Deuteronomio 23:7 - Dios Iwene

⁷ —Jo̧kwaijayonö, jobadönö kwöpöjödaduwi̧danö kwöpöjödaduwoko Edomitas jojodönö, jobadöma yöne kwömöledötjobetjö̧. Ja̧danö ju'wibi Egipto jojodönö kwöpöjödaduwobö jwiakobe chömöledö, jobadö tjitebonö lekwe möle kwö̧jinaduwobetjö̧.

Deuteronomio 23:7 ပူးပေါင်းရင်းမြစ်များ

Génesis 25:30

Ja̧danö, jo̧bama abebijetö öjawo̧nö: —Chöjawo̧, a̧wi̧chö̧löja. I̧ya jȩlu̧wa̧ duwi̧ iyitjö chukwo—abebijetö. Jejenö Esaúma, duwi̧ iyitjö, jö̧ba̧lö, aebobetjö̧ Esaúnöma, Edom, jö̧ba̧lö, ötjabinökwe jojodöma. Ja̧danö Edom, jö̧ba̧löma, duwi̧, jö̧ba̧lö, yöawobe.

Génesis 46:7

Jacobma okobe deinö ömöledökwö, i̧tji̧mu ömadö, ya̧dö, ja̧danö ö̧'dö̧dö ömadö, ya̧dö, 'yi̧jetö Egiptobe.

Génesis 47:12

Ja̧danö, Joséma kwakwawabi iyabijetö abe'donö, öpöedönö, ö̧ja̧wo̧nö, okobe deinö ömöledönö, bakwasokwena, tji̧tju̧mukwena tju̧kwa kwakwawa tjujuna̧lobö.

Génesis 47:27

Ja̧danö, Jacob ömöledö, Israel jojodö mikwadöma lekwe Egiptonö ju̧kwijadötö, Gosén nijinö. Jobadöma idöda tju̧kwa tjuju̧kwemima emijadötö. Jobe ja̧nö tji̧tji̧munö ba̧jekwadö 'yabebö ju̧kwijadötö.

Génesis 47:6

Chiteboma jalobe, inesö otiwemida tjuju̧kwobö kwujunodönö. Gosén nijinöda tjuju̧kwobö otiwa, atjebaja̧danö. Ju'wi jawabi yöta̧la: Jobadötjö tja̧jwi̧munö te'ada̧lakwawa jwiinö waisadö tjuju̧kwitjö̧ma ötjö cha̧jwi̧munöbi tjite'ada̧lo weköbo— jö̧ba̧lijetö faraónma Josénöma.

1 Reyes 11:25

Ja̧danö, Siria niji la'aka luwo̧ ja̧nö, Salomon la'aka luwo̧ ö̧jena baledibanö, jwiinö israel jojodönö öpöjödö, Salomon öpöjojo ö̧jinobe, ja̧danö Edom niji luwo̧ Hadad sulabenö ja̧bö ö̧ji̧danö, jobabi jwiinö sulabenö jabö ö̧jinobe.

Éxodo 22:21

Ju'wi wanedö yötawa: Jelobetjö ichinadönö, kwiteboduwinö ju̧kwadönö sulabenö ja̧köbaduwoko, ja̧danö, usula tjemawinö weköbaduwoko. Kwomukwataduwo: Ökwödöbi jelobetjö ichinadö kwö̧jinawobe Egiptonö.

Éxodo 23:9

Ina webijetö Isabenö Jo̧ma Moisésnöma: —Ja̧danö, jelobetjö ichinadönö, kwiteboduwinö ju̧kwadönö usula tjemawoböma weköbaduwoko. Kwöwaisaduwa jelobetjö ichö ja̧kwawa, ökwödöbi Egiptonö jelobetjö ichö kwuju̧kwaduwinobetjö̧. ¡Kwomukwataduwo!— webijetö Isabenö Jo̧ma Moisésnö, weawa jawa ujunobö.

Deuteronomio 10:19

Ja̧danö chömöledö, baikwö yötawaduwakwö, damötjö ökwödöma jelobetjö ichajadö, ju'wedö tjitebo nijinö kwö̧jinaduwobe, Egiptonö, jö̧tö? Jo̧kwajabetjö̧ ja̧ jelobetjö ichajadö ju'wedö tjitebonö kwö̧jinaduwa omukwatö, ju'wedö jelobetjö ichajadö kwiteboduwinö tjö̧jenama, jobadönö kwösödaduwo, kwuluwo̧duwi Dios jobadönö ösödi̧danö.

Deuteronomio 23:8

Jo̧kwajabetjö̧ Edomitas jojodöbi, Egipto jojodöbi kwö̧'da̧deduwi tjö̧jitjö̧ma, ajayinö ökwödökwö ichibadö ökwödökwö Isabenö Jo̧ öba a'o tjo̧ko̧kokwobö jwiijayonö, tjö̧'dödöma israel jojodö babibö, ökwödökwö Isabenö Jo̧ öba a'o tjo̧ko̧kokwobö ja̧kobe, —jö̧ba̧lö yöawinobe Moisesma.