Deuteronomio 28:15 - Dios Iwene

¹⁵ Tupakwö yöawinobe Moisesma, israel jojodönö: —Kwuluwo̧duwi Isabenö Jo̧ Dios wei̧, ja̧bö kwö̧jaduwobö wei̧bi, ju'wi wei̧ jawabi a̧ja̧kwö kwö̧jaduwitjö̧ma, yötawaja̧danö pjaatakobe chömöledö, jo̧kwaijayonö teada̧lönö a̧ja̧kwö jö̧könö, wei̧ öpöjödö kwö̧jaduwitjö̧ma, ökwödönö lȩebakwo̧ chömöledö ökwödönö söbebö loenanö baibanö. Baikwö yötawaduwakwö ökwödönö lȩebakwa̧ma chömöledö:

Deuteronomio 28:15 ပူးပေါင်းရင်းမြစ်များ

Génesis 3:14

Jejenö yöjawiökwe Isabenö Jo̧ma jö̧ba̧lijetö a̧ko'danö, lȩbebö: —Ökwöma sulabenö omukwatö isujunö omöna yöka̧lajabetjö̧ baikwö lȩtebakwö: Ökwöma usulaso̧ kwö̧jakwo̧ja. Ökwöda tebonö ju̧kwadötjö usulaso̧ kwö̧jakwo̧ja. Bemi tupakwöma 'yaka̧lemi baibanö nijinöda töbawöda kwekachakwo̧ja, niji so̧pja̧da kwanö— lȩbebö jö̧ba̧lijetö Isabenö Jo̧ Diosma—.

Génesis 4:11

Caín, kwöja̧wo̧nö kwabö loköbajobetjö̧ ökwönö lȩtebakwö. Bena kwöjawo̧ ökwösobu nijinö 'dukwibajabetjö̧ bena kwitebo baibanö kwö̧jo jö̧ka̧lijayonö kwö̧joböma jwia.

Génesis 4:12

Bena niji junö kwotidobö jö̧ka̧lijayonö wa̧ji̧ökakwo̧ja. Jo̧kwaobetjö̧ jelobe jelobebi kwejunö kwö̧ji̧ jwiinö ö'öba̧liböda kwö̧jakwo̧ja— jö̧ba̧lijetö Isabenö Jo̧ma, Caínnö lȩbebö.

Isaías 3:11

Jejenömaökö sulabedöma, jobadöwe. Sulabenö Dios wei̧ a̧ja̧kwöködöma, isabenö sulabenö baledakwawö̧, baikwö yötawa: Jobadöbi ja̧bö tjö̧jina mikwa baibanö tjemawakwedö, tjemo jö̧tja̧li̧danö Dios lȩebakwa̧ tjemawakwedö, jobadöwe!

Gálatas 3:10

Jo̧kwaijayonö Moisés iwȩyudina ja̧bö otiwadö batjibobö isakwadöma, Dios lȩebakwawö̧ tjuju̧kwobe chömöledö, Dios iwenema baikwö laebobetjö̧: Okobe jwiinö Dios weina Moisés iwȩyudina'yetjö laebi̧danö ja'yubebi junibökönö ja̧böködöma, Dios lȩebakwawö̧, jö̧ba̧lö laebobe.

Deuteronomio 11:28

Ja̧danö lȩebakwa̧ wenema bi̧ya̧: Kwuluwo̧duwi Isabenö Jo̧ Dios wei̧ a̧ja̧kwökönö, babe ökwödönö weti̧ jawa kabatibö, wainö ja̧bö ju'wedö tjösödawö̧nö, ajayinö wajwiköbinaduwawö̧nö kwösödaduwitjö̧ma, Diosma isabenö ökwödönö lȩebakobe, jö̧ba̧lö. Jobekwö yötawobe, pjaatakwojobö, lȩebakwojobö jö̧ba̧lö ökwödöda kwomudawaduwakobetjö̧.

Deuteronomio 28:2

Kwuluwo̧duwi Isabenö Jo̧ Dios wei̧ a̧ja̧kwö kwö̧jaduwitjö̧ma, baikwö yötawaduwakwö ökwödönö pjaatakwa̧ma chömöledö:

Deuteronomio 28:45

—Chömöledö, kwuluwo̧duwi Isabenö Jo̧ Dios wei̧ a̧ja̧kwökönö, ja̧bö kwö̧jaduwobö wei̧bi, ju'wi wei̧bi a̧ja̧kwökönö wainö ja̧bö kwö̧jaduwitjö̧ma, okobe jwiinö ja̧jaye suli̧ waedakwawama ökwödönö baledakobe, ja̧danö wanedö yötawa, ja̧jaye suli̧ waedakwawama ökwödönö luibakobe, ökwödönö söbebö loenanö baibanö.

Deuteronomio 29:19

—Jau chömöledö, ökwödötjö ju'wedöma Dios pjaatakwa̧ jawabi, lȩebakwa̧ jawabi yöbawö ujunaja̧ a̧ja̧kwö, tjomajadenö tjomukwatena, –Chuu 'dibo̧ ja̧nö, Dios wei̧ a̧ja̧kwökönö, ötjöda chösödi̧danö ja̧bö chö̧jijayonö, wene jwiinö chö̧jakwo̧sa̧, –jö̧ba̧lö. Jejenö omukwatö, Dios wei̧ a̧ja̧kwökönö idöda tjösödi̧danö ja̧bö tjö̧jitjö̧ma, wene jwötjebena chömöledö, jobadönöbi, ju'wedö sulabenö omukwatöködönöbi suli̧ tjöwaedi̧nö, jo̧kwajabetjö̧ teada̧lönö kwö̧jaduwo chömöledö.

