Deuteronomio 28:10 - Dios Iwene

¹⁰ Ja̧danö, jejenö balediawö̧, okobe deinö bö̧jenö ju̧kwadöma ökwödönö edö tjöwaisachibakwedö, –Israel jojodöma Isabenö Jo̧ ömöledöta, –jö̧ba̧lö, ja̧danö waisachibö yetjaibakwedö ökwödönö.

Deuteronomio 28:10 ပူးပေါင်းရင်းမြစ်များ

1 Crónicas 14:17

Ja̧ baledaja̧ wene tja̧ja̧kwinobe tjitebokwena jojodöma, ja̧danö a̧ja̧kwajadö yetjabinobe, —Davidma isabenö juluwo̧tö, —jö̧ba̧lö. Ja̧danö, Davidnö pjabatö, Isabenö Jo̧ma weinobe, okobe deinö tjitebokwena jojodönö Davidnö yetjabobö.

Éxodo 12:33

Ja̧danö, Egipto jojodöma labinö webijadötö Israel jojodönö tjitebotjö juluwanö latjebobö, lakebaduwökötjö̧ma ökwödö Egipto jojodöma okobe deinö ö'wö badibena, jö̧ba̧lö.

Éxodo 14:25

Ja̧danö, 'dötjabajemi kolukiya jawa o'ijubiyanöbi lete'di pöawibanö webijetö Isabenö Jo̧ma, kolukabiya yö̧kö̧nö. Jejenö balediawö̧ jö̧ba̧lijadötö: —¡Ayö! Isabenö Jo̧ma Israel jojodönö tjö̧jibinö pjabatö ölakwabikwawö ujuluwijayonö ökwödönöma öpöjödö kwabö lobo̧. ¡Belöma dȩwa̧ja̧duwo— jö̧ba̧lijadötö.

Isaías 63:19

Ökwödöwe chuluwo̧, la'akatjöda ökwödönö webö kwö̧jinokobedanö ichejekwa chuluwo̧, ökwödöma la'akatjöda, —Isabenö Jo̧ ömöledö, —jö̧ba̧lö ötjabiwö̧kö̧wö̧danö ichejekwadösa.

Hechos 15:17

Jejenö balediawö̧ böjȩ bakwachö̧jȩ ju̧kwadöma, judío jojodöböködöbi, okobe deinö ötjö 'da̧batö chujuninawö̧ma, ötjönö tjöwaisobö isakwajadö tjöba̧ja̧dakobe ötjönöma, ötjönö tjösödakwedöma.

Deuteronomio 11:25

Ja̧danö, kwöpöjojodöduwitjö bakwo̧bi kwöba a'oduwi ja̧nö, tjöbeba̧lö ölakwabikwawoböma jwiakobe, okobe deinö kwekachaduwi̧tenia niji ju̧kwadö jwiinö ökwödönö yetjaibobö kwuluwo̧duwi Isabenö Jo̧ Dios weakobetjö̧. Jau chömöledö, ökwödönö yöbawö ujuninadanö, isabenö jejenö pjaatakobe, jo̧ba wei̧ kwa̧ja̧kwaduwobetjö̧.

Deuteronomio 2:25

Babe möle jamatö, bö̧jȩ bakwemeachibanö jojodö ökwödönö omukwatö yetjaibobö pjatatakwo̧sa. Ja̧danö, jwiinö kwujuluwaduwobö pjatatobetjö̧, ökwödönö bö̧jȩ ba̧kwemeachibanö jojodö tja̧ja̧kwenama, yebabinö tjö̧bawö, usula emawö tjö̧jakwedö, -Idö israel jojodötjö dakwö dö̧jibakwajö? -jö̧ba̧lö, —Dios yöawina jawa yöawinobe Moisesma.

Josué 5:1

Ja̧danö, Josue yöa̧laja̧danö, ja̧ baledaja̧ wene a̧ja̧kwadöma, a̧ja̧kwö yetjaibinobe, Isabenö Jo̧ma juluwo̧, jö̧ba̧lö. Okobe deinö Jordan mikwödötjö jawo̧ meajobekwö ju̧kwadö amorreo jojodötjö la'aka luwedöbi, jwaibalawa ö'öbö ju̧kwadö canananeo jojodötjö la'aka luwedöbi baledina wene tja̧ja̧kwinobe, —Isabenö Jo̧ma Jordan mikwödö köködö loajabetija, okobe deinö israel jojodö tjöbaledenanö kabatö, —jö̧ba̧lö. Ja̧danö, jejenö a̧ja̧kwajadö, jwiinö yetjaibinobe israel jojodönö, —Tjösödökwema jejenö ujuluwitjö̧ma, ökwödöwe, jobadötjö dakwö dö̧jibakwajö, ökwödöwe, —jö̧ba̧lö.

Apocalipsis 3:9

A̧ja̧kwaduwitjö. Kwo̧'wo̧ tjo̧kekwaduwa ökwödönö inia tjököbaduwinö ja̧badönö, judío jojodönöma. Jobadö tjo̧'wo̧ luwo̧ okwanö chöwaisawö̧. Jobadöma judío jojodö tjöbötjachinajayonö, judío jojodöböködödanö babibinadö tjo̧'wo̧ luwo̧nöma, Dios ömöledö batjibinokobetjö̧. Awetja ömöayedöda babibinadö, jo̧ba wei̧ a̧ja̧kwö. Chömöledö, ju'winö ökwödö kwöba a'oduwi ichö, tju̧yu̧ju̧ki̧junö bamatö, tjuu nijakwö bȩbachibö tjubudekwobö ja̧takwo̧sa jobadönöma. Ja̧ mölema jobadöma, ökwödönö edö waisachibö tjubudekwakobe,¡Ayö! Isabenö bidöma Dios ile niebawö̧, jö̧ba̧lö.