Deuteronomio 22:9 - Dios Iwene

⁹ —Ja̧danö, ju'wibi wetaduwakwö chömöledö, kwöbatjiju ubasayutjö, ju'wi ödebiyabi kwödaduwoko chömöledö. Jejenö ubasayutjö ju'wi waji̧kwö pokwobö kwödaduwitjö̧ma, okobe jwiinö wa̧ja̧kwa̧ kwemaduwobö jwiakobe chömöledö, uba waji̧bi, ju'wi jaye waji̧bi kwemaduwobö jwiakobe, uba batjotjö bakwainö uba ödebiyada kwödaduwobö ja̧kobe chömöledö.

Deuteronomio 22:9 ပူးပေါင်းရင်းမြစ်များ

Mateo 6:24

Tupakwö yöawinobe Jesúsma: —Chömöledö, du̧ju̧taja tjömöayedö kwö̧jaduwoböma jwiobe. Du̧ju̧taja tjömöayedö kwö̧jaduwitjö̧ma, kwuluwo̧ bakwo̧nö kwösödaduwonö, jelo̧nö kwöpöjödaduwena, ja̧danö bakwo̧ wei̧ ja̧bö kwö̧jaduwonö, jelo̧nö kwöpöjödaduwena, mikwawö̧kö̧ jö̧ba̧lö. Jau chömöledö, jwaikwöda balada kwemaduwotö jö̧ba̧lö kwisakwaduwitjö̧ma, balada kwemobö kwösödi̧ ömöayedödanö kwö̧jaduwena. Ja̧danö, balada kwemobö kwösödi̧ ömöayedöbi, Dios ömöayedöbi kwö̧jaduwoböma jwiobe. Jau chömöledö, balada kwemaduwotö jö̧ba̧lö isakwö kwö̧jaduwitjö̧ma, Dios wei̧ ja̧bö kwö̧jaduwi̧ma waekwakobe.

Mateo 9:16

Tupakwö wanedö yöawinobe Jesúsma: —Chömöledö, kwöwaisaduwa, kamijido̧ damösado̧ kȩachajenama, 'yayado̧kwö pöbebö 'dö̧böködö jojodöma, ¿jö̧tö? Jau chömöledö, jejenö pöbebö 'dö̧tjitjö̧ma, tjidichena 'yayado̧ma ja'yuwachibobe, ja̧danö ajayi kȩachaja̧tjö bajalekwönönö kȩachajena ja̧do̧ma, ¿jö̧tö?

Romanos 11:6

Jau chömöledö, jojodöma idöda otiwanö ja̧bö ichiböködö, ¿jö̧tö? Idöda otiwanö ja̧bö tjichibobö ji̧natjö̧ma, Dios mikwa jwiinö otiwa jawa iyi̧ma mikwawoko jö̧a̧lena, ida̧ökö idöda tjujulunö ja̧kwawa tjujuna̧lobetjö̧. Jo̧kwaijayonö, idöda ja̧bö ichiböködö jojodöma. Ja̧danö Diosda lȩlö̧jinö edo̧obetjö̧, jo̧bada mikwa jwiinö otiwa jawa iyö jobadönö ja̧obe, iteda ömöledö batjibanö.

2 Corintios 1:12

Chömöledö, otiwanö ökwödönö ja̧bö dö̧jina wene yötawaduwakwö, ökwödönö sulabenöma ja̧binöködösa jö̧ba̧lö. Jau chömöledö, okobe jwiinö böjȩnö ja̧nö ja̧di̧ma, ja̧danö ökwödönö ja̧bö dö̧ji̧ma sulabenö ja̧bökönö dö̧jijatö, Dios pjaatonö jweinö ja̧bö dö̧jijatö chömöledö. Ja̧danö, ja̧bö dö̧jinama ökwödöda waisanö omukwatöma ja̧dijökötö chömöledö, Diosda lȩlö̧jinö edö ökwödönö pjaatobetjö̧, otiwanö ja̧bö dö̧jijatö chömöledö. Jejenö yötawaja̧ma, jweinö yötawa chömöledö, ja̧danö chomajadenö chöwaisa, isabenö yötawa jö̧ba̧lö.

Deuteronomio 22:8

—Ja̧danö ju'wibi wetaduwakwö: O̧do yayeju kwotidaduwenama, o̧do mö tjöekwaka ji̧nö kwotidaduwo, kweju mö ju̧kwadö jobetjö metjapji jö̧ba̧lö. Jau chömöledö, tjöekwi̧ jwiinö bakwo̧ kwejuduwi mötjö mebö, ö'wö baibitjö̧ma, ökwöbi kwejunö ju̧kwadöbi wene kwujuna̧laduwena, tjöekwi̧ otidökönö, bakwo̧ mebö ö'wö baibobö ja̧köbi̧naduwobetjö̧.

Santiago 3:10

Yelösöda bakwanenöda dinenenöda Diosnö ösödö otiwanö yöda̧li̧bi, jojonö sulabenö yöda̧li̧bi yöda̧lobe. Jejenö dötölatajanö yöda̧lobö yelösöda jwiobe chö̧ja̧wo̧dö.