Deuteronomio 22:14 - Dios Iwene

¹⁴ Ja̧danö, ilekwonö öpöjödö, jobujunö yöa̧lena, –Bisu chilekwonö emajo̧, jobujukwö batibenama, ina iso̧kwö ju̧kujunö batibijökötö, ötjönö jemakwa̧ abönö sulabenö jelo̧kwö jö̧jinobe, –jö̧ba̧lö ilekwonö yöba̧lö, jojodö jobujunö sulabenö tjomukwatobö yöa̧lena.

Deuteronomio 22:14 ပူးပေါင်းရင်းမြစ်များ

Éxodo 20:16

Ja̧danö ju'wibi wetaduwakwö: Kwömöledöso̧, wene juna̧lo̧ma omukwatö juno̧ luwo̧ öbajale a'otjö ja̧nö kwatadaduwobö aebitjö̧ma omöna yöka̧laduwoko.

Éxodo 23:1

Ina Isabenö Jo̧ma Moisésnö webijetö, weawa wene ujunobö Israel jojodönö a̧ja̧kwö tjö̧jobö, baikwö: —Ju'wedönöma omöna yöka̧laduwoko. Wanedö yötawa: Bakwo̧, sulabenö ja̧bo̧nöma ötjibobe lȩekwa omukwatö junadö tjöbajale a'o tjujunobö. Ja̧danö, omukwatö junadöma ökwönö jo̧banöma yöka̧lobö aeba̧litjö̧ma jweinöda yöka̧lo. Omönama yöka̧loko jo̧banö pjakatobö, ja̧danö jo̧banöma lȩtjebokobö. Jweinöda yöka̧lo.

Proverbios 18:21

Ja̧danö, ju'wibi yötawa: Jojo yöa̧li̧ma juluwobe, ju'wedönö kwabö loi̧danöbi, tjö̧jibinö pjaati̧danöbi. Jo̧kwaobetjö̧ nöinö yöba̧lo̧ma baikwö omukwatobö jo̧be: Nöinö yöta̧li̧tjö jelo̧nö niatibitjö̧ma ötjöda jawa, jö̧ba̧lö.

Proverbios 18:8

Ja̧danö, ju'wibi yötawa: Jojodöma, tja̧ja̧kwokonö sewoba̧lö sulabenö yötja̧li̧ a̧ja̧kwö jwiinö ösödadö, a̧ja̧kwaduwi jö̧ba̧lö. Isabenö, söi̧ kwakwawa tjukwi̧danö ösödadö. Jao, söi̧ kwakwawa tjö̧kati̧danö tjö̧katobe tja̧ja̧kwokonö sewoba̧lö sulabenö yötja̧li̧ma.

Deuteronomio 22:13

Tupakwö yöawinobe Moisesma: —Chömöledö, bakwo̧ ilekwonö emö, jobujukwö bakobe baibena. Ja̧danö jemi ikenama ja'yubenö lekwajabetjö jobujunö öpöjödachibena, –Bisunö chöpöjöda, –jö̧ba̧lö.

Deuteronomio 22:15

Jejenö yöa̧litjö̧ma, ilekwo jabe'dobi, jojo'dobi tjitiju isabenö iso̧kwö jö̧jinökö wene i̧sȩkwa'wo sabana'wo i̧'yejebö tji̧'yobö ja̧kobe, comunidad apjude a'obe, comunidad luwedö tjö̧jobekwö.

Deuteronomio 22:19

ja̧danö ju'wibi ilekwo jabe'donö nöinö balada imidobö wetjakobe, cien plata ö̧piya öjabanö imidobö wetjakobe, otiwuju, israel jojodötjö iso̧kwö ji̧nökujunö sulabenö tjomukwatobö omöna yöa̧linobetjö̧. Ja̧danö, ju'wibi, jo̧bama la'akatjöda jobujunö kaatibobö jwiakobe, ba̧kwelöjatebö jobuju ilekwokwö ö̧jobö ja̧kobe.

1 Timoteo 5:14

Jo̧kwajabetjö̧, baikwö yötawa: Ina sesenta o̧biya ichiböködö ya̧dö tji̧lȩkwa̧munö wobekwinadöma, yemidanö tji̧lȩkwa̧munö tjemobö jo̧be, ja̧danö tji̧tji̧munö 'yabebö bötjatö, tjeju jawa otidö tjö̧jo, Jesúsnö ösödadönö öpöjödadöma ökwödönö sulabenö yötja̧lapji jö̧ba̧lö.