Deuteronomio 22:29 - Dios Iwene

²⁹ ilekwo bajibanö emobö ja̧kobe. Ja̧danö ju'wibi jabe'donö cincuenta plata ö̧piya imidobö ja̧kobe, sulabenö jobujunö 'da̧'da̧bö ja̧inobetjö̧. Ja̧danö, jo̧bama jobujunö kaatiboböma jwiakobe la'akatjöda, ba̧kwelöjatebö ilekwo jö̧jobö ja̧kobe.

Deuteronomio 22:29 ပူးပေါင်းရင်းမြစ်များ

Éxodo 22:15

Jo̧kwaijayonö, a̧ji̧kwo̧ma ö̧jonö jejenö suli̧ waekwitjö̧ma, debö i'yitjö̧bi imikwa baibanö imidoböma jwiobe. Balewakwawa mikwada imidobö jobe— webijetö Isabenö Jo̧ma Moisésnö, weawa wene ujunobö Israel jojodönö.

Éxodo 22:16

Ina webijetö Isabenö Jo̧ma Moisésnö: Ju'wi wanedö yötawa: Bakwuju möayuju jö̧jobe, ina iso̧kwö jö̧kö̧ju, ja̧danö, ina jobujunö chilekwo baibanö chemocha, jö̧balö, yöbawö juno̧nö debujuma. Ja̧danö, jelo̧ma jobujunö obö jobujukwö bakobe ö̧jitjö̧ma jobujunö ilekwo baibanö emobö jo̧be. Ja̧danö, jabe'donö jobujunö emi̧ mikwa imidobö jo̧be, iso̧nö jö̧kujunö ilekwo̧ bajibanö midaitjadanö.

Deuteronomio 21:14

Jemi ikena, ilekwo bajibaja̧ ikenama jobujunö öpöjödachibö kaatibitjö̧ma, isuda ji̧'yobö jösödi̧danö ö̧jelö lajebobö jȩna. Ilekwo bajibanö webajo̧, jobujunö sulabenö kaatibobetjö̧, jobujunö taba lö̧jobö sulabenö ja̧ajabe, jo̧kwajabetjö̧ jemi tupakwönönö jobujunö taba lö̧jinö sulabenö ja̧oböma jwiakobe. Iteda ömöayuju midö eminoko jö̧ji̧nö weoböma jwiakobe, ja̧danö ju'wibi ju'wedö tjömöayuju bajibanö mikwanö iyoböma jwiakobe, sule mikwa jwiinö lajebobö ja̧kobe, —jö̧ba̧lö yöawinobe Moisesma.

Deuteronomio 22:19

ja̧danö ju'wibi ilekwo jabe'donö nöinö balada imidobö wetjakobe, cien plata ö̧piya öjabanö imidobö wetjakobe, otiwuju, israel jojodötjö iso̧kwö ji̧nökujunö sulabenö tjomukwatobö omöna yöa̧linobetjö̧. Ja̧danö, ju'wibi, jo̧bama la'akatjöda jobujunö kaatibobö jwiakobe, ba̧kwelöjatebö jobuju ilekwokwö ö̧jobö ja̧kobe.

Deuteronomio 22:24

jobadö du̧ju̧tajanö comunidad apjude a'obe öbibö, inawiya ikwawö loköbaduwobö ja̧kobe. Ja̧ jobadönö kwabö loköbaduwakwa̧ jawa baikwö labebö lobö yötawa: Comunidad okwa ja̧nö, ju'wedö pjatjatobö jwöjeba̧lokobetjö̧, öwawobe, isujubi sulabenö ja̧buju, jö̧ba̧lö, ja̧danö jobujunöbi kwabö lotjobö ja̧kobe. Ja̧danö jojoso̧nö kwabö lotjobö ja̧kobe, jelo̧ ömöledöso̧ ilekwokwö sulabenö ö̧jinobetjö̧. Ja̧danö, jobadöjayedönö kwabö lobö, kwö̧'da̧deduwitjö inesö suli̧ dichö loköbaduwena.

Deuteronomio 22:28

—Ju'wibi yötawaduwakwö chömöledö, bakwo̧ ina iso̧kwö ji̧nökujunö, ina jemakwo̧nö yöbawö juninokonö do̧batö, jobujunö 'da̧'da̧bö ja̧itjö̧ma, ja̧danö jo̧banö tjöbadekwajitjö̧ma,

Deuteronomio 22:30

—Ja̧danö ju'wibi yötawaduwakwö, bakwo̧ iteda abe'do ilekwobi̧nujunö emobö jwiakobe. Jejenö abe'do ilekwobinujunö emitjö̧ma, inesö sulena, abe'do a̧do̧ jwii̧ i̧sȩbena ichejekwa, iteda abe'do ö̧jinokokwö jo̧babi sulabenö ö̧jobetjö̧, —jö̧ba̧lö yöawinobe Moisesma.