Deuteronomio 29:6 - Dios Iwene

⁶ Ja̧danö, jobe kwekachaduwonö, pan kwukwaduwobö jwiijayonö, ja̧danö ubasobubi, nio ojwiyobi kwowaduwobö jwiinajayonö, ju'wida iyö chiteada̧lijatö, jö̧tö? Jobekwö ökwödönö chiteada̧lijatö chömöledö, edö kwöwaisachibaduwobö, -Ökwödö israel jojodö duluwo̧ Diosma, Isabenö Jo̧ Diosda, -jö̧ba̧lö kwöwaisachibaduwobö, –jö̧ba̧lö Dios ökwödönö labebö lobö yöawi̧ yötawaduwakwö chömöledö.

Deuteronomio 29:6 ပူးပေါင်းရင်းမြစ်များ

Éxodo 16:12

—Israel jojodö jwötjeba̧li̧ma cha̧ja̧kwajabe. Jo̧kwaobetjö̧ jobadönö baikwö yökawo: Makö yi̧bena itebiya kukwaduwakobe. Ja̧danö, itekwayi dewachö kwakwawa, pan kwukwaduwi̧danö kwukwaduwakobe, kwomeaduwinö. Jejenö baledobetjö̧ kwöwaisachibaduwakobe, isabenö, ökwödönö pjabato̧ma Isabenö Jo̧da, ökwödö Duluwo̧ Diosda, jö̧ba̧lö. Jejenö yökawodönö— yöba̧lijetö Isabenö Jo̧ma Moisésnöma.

Éxodo 16:35

Ja̧danö, Israel jojodöma lekwe möle, cuarenta o̧bi̧ya̧ baledibanö mölekwena kwiabijadötö ja̧ kwakwawa, maná mikwi̧ma, jojodö tjuju̧kwobekwö, Canaán niji ö'öbö tjichibenanö kabatö.

1 Corintios 10:4

Ja̧danö, okobe deinö bakobe Dios iyina ojwiyo tjowinobe, ¿jö̧tö? Jau chömöledö, okobe deinö inawatjö tjowinobe, ja̧danö jawa jobadökwö kweachinawama, Cristodainobe chömöledö.

1 Corintios 9:25

Jau chömöledö, okobe deinö böjȩ alewakwawa alewadöma, otiwanö alewadö batjibo jö̧ba̧lö jwaikwöda pjaati̧ jawada ja̧tjobö isakwadö, tjösödi̧ jawa ja̧bökönö, ¿jö̧tö? Jejenö ja̧badö jobadöma, tupakwö tjalewenama, abönö tjichibobö, ¿jö̧tö? Jau chömöledö, abönö ichibo̧ ubutjawaka pjolowachakwaka tjemo jö̧ba̧lö, jejenö ja̧badö, ¿jö̧tö? Jo̧kwaijayonö, wanedö yötawa do̧'wo̧ luwo̧ jawama: Ökwödöma otiwaka, pjolowachököka Dios iyakwaka demo jö̧ba̧lö, ö'öbakwawadösa chömöledö.

Efesios 5:18

Ja̧danö, ju'wibi yöbawö wetaduwakwö chömöledö. 'Dukwachinöma kwowa̧laduwa. Owa̧lo̧ma o̧'wo̧ luwo̧nö omukwatökönö ju'wida sulabenö ja̧bö jo̧, okobe jwiinö ö̧ji̧ma. Wanedö yötawa chömöledö: Nio ojwiyo 'dukwachinö kwowa̧laduwa, ja̧da tupakwö kwuluwo̧duwi baibanö 'ya̧nöma. Dios O̧'wo̧ Luwo̧da ökwödö kwuluwo̧duwima, nio ojwiyo owa̧lakwawamaökö. Jo̧kwaobetjö̧ jo̧bada öba̧ja̧da̧lonö ja̧bö ju̧kwaduwi chömöledö.

Deuteronomio 2:33

Ja̧danö, jejenö ölakwabikwawö ichenama, duluwo̧ Isabenö Jo̧ Diosma pjaatinobe, Sijonnö dujuluwobö, ja̧danö jo̧banöbi, okobe deinö itji̧munöbi, okobe deinö ömöayedö itebo jojodönöbi kwabawö lodijatö.

Deuteronomio 29:7

—Ja̧danö, bemi nijibe dichibenabi, Diosma otiwanö iteada̧linobe chömöledö. Bemi niji luwedöbinadö Hesbon comunidad la'aka luwo̧ Sijonbi, Basan niji la'aka luwo̧ Ogbi ökwödönö tjölakwabikwawinobe, jö̧tö? Jo̧kwaijayonö, Dios pjaati̧tjö̧, jobadönö dujuluwijatö,

Deuteronomio 3:3

Ja̧danö, yöa̧linadanö, duluwo̧ Isabenö Jo̧ Diosma la'aka luwo̧ Ognöbi, okobe deinö ömöayedönöbi dujuluwobö pjaatinobe. Ja̧danö, okobe deinö jobadönö kwabawö lodijatö, ömöayedötjö bakwo̧bi ö̧jibökenanö baibanö.

Deuteronomio 3:6

—Ja̧danö, Og itebo dujuluwenama, Hesbon la'aka luwo̧ Sijon itebo ju̧kwadönö söbebö lodinadanö söbebö lodijatö. Comunidadkwena dujuluwenama, okobe deinö jojodönö kwabawö lodijatö, ömadönöbi, ya̧dönöbi, tjemunöbi.

Deuteronomio 8:3

Jau chömöledö, Juluwöködösa, jö̧ba̧lö kwöwaisachibaduwakobetjö̧, ajayinö a̧wi̧chi̧löji̧ weinobe, ikenama mölejebetjö tjoduwi̧ Mana ötjabi̧ kwawawa iyinobe, ökwödöbi kwa'dödöbi wajwiköbinaduwa jawa kwakwawa kwukwaduwobö iyinobe. Jejenö ba̧ja̧dö iyinobe chömöledö, kwöwaisachibaduwakobetjö̧, –Sule kwakwawa kwanödama otiwanö jö̧ködö jojodöma, okobe jwiinö Isabenö Jo̧ yöawi̧ da̧ja̧kwitjö̧da otiwanö dö̧jakwedösa, –jö̧ba̧lö kwöwaisachibaduwakobetjö̧.