Deuteronomio 22:13 - Dios Iwene

¹³ Tupakwö yöawinobe Moisesma: —Chömöledö, bakwo̧ ilekwonö emö, jobujukwö bakobe baibena. Ja̧danö jemi ikenama ja'yubenö lekwajabetjö jobujunö öpöjödachibena, –Bisunö chöpöjöda, –jö̧ba̧lö.

Deuteronomio 22:13 ပူးပေါင်းရင်းမြစ်များ

Génesis 29:21

Ja̧danö, jȩlȩmu̧tjö̧ dötölataja o̧biya baledibajena Jacob jö̧ba̧lijetö Labánnö: —Tjo̧wi̧ chotidawama 'dö̧ibaja. Jo̧kwaobetjö̧ chilekwonö webitjö chemo— jö̧ba̧lijetö.

Génesis 29:23

Ja̧danö, tjo̧wi̧ yö̧te baibajena Labánma ichejebijetö itjiju abönö pöo, Leanö Jacob ö̧jobekwö, Jacob emobö ilekwo baibanö. Raquelnömakö̧ jöpöo Leanöda ichejebijetö, Jacobma wajwionö. Ja̧danö, Jacobma Leakwö ji̧jetö, ilekwo baibanö.

Génesis 29:31

Isabenö Jo̧ Diosma Leanö edö, jilekwe ösödokoko, jö̧ba̧lö, jobujunöma metu'wo jö̧jinö pjabatijetö. Jo̧kwaijayonö Raquelma metu'wo jö̧joböma waekwijetö.

Deuteronomio 22:14

Ja̧danö, ilekwonö öpöjödö, jobujunö yöa̧lena, –Bisu chilekwonö emajo̧, jobujukwö batibenama, ina iso̧kwö ju̧kujunö batibijökötö, ötjönö jemakwa̧ abönö sulabenö jelo̧kwö jö̧jinobe, –jö̧ba̧lö ilekwonö yöba̧lö, jojodö jobujunö sulabenö tjomukwatobö yöa̧lena.

Deuteronomio 24:1

Tupakwö yöawinobe Moisesma: —Chömöledö, ökwödötjö bakwo̧ ilekwonö emena, ja̧danö emaja̧ ikena, taba lö̧ji̧ jawa öwaisachibena ilekwonö. Jejenö öwaisachibajo̧, ilekwonö öpöjödachibena, ja̧danö ilekwonö öpöjödö, kaatibakwawa jawa wȩyukwöja i̧wȩyudena, –Bisu chilekwobinujunö katatibajabe, –jö̧ba̧lö. Ja̧danö wȩyukwöja ilekwonö iyö, ö̧jelö lajebobö weena. Jejenö kaatiboko, jilekwebajo̧ ejutjö lajebena,