Deuteronomio 22:22 - Dios Iwene

²² —Ju'wibi yötawaduwakwö chömöledö, bakwo̧ jelo̧ ilekwokwö bakobe baibobe tjöbadekwajitjö̧ma, jobadönö kwabö loköbaduwobö ja̧kobe, tjöbadekwajawö̧ jojonöbi, jojosujunöbi. Jejenö jobadönö kwabö lobö, inesö suli̧ kwö̧'da̧deduwitjö dichö loköbaduwena.

Deuteronomio 22:22 ပူးပေါင်းရင်းမြစ်များ

2 Samuel 11:5

Ja̧danö, Davidkwö jö̧jajabema, David imetukwa'wo bajibinobe Betsabema. Ikenama, metu'wo jö̧ji̧ waisachibö, yöjawi̧ wejinobe Davidnö, —Kwimetukwa'wo chö̧jobe, —jö̧ba̧lö.

Mateo 5:27

Tupakwö yöawinobe Jesúsma: —Ökwödöma weawa kwa̧ja̧kwinaduwobe, kwi̧lȩkwa̧muböködökwöma ja̧bökönaduwi jö̧ba̧lö laebi̧ weawama, ¿jö̧tö?

Mateo 5:28

Jo̧kwaijayonö babema jemi bajalekwönönö baikwö yötawaduwakwö ötjöma chömöledö: Sule kwi̧lȩkwa̧muböködökwö kwö̧jitjö̧damaökö, bakwo̧ ilekwobökujunö edö, Aaa, isujunö chö̧jowe, jö̧ba̧lö omukwatitjö̧ma, omajadenö ilekwobökujunö ida̧ökö ö̧jajabe.

1 Corintios 6:9

Kwöwaisaduwa chömöledö, Diosma sulabedönö weökakobe, jo̧bakwö ja̧nö luwedö baibanö yötjawobö. Jau chömöledö, isabenö yötawaduwakwö, sulabenö alewö ja̧badöbi, ja̧danö o̧'wo̧ jawa ösödadöbi, ja̧danö tji̧lȩkwa̧muböködökwö ja̧badöbi, ja̧danö ömadö ömadökwö ja̧badöbi,

Deuteronomio 17:7

Ja̧danö, lȩbebö kwabö loköbaduwenama, tjedaja̧ yöbawadöda abönö inawiya tjikwawobö ja̧kobe, ja̧danö tjikwaja ikena okobe deinö ju'wedö jojodöbi tjikwawobö ja̧kobe, sulabenö ja̧bajo̧ ö'wö baibenanö kabatö. Jejenö ja̧bö inesö suli̧ ju'wedö tjösödawö̧nö ösödakwawa kwiteboduwi israel nijitjö söbebö loköbaduwobö ja̧kobe chömöledö, —jö̧ba̧lö yöawinobe Moisesma.

Hebreos 13:4

Ja̧danö chömöledö, ju'wibi yötawaduwakwö. Ökwödötjö kwilekwonö kwemobö, ja̧danö kwilekwenö kwemobö omukwatadönö yötawa. Yebabinö omukwatö kwemaduwo kwilekwonö, ja̧danö kwilekwenö. Ja̧danö, eminadönöbi yötawa. Yebabinö omukwatö kwuju̧kwaduwo kwilekwokwö, ja̧danö kwilekwekwö. Ja̧danö, okobe deinö yötawaduwakwö. Emökönöma kwalewaduwa, Diosma emökönö alewadönö lȩebakobetjö̧. Ja̧danö, Diosma jeluju jilekwenö alewujunö, jelo̧ ilekwonö alewo̧nö lȩebakwo̧.