö laebachi̧danö ja̧bö ju̧kwadönöda chömöledö— jö̧ba̧lö.

Deuteronomio 29:1

Jobekwö laebobe Isabenö Jo̧kwö israel jojodökwö bakobe yöbawö tjujunina jawama. Damötjö̧ Sinai mösa'otjö israel jojodö tjö̧jenama, Isabenö Jo̧ma israel jojodökwö isabenö ja̧tja̧kwa̧ wene bakobe yöbawö tjujunakwawinobe, ja̧danö Moab nijinö tjö̧jenama, Isabenö Jo̧ma Moisesnö weinobe, pjaatakwa̧ jawabi, lȩebakwa̧ jawabi jobadönö yöbawö ujunobö, a̧ja̧kwajadö, israel jojodöbi atadö yöbawö tjujunakobetjö̧, —A̧ja̧kwö dö̧jitjö̧ma, yökawaja̧danö pjakatobö ja̧kobe, ja̧danö a̧ja̧kwökönö dö̧jitjö̧ma, yökawaja̧danö lȩkebobö ja̧kobe, —jö̧ba̧lö.

Deuteronomio 29:10

—Babe möle okobe deinö bai kwuluwo̧duwi Isabenö Jo̧ Dios öba a'o ko̧ko̧kwö ja̧döja chömöledö, bakwasokwena la'aka luwedöbi, ju'wedö kwuluwedöduwibi, lȩekwa luwedöbi, ökwödö israel jojodötjö ömadöbi,

Deuteronomio 4:6

Isabenö teada̧lönö yötawi̧ jawa a̧ja̧kwö kwö̧jaduwobö jo̧be chömöledö, suli̧ jawa öpöjödö, waisanö otiwi̧ jawada do̧balö̧ kwö̧jaduwi̧ wene öwawakobetjö̧. Jau chömöledö, otiwanö Dios wei̧ ökwödönö yötawi̧ jawa a̧ja̧kwö kwö̧jaduwitjö̧ma, ju'wedö tjitebokwena jojodöma Dios wei̧ a̧ja̧kwö kwö̧jaduwi̧ma tja̧ja̧kwakwedö. Ja̧danö, a̧ja̧kwö, ökwödönö yötja̧lakwedö, –Israel jojodöma isabenö waisanö omukwatadötjobetjö̧, Dios wei̧ otiwanö a̧ja̧kwadö, –jö̧ba̧lö.

Deuteronomio 5:3

Jau chömöledö, sule da'dödönödama yöbawö ujuninokobe, ökwödö babe mölȩ ina 'ya̧baladönöda yöbawö ujuninobe.

Josué 1:7

Jejenö pjatatakwo̧sa Josue, jo̧kwajabetjö̧ baikwö wetakwö: Kwujuluwachibanö, yebabökönö ja̧nö, teada̧lönö ja̧bö kwö̧jo, weti̧ jawa chömöayo̧ Moisesmine i̧wȩyudina jawama. Ja'yubebi ö'öbönö 'yö̧könö, jwaikwöda weti̧danö ja̧bö kwö̧jo, ba̧kwelöjatebö okobe jwiinö kwö̧ji̧ma otiwanö waekwökönö kwö̧jobö.

Josué 1:8

Ba̧kwelöjatebö kwiyalu'ye weti̧ wȩyukwa'ye yöba̧lö kwö̧jo, ja̧danö mölebi, yö̧tebi laebi̧ jawa omukwatö kwö̧jo, okobe jwiinö laebi̧danö ja̧bö kwö̧jakobetjö̧. Jau Josue, jejenö ja̧bö kwö̧jitjö̧ma, kwö̧ji̧ma isabenö jwiinö otiwanö waekwökönö kwö̧jakwo̧ja.

Josué 24:1

Jemi ikenama, Josuema yemidanö jwöinobe israel jojodönö, Siquen comunidadtjö tjo̧ko̧ko̧kwachobö. Bakwasokwena la'aka luwedönöbi, tjömöledökwena tjuluwedönöbi, lȩekwa luwedönöbi, ju'wedö israel jojodötjö luwedönöbi jwöinobe, ja̧danö jwöawö̧, ko̧ko̧kwachö tjichinobe, Dios öba a'o ichibö tja̧ja̧kwobö.

Josué 8:35

Isabenö okobe jwiinö yöa̧linobe Josuema, okobe jwiinö Moises weina jawatjö, bakwöta jawabi ji̧bökönö, okobe jwiinö weawasa'yenö laebi̧ma israel jojodö ko̧ko̧kwadönö yöa̧linobe Josuema, ömadö tjöba a'otjöbi, ya̧dö tjöba a'otjöbi, tjemu tjöba a'otjöbi, jelobetjö ichajadö israel jojodö tjö̧'da̧de ju̧kwadö tjöba a'otjöbi, okobe deinö tjöba a'otjö, tja̧ja̧kwa̧lonö yöa̧linobe Josuema.