Deuteronomio 23:17 - Dios Iwene

¹⁷ —Ju'wibi yötawaduwakwö, kwöwaisaduwa ju'wedö sulabenö o̧'wo jawa tjösödawö̧nö ösödö ja̧tji̧ma, jobadötjö ju'wedö ya̧döbi, ömadöbi 'da̧'da̧bakwawö tju̧ju̧kwobe tjösödawö̧nö ösödadökwö, ¿jö̧tö? Ja̧jaye ökwödö israel jojodötjö bakwo̧bi, bakwujubi jejenö 'da̧'da̧bakwawö tjösödawö̧nö ösödadökwö tju̧ju̧kwobö webökönaduwi chömöledö.

Deuteronomio 23:17 ပူးပေါင်းရင်းမြစ်များ

1 Reyes 14:24

Ja̧danö ju'wibi sulabenö ja̧tji̧nobe, tjösödawö̧nö ösödakwawejutjö ju'wedö ömadö, tjösödawö̧nö ösödadökwö 'da̧'da̧bö ja̧dö tjö̧jinobe, jobe tjitebo Juda nijinö. Jwiinö sulabenö jatjinobe Juda jojodöma, okobe deinö ja̧ nijinö ajayinö ji̧nadö, Isabenö Jo̧ israel jojodö tjöba a'otjö a'dewö loinawö̧ sulabenö ja̧tjinadanö sulabenö ja̧tjinobe, Roboan ömöayedö Juda jojodöma.

1 Reyes 15:12

Dios ösödi̧danö jabö, Asama ösödakwawejubiyatjö ömadö 'da̧'da̧bakwawö otidadönö a'dewö loinobe, jadanö okobe jwiinö a'dödö o̧'wo jawa tjotidinawö̧nöbi söbebö loinobe.

1 Reyes 22:46

Josafat abe'do Asama Juda nijitjö ösödakwawejubiyatjö ömadö 'da̧'da̧bakwawö otidadönö a'dewö loinobe, ja̧danö Asa a'dewö loaja̧tjö ji̧binadönöma, Josafatda otiwanö a'dewö loinobe.

2 Reyes 23:7

Ju'wibi, Isabenö Jo̧ ejutjö ȩkiju, Aseranö ösödakwawa otidadö, Aseranö ösödadökwö 'da̧'da̧bö ju̧kwadö tjö̧jekijuma, söbebö loinobe Josiasma. Ja̧ Josias söbebö loinȩkijutjö ju'wibi ajayinö Aseranö ösödakwawa sabana o'wiju 'dö̧tjinobe ya̧döma.

Diosnö ösödo̧ Job mikwo̧ usula emawina jawa 36:14

Jo̧kwajabetjö̧ ina möayedö tjö̧jayi, debö 'ya̧dö jobadöma, tji̧lȩkwamuböködökwö sulabenö 'da̧'da̧bö ju̧kwadö tjö̧'da̧de ja̧nö, juluwanö debö 'ya̧dö.

Proverbios 2:16

Ina laebobe Salomón iteda itji̧nö möayo̧nö jwebebö yöawina, baikwö: —Chitji̧, jweinö omukwatö kwö̧jitjö̧ma, jelo̧kwö jelo̧kwö jalewobö ösödujutjöma kwö̧jibena. Jao chitji̧, jobuju sulabenö jalewobö, ötjökwö kwö̧jo ichi, jwöbeabujuma ökwönö jwiinö jösödijayonö jweinö omukwatö kwö̧jobetjö̧ jobujukwö kwi̧'yökakobe.

1 Corintios 6:9

Kwöwaisaduwa chömöledö, Diosma sulabedönö weökakobe, jo̧bakwö ja̧nö luwedö baibanö yötjawobö. Jau chömöledö, isabenö yötawaduwakwö, sulabenö alewö ja̧badöbi, ja̧danö o̧'wo̧ jawa ösödadöbi, ja̧danö tji̧lȩkwa̧muböködökwö ja̧badöbi, ja̧danö ömadö ömadökwö ja̧badöbi,

Deuteronomio 22:21

jobujunö öbibö tji̧'yobö ja̧kobe, jabe'do eju apjudebe. Ja̧danö, jitebo comunidad ömadöma jobujunö inawiya ikwawö lotjobö ja̧kobe, –Bisu israel jojosujuma, jwiinö sulabenö ja̧buju, –jö̧ba̧lö. Jau chömöledö, ina jabe'do ejunö jö̧jayi, jilekwebö̧kö̧kwö sulabenö jö̧jenama, inesö suli̧ jawa israel jojodö la'akatjöda sulabenö ja̧tjökö jawa sulabenö ja̧jinobe, jo̧kwajabetjö̧ yötawaja̧danö jobujujayujunö lȩtjebobö ja̧kobe, inesö suli̧ kwö̧'da̧deduwitjö dichö loköbaduwakobetjö̧.

Deuteronomio 22:29

ilekwo bajibanö emobö ja̧kobe. Ja̧danö ju'wibi jabe'donö cincuenta plata ö̧piya imidobö ja̧kobe, sulabenö jobujunö 'da̧'da̧bö ja̧inobetjö̧. Ja̧danö, jo̧bama jobujunö kaatiboböma jwiakobe la'akatjöda, ba̧kwelöjatebö ilekwo jö̧jobö ja̧kobe.

1 Timoteo 1:10

tji̧lȩkwa̧muböködökwö ja̧badönöbi, ömadö ömadökwö, ja̧danö ya̧dö ya̧dökwö ja̧badönöbi, jojodönö do̧batö naukwabidönöbi, omöna yöba̧ladönöbi, la'aka luwedö tjöba a'otjö ja̧nö jojodö ja̧tjina jawa omöna yöba̧ladönöbi, ja̧danö okobe jwiinö ju'wi jaye isabenö wene laeböködanö ja̧badönöbi webö iwȩyudinobe Moisésma, tjusula tjöwaisachibo jö̧ba̧lö.

Jueces 19:22

Ja̧danö, tjo̧'wo ösöwanö tjö̧jonö, comunidad jojodötjö ömadö sulabedöma eju tjösawinobe, ja̧danö jamatö 'do'dotjinobe. Ja̧danö eju luwo̧nö yötja̧linobe, —Kweju tjekatajökwenö labebi, jo̧banö 'da̧'da̧bö ja̧dakobetjö̧, —jö̧ba̧lö.