Deuteronomio 23:19 - Dios Iwene

¹⁹ —Ja̧danö ju'wibi yötawaduwakwö, ju'wedö kwömöledöduwi israel jojodönö ju'wi jaye kwöbalewaduwena, baladaö̧kö̧, kwakwawaö̧kö̧, ju'wi jayeö̧kö kwöbalewaduwenama, sule kwöbalewinaduwada mikwawi̧da tjetjatobö akebaduwo, kwöbalewinaduwatjö, bajalekwönönöbi tjetjatoböma weköbaduwoko.

Deuteronomio 23:19 ပူးပေါင်းရင်းမြစ်များ

Éxodo 22:25

Ju'wi wanedö yötawa: Ötjö chömöledötjö jwibo̧nö balada kwöbalewaduwitjö̧ma ja̧ kwöbalewaduwaja̧ bajalekwönönö imidoma akeba̧laduwoko. Ju'wedö balada balewadöma jejenö sulabenö atjebali̧danö akeba̧laduwoko.

Isaías 24:2

Jobekwö lȩebenama, okobe deinö bö̧jȩnö ju̧kwadöma bakweminö usula tjemawakwedö, baikwö yöta̧la: Diostjö jojodötjö ö'weje pjabatadöbi, ju'wedö jojodö jo̧kwadabedöbi bakweminö usula tjemawakwedö. Ja̧danö bakwo̧ ömöayo̧bi, uluwo̧bi bakweminö usula tjemawakwedö. Ja̧danö bakwuju jömöayujubi, juluwujubi bakweminö usula tjemawakwedö. Ja̧danö tea emadöbi, tea iyadöbi bakweminö usula tjemawakwedö. Ja̧danö balada balewadöbi, tjöbalewawö̧bi bakweminö usula tjemawakwedö. Ja̧danö musido̧bi, umusidökwebi bakweminö usula tjemawakwedö.