Deuteronomio 29:20

Baikwö yötawaduwakwö chömöledö, jobadöjayedönö lȩlöjinö edoböma öpöjödakwo̧ Isabenö Jo̧ma, isabenö jwiinö ödeameakwakwo̧ jobadönö, ja̧danö jobadönö lȩbebö, okobe jwiinö bi'yenö laebi̧ lȩebakwawa jawa jobadönö baledobö lȩebakobe Isabenö Jo̧ma, ja̧danö jobadöbi tjömöledöbi bakobe debö tji̧'yakobe, ji̧bo̧ deinö.

Deuteronomio 5:1

Ja̧danö, jobe Jordan ojwetjö jawo̧ ichobekwöchobe ja̧nö, Moisesma okobe deinö israel jojodönö o̧ko̧kodinobe, ja̧danö ko̧ko̧dajo̧, jobadönö yöawinobe: —Chömöledö israel jojodö, otiwanö kwa̧ja̧kwaduwo, Dios ökwödönö wei̧, ja̧bö kwö̧jaduwobö wei̧ma, babe ökwödönö chö̧ba̧jadonö. Ja̧ wei̧ma otiwanö kwöwaisachaduwo, ja̧danö waisachibajadö, jwaikwöda otiwanö wei̧danö a̧ja̧kwö kwö̧jaduwo.

Josué 23:15

Ja̧danö baikwö yötawaduwakwö chömöledö, otiwa jawa ökwödönö pjaatakwa̧ yöbawö ujunina jawama, okobe jwiinö yöawinadanö badekwachajabe, jö̧tö? Ja̧danö, ju'wibi yötawaduwakwö chömöledö, sule otiwanö pjaatakwa̧ wenedama yöawinokobe chömöledö, wei̧ a̧ja̧kwökönö kwö̧jaduwitjö̧ma, lȩebakwa̧ wenebi yöawinobe chömöledö, ja̧danö a̧ja̧kwökönö kwö̧jaduwitjö̧ma, ja̧ lȩebakwa̧ yöawinabi badekwachinö lȩebakwo̧ Isabenö Jo̧ma chömöledö. Jau chömöledö, a̧ja̧kwökönö kwö̧jaduwitjö̧ma, okobe jwiinö Isabenö Jo̧ lȩebakwa̧ yöbawö ujunina jawabi badekwachinö lȩebakwo̧, jwiinö ökwödönö söbebö loenanö baibanö. Jau chömöledö, kwuluwo̧duwi Isabenö Jo̧ Diosma bemi inesö otiwemi nijima kwiteboduwi baibanö iyajabe, jo̧kwaijayonö a̧ja̧kwökönö kwö̧jaduwitjö̧ma, isabenö yöbawö ujunina badekwachinö, jwiinö ökwödönö söbebö loakwo̧.

Josué 23:16

—Kwuluwo̧duwi Isabenö Jo̧ Diosma iteda wei̧ ökwödönö weinobe chömöledö, wei̧ a̧ja̧kwö kwö̧jaduwobö chömöledö, ja̧danö ja̧ wei̧ a̧ja̧kwökönö, ju'wedö tjösödawö̧nö ösödö, jobadönö bȩbachibö kwösödaduwitjö̧ma, Isabenö Jo̧ma jwiinö ödameakwakobe ökwödönö chömöledö. Ja̧danö, jejenö ökwödönö ödameakwitjö̧ma, jwiinö ökwödönö lȩebakobe chömöledö, ja̧danö okobe deinö ökwödönö a'dewö loakobe bemi inesö otiwemi ökwödönö iyinemi kwiteboduwitjö, —jö̧ba̧lö yöawinobe Josuema, israel jojodönö.

Jueces 2:15

Kabatökönö israel jojodö tjölakwabikwawobö latjebenama, israel jojodönö pjabatökönö, tjöpöjojodanö ja̧nö, tjöpöjojodö jobadönö tjujuluwobö weinobe Isabenö Jo̧ma. Jejenö baledinama, Isabenö Jo̧ damötjö̧ yöawinadanö baledinobe. Damötjö̧ Isabenö Jo̧ma israel jojodönö yöbawö ujuninobe, —Ötjönö kakatibaduwitjö̧ma, ökwödönö lȩbebö kwöpöjojodö ökwödönö tjujuluwobö wetocha, —jö̧ba̧lö, ja̧danö yöawinadanö baledobetjö̧, jwiinö tjo̧'wo tjo̧bekwö usula tjemawinobe israel jojodöma.

1 Samuel 4:10

Jejenö weawö̧, isabenö 'diinö ja̧nö tjölakwabikwawinobe filisteo jojodöma, ja̧danö israel jojodönö tjujuluwinobe. Isabenö ba̧jȩkwadönö kwabö lotjinobe filisteo jojodöma, israel jojodötjö ömadö treinta mil jenanö kwabö lotjinobe, ja̧danö israel jojodötjö ji̧bajadöma döbibajö tjejukwena tjȩwa̧ji̧nobe.