Ja̧danö, jobekwö pjaatiawö̧, Moab niji ba̧kwemeachibanö tjöekwemi comunidadtenia mebibö kwujuluwaduwakwedöja, ja̧danö okobe jwiinö inesö otiwemi comunidadtenia kwujuluwaduwakwedöja. Ja̧danö okobe jwiinö towibiya otiwowibiya jubö loköbaduwakwedöja, ja̧danö ojwese'dotenia tumatö loköbaduwakwedöja, ja̧danö batjo otiwayutenia suli̧ waedö, inawiya kwödaduwakwedöja. Jobekwö jwiinö Moabitas jojodönö kwujuluwaduwobö pjaatakwo̧ Isabenö Jo̧ma, —jö̧ba̧lö yöawinobe Eliseoma.
Deuteronomio 20:19 - Dios Iwene19 —Ja̧danö ju'wibi wetaduwakwö chömöledö, ju'wi comunidad kwujuluwaduwobö, lekwe möle tjösawö kwö̧jaduwitjö̧ma, ja̧ comunidad ö'öbö ji̧ kwakwawa waji̧ towibiyama jubö loköbaduwoko. Towinö waji̧ma otiwanö kwukwaduwo chömöledö, jo̧kwaijayonö jubö loköbaduwoko. Jau chömöledö, ja̧ towibiyama jojodöokobe, ja̧danö kwöpöjojodöokobe, jobe tjösawö ja̧ towibiya jubö loköbaduwoböma. အခန်းကိုကြည့်ပါ။ |
Deuteronomio 20:19
11 ပူးပေါင်းရင်းမြစ်များ
Comunidadtenia pjolö lotjinobe, ja̧danö batjo otiwayutenia ichibö, bakwo̧nökwena inawa tjikwinobe, batjosayutenia inawiyatjö muchekwayu ji̧benanö baibanö. Ja̧danö ojwese'dotenia tjutumatinobe, ja̧danö okobe jwiinö towibiya kwakwawa wa̧jowibiya jubö lotjinobe. Jwiinö suli̧ tjöwaedinobe Moab niji, la'aka comunidad Kir-haresetda ji̧benanö baibanö. Ja̧danö, ja̧ comunidadbi tjujuluwotö jö̧ba̧lö, tjötjösawinobe, ja̧danö inawa wökwebö ikwawa waisadöma, comunidad tjujuluwotö jö̧ba̧lö ikwö metjibinobe.
Ja̧danö, mana ö'öbösowi higos towi edö, towinö wa̧ji̧ ukwotö jö̧ba̧lö towi jo̧bekwö i̧'yinobe. Jo̧kwaijayonö, ichibö, sule öjiyada jo̧wi, wa̧ji̧ jwiowida öbadekwajinobe. Jejenö öwa̧jö jwiiökwe, Jesúsma yöa̧linobe: —Towi sulabowija. La'akatjöda wa̧jökakwowija— jö̧ba̧lö. Ja̧danö, jejenö yöawenama, jowi higos towima juluwanö kököbachibö woinobe.
Dios lȩebakwa̧ma isabenö yöneawachibobe, baikwö wanedö yötawa: Sulabenö tjomukwati̧ kabatibö balewachöködöma, towi wa̧jokowidanö ichejekwadö, ja̧danö Dios lȩebakwa̧'a o̧to̧mö'ama, juluwanö wa̧jokowi la'aka jubö loakwa̧'a jo̧be. Ja̧danö, okobe jwiinö wa̧jokowibiyama, Diosma jubö lobö ökwölanö ujuwakobe— jö̧ba̧lö wanedö yöawinobe Juanma.
jobadö tjösödawö̧ o̧'wo jawanö ösödö, inesö sulabenö ja̧bö tjö̧ji̧danö ökwödöbi ja̧köbaduwobö tjö̧ba̧jadapji jö̧ba̧lö. Jau chömöledö, tjösödawö̧nö ösödö, jwiinö sulabenö ja̧bö ju̧kwadö jobadöma, ja̧danö tjö̧ba̧jadiawö̧, ökwödöbi kwuluwo̧duwi Isabenö Jo̧ Dios öpöjödi̧nö, jo̧ba öba a'otjö sulabenö ja̧köbaduwapji jö̧ba̧lö, okobe deinö jobadönö kwabawö loköbaduwobö ja̧kobe.
Ju'wi towibiya, kwakwawa wa̧jökö towibiyama wene jwiinö juköbaduwena chömöledö, ja̧ towibiyatjö comunidad pjolö loawa kwotidaduwobö, ja̧danö ja̧jaye kwakwawa wa̧jökö towibiya jubö, ölakwabikwawa jawa kwotidaduwena, ja̧ comunidad jojodönö kwujuluwaduwenanö kabatö, —jö̧ba̧lö yöawinobe Moisesma, israel jojodönö.
ကြော်ငြာတွေ