Deuteronomio 29:2 - Dios Iwene

² Moisesma okobe deinö israel jojodö tjichobö jwöinobe, ja̧danö ichö ko̧ko̧kwajadönö yöawinobe, baikwö: —Chömöledö, ökwödöma isabenö Dios ujulu edö waisadöja, Egipto nijinö i̧sȩbina kwedinaduwobetjö̧. Jau chömöledö, kwöba a'oduwitjö kweda̧laduwonö, Isabenö Jo̧ma Faraonnöbi, ömöayedönöbi, itebo nijibi lȩebinobe.

Deuteronomio 29:2 ပူးပေါင်းရင်းမြစ်များ

Éxodo 19:4

Ökwödöma ökwödöda kwöbajaleduwinö kwedaduwijatö Egipto jojodönö ötjö, Isabenö Jo̧ labinö lȩtebi̧ma. Ja̧danö, kwedaduwijatö ökwödönö chite'ada̧li̧ma, baikwö ötjö chö̧jobekwö kwichaduwobö öbibö. Wanedö yötawa: Bole itji̧ ajayinö apatjö labebö köa̧lena abe'doma otiwanö ite'ada̧lobe, itji̧ köa̧lobe teebe kö̧ba̧lö owo̧jo̧pi̧ya jebata̧lö. Jejenö itji̧ me'dawachibö meenama abe'do o̧wo̧jo̧pi̧yanöda mebö wamato̧. Ikenama abe'doma itji̧ wamato̧nö otiwanö e'ewö ȩwa̧jo̧ iteda o̧wo̧jo̧pi̧yanö. Jejenö ötjöma ökwödönö te'ada̧lö ötibajabe, Egipotjö labebö baikwö, ötjö chö̧jobekwö kwichibaduwobö.

Éxodo 8:12

Ikenama Moisés, Aarón faraón ö̧jelö labebajadö Isabenö Jo̧nö budekwa̧lö abebijetö Moisésmma, okobe deinö jwo̧i̧dönö faraón itebonö detjinö weobö.

Isaías 42:20

Jau, ökwödö chömöayedö israel jojodöma, nöinö kwedaduwajabe, jo̧kwaijayonö wamenö kwedaduwijayonö, kwedaduwaja̧ okwa jawa omukwatöködöja. Ja̧danö kwölakiyuduwinö wamenö kwa̧ja̧kwaduwijayonö, okwa jawa omukwatö a̧ja̧kwöködöja, jö̧ba̧lö laebobe Dios israel jojodönö yöa̧li̧ma.

Deuteronomio 1:30

Kwuluwo̧duwi Isabenö Jo̧ Diosma kwabönöduwi kwebacho̧, ja̧danö jo̧bada kwabönöduwi 'ya̧nö, ölakwabikwawakwo̧ kwöpöjojodöduwinöma. Jau chömöledö, kwöwaisaduwa, kwedaduwonö Egipto nijitjö jo̧bada ölakwabikwawinobe, tjujulutjö kwö̧jibaduwobö, ¿jö̧tö?

Deuteronomio 11:7

Isabenö ja̧ Isabenö Jo̧ i̧sȩbina waisadöja chömöledö, ökwödöda kwöbajaleduwinö kwedinaduwobetjö̧, jö̧tö?

Deuteronomio 29:1

Jobekwö laebobe Isabenö Jo̧kwö israel jojodökwö bakobe yöbawö tjujunina jawama. Damötjö̧ Sinai mösa'otjö israel jojodö tjö̧jenama, Isabenö Jo̧ma israel jojodökwö isabenö ja̧tja̧kwa̧ wene bakobe yöbawö tjujunakwawinobe, ja̧danö Moab nijinö tjö̧jenama, Isabenö Jo̧ma Moisesnö weinobe, pjaatakwa̧ jawabi, lȩebakwa̧ jawabi jobadönö yöbawö ujunobö, a̧ja̧kwajadö, israel jojodöbi atadö yöbawö tjujunakobetjö̧, —A̧ja̧kwö dö̧jitjö̧ma, yökawaja̧danö pjakatobö ja̧kobe, ja̧danö a̧ja̧kwökönö dö̧jitjö̧ma, yökawaja̧danö lȩkebobö ja̧kobe, —jö̧ba̧lö.

Deuteronomio 29:3

Ja̧danö jobadönö lȩebenama, iteda inesö ujulu i̧sȩbö, inesö labi̧ jawa baledobö weinobe, ja̧danö iteda ujulu i̧sȩbö, jojodö edajitjökö jawa i̧sȩbinobe, iteda inesö ujulu öwawinö.

Josué 24:17

jo̧ba duluwo̧ Isabenö Jo̧ Diosda ökwödönöbi, da'dödönöbi Egiptotjö ladebinö baikwö ichejebinobetjö̧. Jau, jo̧bada Egipto jojodö tjömöayedö dö̧jitjö dö̧jibinö pjabatinama, ja̧danö jo̧bada yökawaja̧ inesö juluwi̧ ji̧ jawa dedonö i̧sȩbinama. Okobe jwiinö kwedachena, jo̧bada tjöbeba̧lö pjaatinobe, ja̧danö ju'wedö tjö̧'da̧denö döbaledonö, jo̧bada otiwanö tjöbeba̧lö pjaatinobe.

1 Samuel 12:24

Isabenö jwaikwöda Isabenö Jo̧nö yebabinö ösödö, wei̧danö ja̧bö kwö̧jaduwobö jo̧be chömöledö, isabenö ökwödönö inesö otiwanö pjaatina wene omukwatö, jo̧banöda kwösödaduwobö jo̧be.