Deuteronomio 21:4 - Dios Iwene

⁴ Ja̧danö omudawö junajadö, pakayasujunö öbibö tji̧'yobö ja̧kobe, jobe pjeanö wabeko, ojwe lȩkobe, ja̧danö ina batjo soböbi, ödebiya lödöbi tjotidokobema. Ja̧danö, jobe wabekobe ichibajadö, pakayasuju ju̧lu̧mea 'debatö lotjobö ja̧kobe, pakayasuju ö'wö bajibanö.

Deuteronomio 21:4 ပူးပေါင်းရင်းမြစ်များ

Deuteronomio 21:3

Ja̧danö, tjö̧ba̧ja̧daja̧ ikenama, jelö yöneawi̧ comunidad luwedöma pakaya itjijunö omudawö tjujunobö ja̧kobe, la'akatjöda otidinökuju pakayasujunö.

Deuteronomio 21:5

Ja̧danö, Levisaso jojodötjö Diostjö jojodötjö tjö̧'da̧de pjabatadöbi jobe tji̧'yobö ja̧kobe, baikwö yötawa: Kwuluwo̧duwi Isabenö Jo̧ Diosma jobadönö 'da̧batö ujuninobe, jo̧ba wei̧ otidö tjö̧jobö, Dios jojodönö pjaatakwa̧ jawa Isabenö Jo̧nö atjebobö. Ja̧danö, ju'wibi tjotidobö 'da̧batö ujuninobe, jojodö ju'wedökwö wene tjujuna̧lenabi, bakwo̧ jelo̧nö sulabenö kwaenabi, jobadöda lȩekwa yötjawobö ujuninobe. Ja̧danö, jejenö jobadönö 'da̧batö ujuninobetjö̧, jobadö tjö̧'da̧de pjabatadöbi jobe tji̧'yobö ja̧kobe.

1 Pedro 3:18

Jau chömöledö, Diosma isabenö ökwödö usula kwemawaduwobö weena, baikwö yötawa: Duluwo̧ Cristo usula emawobö weinobe, ¿jö̧tö? Ja̧danö Duluwo̧ Cristo usula emawobö ji̧natjö̧ma, ¿ökwödö usula demawobö jwienaji̧? Jȩna chömöledö. Jau chömöledö, sulabe dujuna̧li̧ imidawo jö̧ba̧lö, Cristoma bakwötanöda midawö woinobe, okobe deinö tjusula midawö. Sulabe jwibo̧da midawö woinobe chömöledö, ökwödö dusula juna̧ladö Dioskwö dichibobö ja̧bö. Jau chömöledö, iteba'oma kwabö lotjinobe, jo̧kwaijayonö Diosma o̧'wo̧ luwo̧nö 'yaibajinö ja̧inobe.

1 Samuel 6:7

Baikwö yödawaduwakwö Dios iteapjo otiwanö tjekataduwakwa̧ma: Koluka yayaka kwotidaduwo, ja̧danö du̧ju̧taja pa̧ka̧yadö i̧yanö tji̧tji̧munö emajadönö kwemaduwo, la'akatjöda ju'wi jaye töawa wajwibadönö. Ja̧danö, ja̧ka yayaka tötjobö di̧bataduwidönö, jo̧kwaijayonö tji̧tji̧munö 'döbebö tjuluwo̧ ejube tjekataduwodönö.