Deuteronomio 23:5 - Dios Iwene

⁵ Jo̧kwaijayonö kwuluwo̧duwi Isabenö Jo̧ Diosma Balaamnö a̧ja̧kwinokobe, ja̧danö ökwödönö suli̧ öwaedo jö̧a̧li̧nama, ökwödönö pjaatakwawa jawa baibanö balewö loinobe. Jau chömöledö, kwuluwo̧duwi Isabenö Jo̧ Diosma ökwödö israel jojodönö ile niebinobe, ja̧danö ökwödönö ile nibebö, Balaam ökwödönö suli̧ öwaedo jö̧a̧linama, ökwödönö pjaatakwawa jawa baibanö balewö loinobe.

Deuteronomio 23:5 ပူးပေါင်းရင်းမြစ်များ

2 Samuel 16:12

Ja̧danö ju'wibi yöta̧laduwakwö, Bite ötjönö sulabenö ja̧i̧ edö, Isabenö Jo̧ma edö, lȩlöinö edö pjaatena ötjönö. Simi usula chemawinö sulabenö yöa̧liökwe, Isabenö Jo̧ma lȩlöinö edö otiwanö pjaatena, —jö̧ba̧lö yöa̧linobe Davidma.

Proverbios 26:2

Ja̧danö, ju'wibi yötawa: Ökwönö suli̧ jawa wetjachijayonö sulabenö ja̧köbökötjö̧ma ja̧ suli̧ wetjachaja̧ma baledökena. Wanedö yötawa: Pjiyuwa köba̧löda köba̧lo̧ nijakwö jwibacha̧löködanö ökwönö suli̧ jawa wetjachijayonö ökwönö jwibacha̧löködanö baledökena, sulabenö ja̧köbokobetjö̧.

Romanos 11:28

Chömöledö, Israel jojodöma otiwa jawa wene tjöpöjödobetjö̧, Dios öpöjojodö tjuju̧kwobe. Ja̧danö öpöjojodö tjuju̧kwiökwe, lȩlö̧jinö edo̧ Diosma, ökwödö Israel jojodöböködönöma. Jo̧kwaijayonö ina ösödo̧ Diosma, Israel jojodönöma, jobadö tja'dödöminenö omudawö ujuninobetjö̧.

Romanos 8:31

Chömöledö, biya̧ babeda yötawaja̧ omukwatö, ökwödönö suli̧ waedo̧ma bakwo̧bi deobe ichejekwa. Diosda ökwödönö pjabato̧obetjö̧, bakwo̧bi deobe ökwödönö suli̧ waedo̧ma chömöledö.

Romanos 9:13

Baikwö laebobe Dios iwene, Isaac i̧tji̧munöma: Jacobnö chösödijayonö, Esaúnöma chöpöjödijatö, jö̧ba̧lö laebobe Dios iwenema. Ja̧danö, ja̧ laebi̧ waisachö, öwaetjöda öwawobe, Dios Abrahamnö yöbawö ujunina wenema, okobe deinö Abraham i̧tji̧mu tupadanö jojodönö badekwachokobe jö̧ba̧lö, Dios omudawö ujunajawö̧nöda badekwachobe jö̧ba̧lö.

Deuteronomio 2:29

Jau Sijon, Esau itji̧mu tupadanö jojodö Seirnö ju̧kwadö döbaledobö wetjinadanö, ja̧danö Arnö ju̧kwadö Moabitas jojodö döbaledobö wetjinadanö, kwitebo ö'wejenö döbaledobö adebakwö, Jordan ojwe pebibö, duluwo̧ Isabenö Jo̧ Dios ökwödönö iyakwa̧ nijibe dichibenanö kabatö, ¿jejenö döbaledobö weköbakwa̧ji̧? –jö̧ba̧lö yöbawadönö wetijatö.

Deuteronomio 33:3

—Isabenö iteda ömöledönö ösödo̧ Isabenö Jo̧ma, ja̧danö iteda ömöledö batjibanö 'da̧batö ujuninawö̧ israel jojodönö tjöbeba̧lö pjabato̧. Jejenö pjaatiawö̧, jo̧ba öba a'otjö bȩbachibö tjösödobe israel jojodöma, ja̧danö jobadönö wei̧ a̧ja̧kwö tjö̧jobe.

Deuteronomio 4:37

—Jau chömöledö, Diosma da'dödönö ile niebinobe, ja̧danö jobadönö ile nibebö, ökwödö jobadö tji̧tji̧mu tupadanö jojodönö omudawö ujuninobe, iteda ömöledö kwö̧jaduwobö. Ja̧danö, omudawö junajo̧, jo̧bada Egiptobe i̧'yinobe, ja̧danö 'ya̧jo̧, ökwödönö jobetjö laebinobe, iteda inesö ujulunö.

Josué 24:10

Jo̧kwaijayonö Balaam ökwödönö suli̧ waedakwawa ökwödönö jwöeba̧lobö jö̧a̧li̧ma cha̧ja̧kwobö chöpöjödijatö, jwaikwöda ökwödönö otiwanö baledakwa̧ weneda yöawobö wetijatö, isabenö suli̧ öwaedobö jö̧a̧li̧tjö kwö̧jibaduwinö pjatatijatö.