Deuteronomio 23:24 - Dios Iwene

²⁴ —Ju'wibi yötawaduwakwö chömöledö, kwömöledöduwi tjöbatjiju ubasayu ö'wejenö kwöbaledaduwitjö̧ma, kwöbaledaduwonö uba waji̧tjö wene jwiinö 'deköbaduwena. Jo̧kwaijayonö sule kwekachaduwonö 'deböda, tuda'wo okwa anö, kwömöledöso̧ öbatjo waji̧ kwemaduwoko.

Deuteronomio 23:24 ပူးပေါင်းရင်းမြစ်များ

Proverbios 20:25

Ja̧danö, ju'wibi yötawa, wanedö: Bakwo̧ juluwanö Diosnö yöbawö ujunobe, Chuluwo̧ ötjö chujuna̧li̧tjö̧ wainö junö chiyocha ökwönöma, jö̧ba̧lö. Jobekwö yöawijayonö jemi ikenama, ayö waiya dakwö chiyakwajö̧ jö̧ba̧lö, yöbawö ujuni̧danö badekwachinö i̧sebokobe. Isabenö yötawa: Diosnö chiyocha jö̧ba̧lö yöbawö kwujunakwa̧ abönö ö'wiyawakwawönö kwomukwatobö jo̧be. , yötawi̧danö badekwachinö chi̧seboböma chujuna̧lojobö, chujuna̧lokojobö jö̧ba̧lö. isabenö, yöbawö kwujuninadanö kwiyobö jwiitjö̧ma kwo̧'wo̧ tjo̧bekwö kwö̧jena, sula jö̧ba̧lö.

Romanos 12:13

Kwömöledöduwi Cristonö ösödadö jwibö tjö̧jenama, pjakataduwo, ja̧danö jelobetjö ichajadö tjichibenama, öpöjödabökönö te'ada̧lö pjakataduwo.

1 Corintios 10:26

Dios iwenema baikwö laebobe chömöledö: Böjȩbi, okobe jwiinö böjȩnö ji̧bi Duluwo̧ jawadaobe, jö̧ba̧lö laebobe. Ja̧danö, okobe jwiinö Duluwo̧ jawaobetjö̧, domajadenö sulabenö omukwatökönö dukwena.

Deuteronomio 23:23

Isabenö teada̧lönö kwö̧jaduwo chömöledö, yöbawö kwujuninaduwadanö badekwachinö ja̧köbaduwobö. Dios kwiyaduwobö weököjayonö, ökwödöda, –Isabenö duluwo̧ Isabenö Jo̧ Diosnö diyakwedösa, –jö̧ba̧lö yökawaduwobetjö̧, isabenö yöka̧linaduwadanö kwiyaduwobö ja̧kobe.

Deuteronomio 23:25

Ja̧danö kwömöledöso̧ trigobi, trigojayebi öbatjo ö'wejenö kwöbaledaduwitjö̧ma, ochobiyatjö kwömamunö kwemaduwena, jobe kwöbaledaduwonö kwukwaduwobö. Jo̧kwaijayonö isa'ye 'wibö, öbatjo waji̧ kwemaduwoko chömöledö, sule kwekachaduwonö kwömamijunöda emö kwukwaduwobö jo̧be, —jö̧ba̧lö yöawinobe Moisesma.

Hebreos 13:5

Ja̧danö, ju'wibi yötawaduwakwö. Balada kwujuna̧laduwi̧dama omukwatö kwö̧jaduwoko chömöledö. Otiwanö omukwataduwi tjo̧wi̧ kwujuna̧laduwi̧ma, ju'wi jawabi, ju'wi jawabi, kabatökönö kwemaduwobö omukwatökönö. Chömöledö, ökwödöma jwiinö mikwawinö ji̧ juna̧ladöja, Diosma ökwödönö ile niebobetjö̧. Kwomukwataduwo Dios ökwödönö yöawina. Baikwö laebobe Dios iwenetjöma, iteda yöawina: Ökwödönö la'akatjöda le'dedibö chȩwa̧jökakwo̧sa. La'akatjöda ökwödönö katatibökakwo̧sa. Jejenö laebobe Dios iwenetjö, Diosma ba̧kwȩlö̧jatebö ökwödökwö jo̧, jö̧ba̧lö.

Josué 9:18

Ja̧danö, tjitebobe tjichibijayonö, israel jojodöma jobadökwö tjölakwabikwawinokobe, israel jojodötjö luwedöma ajayinö jobadönö dösölö̧jinö tjö̧jakwa̧ wene yöbawö tjujuninobetjö̧, —Ökwödönö kwabö loditjö̧ma ökwödö israel jojodö dösödökwö Isabenö Jo̧ Diosma lȩebobö ja̧kobe, —jö̧ba̧lö. Ja̧danö, israel jojodöma tjuluwedönö tjö̧dameakwinobe, —Sulabenö yöbawö juninadö, —jö̧ba̧lö.