Deuteronomio 20:17 - Dios Iwene

¹⁷ Jau chömöledö, jwiinö jobadönö söbebö loköbaduwo, hititas jojodönöbi, amorreos jojodönöbi, cananeos jojodönöbi, heveos jojodönöbi, ferezeo jojodönöbi, jebuseos jojodönöbi, jobadötjö bakwo̧bi ö̧jibökenanö baibanö. Jobekwö jobadönö kwabawö loköbaduwobö weajabe kwuluwo̧duwi Isabenö Jo̧ Diosma, ja̧danö weaja̧danö jobadönö kwabawö loköbaduwo chömöledö,

Deuteronomio 20:17 ပူးပေါင်းရင်းမြစ်များ

Génesis 13:7

Ja̧danö, Abram a̧jwi̧munö te'ada̧ladökwö Lot a̧jwi̧munö te'ada̧ladökwö wene juna̧lakwawijadötö. Ja̧ mölema ju'wedöbi jobema ju̧kwijadötö, cananeo jojodöbi ferezeo jojodöbi.

Génesis 15:20

Ja̧danö hititas jojodöbi, ferezeos jojodöbi, refaítas jojodöbi tjitebokwena bemi nijima.

Génesis 15:21

Ja̧danö, amorreos jojodöbi, cananeos jojodöbi, gergeseos jojodöbi, jebuseos jojodöbi tjitebokwena bemi nijima. Jobadö okobe deinö tjitebokwenama ökwötjö tupadanö jojodö tjitebo baibanö 'da̧yawö chiyakwo̧sa Abram— jejenö iteda iwene yöbawö junijetö Isabenö Jo̧ Diosma Abramnö, abo̧nö.

1 Crónicas 1:14

jebuseo jojodöbi, amorreo jojodöbi, gergeseo jojodöbi,

Deuteronomio 20:16

Jo̧kwaijayonö kwiteboduwi baibanö kwuluwo̧duwi Isabenö Jo̧ Dios iyakwa̧ nijinö ju̧kwadönöma dösölö̧jinöma kwedaduwokö. Okobe deinö jobadönö bakwo̧bi ö̧jibökönö kwabawö loköbaduwobö ja̧kobe chömöledö, okobe deinö tjo̧'wo emadönö tjo̧'wo emöködö batjibanö kwabawö loköbaduwobö ja̧kobe, bakwo̧bi ö̧jibökönö.

Deuteronomio 20:18

jobadö tjösödawö̧ o̧'wo jawanö ösödö, inesö sulabenö ja̧bö tjö̧ji̧danö ökwödöbi ja̧köbaduwobö tjö̧ba̧jadapji jö̧ba̧lö. Jau chömöledö, tjösödawö̧nö ösödö, jwiinö sulabenö ja̧bö ju̧kwadö jobadöma, ja̧danö tjö̧ba̧jadiawö̧, ökwödöbi kwuluwo̧duwi Isabenö Jo̧ Dios öpöjödi̧nö, jo̧ba öba a'otjö sulabenö ja̧köbaduwapji jö̧ba̧lö, okobe deinö jobadönö kwabawö loköbaduwobö ja̧kobe.

Josué 6:17

Ja̧danö, Isabenö Jo̧ Diosnö iyawa baibanö, okobe jwiinö comunidad söbebö loköbaduwobö ja̧kobe, okobe deinö jojodönöbi, tjajwimunöbi, tjiteabi jwiinö söbebö loköbaduwobö ja̧kobe. Okobe deinö bemi comunidad jojodötjö, sule jilekwamuböködökwö 'da̧'da̧bakwawö ju̧ju̧ Rajab mikwujuda, ja̧danö jejunö ju̧kwadöda tjö̧jibakwedö, Rajabma otiwanö dömöledö Jerico tjedobö wedinawö̧nö pjajatinobetjö̧.

Apocalipsis 19:18

Böjȩ la'aka luwedö wobajadö tjitebiyabi, kwukwaduwo ichaduwi. Ja̧danö, guardia la'aka luwedö wobajadö tjitebiyabi, ju'wedö guardia jojodö wobajadö tjitebiyabi kwukwaduwo ichaduwi. Ja̧danö, ka̧ba̧yu̧dö wobajadö tjitebiyabi ka̧ba̧yu̧dö tjoma'iya wamenö wa̧jadö wobajadö tjitebiyabi kwukwaduwo ichaduwi. Okobe deinö jojodö wobajadö tjitebiya kwukwaduwo, midö tjeminawö̧ tjitebiyabi, midö tjemököwö̧ tjitebiyabi, la'aka luwedö tjitebiyabi, jo̧kwadabedö tjitebiyabi. Kwukwaduwo ichaduwi— jejenö okobe deinö mö köba̧ladönö jwöobe cha̧ja̧kwijatö.