Deuteronomio 20:14 - Dios Iwene

¹⁴ Jo̧kwaijayonö jobadötjö ya̧dönöbi, tjemunöbi kwömöayedöduwi batjibanö kwemaduwo, ja̧danö tjajwimu ökwödöda kwajwimuduwi batjibanö kwemaduwo, ja̧danö okobe jwiinö ja̧ comunidadnö ju̧kwadö tjiteaja̧ma, ökwödö kwiteaduwi baibanö kwemaduwobö ja̧kobe, jobadönö kwujuluwaduwajobetjö̧. Kwuluwo̧duwi Isabenö Jo̧ Diosda jejenö kwöpöjojodöduwi tju̧kwaaja̧ma kwemaduwobö iyakwo̧ma chömöledö, jo̧kwajabetjö̧ jejenö iyiawö̧, kwo̧'woduwi ösöwanö iyakwa̧ kwemaduwobö ja̧kobe.

Deuteronomio 20:14 ပူးပေါင်းရင်းမြစ်များ

Romanos 8:37

Jau chömöledö, okobe jwiinö yötawaja̧ baleditjö̧böbi, woditjö̧böbi, ja̧ jawa okobe junibö, ida̧ökö abönö ichibinadösa ökwödöma chömöledö, Jesúsda ökwödönö pjaatinobetjö̧. Jo̧bama ökwödönö ile nibebö pjaatinobetjö̧, ida̧ökö abönö ichibinadösa chömöledö.

Deuteronomio 2:35

Sule tja̧jwi̧munöda kwabawö lodijökötö, tja̧jwi̧munö kwabawö lobökönö, ökwödöda da̧jwi̧mu batjibanö 'döbebö demijatö, ja̧danö comunidadteniatjö tjiteainama, ökwödö ditea baibanö demijatö.

Deuteronomio 20:15

—Jobekwö ja̧köbaduwo kwiteboduwitjö ödö ju̧kwadö tjitebo comunidadkwena ju̧kwadönö chömöledö, Dios ökwödönö iyakwa̧ niji Canaan nijinö jö̧ködönö.

Josué 11:14

Ja̧danö, jojodönö kwabawö lobajadö, tjiteaaja̧ma tjeminobe israel jojodöma, tja̧jwi̧munöbi, ju'wi tjiteabi. Jo̧kwaijayonö, Isabenö Jo̧ wei̧danö okobe deinö jojodönö kwabawö lotjinobe, bakwo̧bi ö̧jibökönö. Damötjö̧ Isabenö Jo̧ma ömöayo̧ Moisesnö jejenö kwabawö lotjobö weinobe, ja̧danö Moisesma ja̧ weawa Josuenö weinobe, ja̧danö Josuema jwaikwöda ja̧ weawadanö ja̧inobe. Isabenö jwaikwöda Isabenö Jo̧ Dios Moisesnö weinadanö ja̧inobe Josuema, ja'yubebi ji̧bökönö, jwaikwöda okobe jwiinö wei̧danö ja̧inobe Josuema.

Josué 22:8

ja̧danö jobadönö weinobe, —Babe kwejuduwibe kwȩwa̧ja̧duwobö jo̧be. Bai ökwödökwö ja̧nö, döpöjojodökwö ölakwabikwawöma, nöinö kwiteaduwi otiwanö kwemaduwajabe, kwa̧jwi̧muduwi ba̧jȩkwadönöbi, nöinö platabi, orobi, broncebi, 'dii jawabi, ja̧danö ju'wibi nöinö kamisibi otiwanö döpöjojodötjö 'dökebaduwajabe. Ja̧ e'ewö kwȩwa̧jaduwo kwiteboduwibe, ja̧danö ȩwa̧jadö, kwemaduwaja̧ma ju'wedö kwömöledönöbi kwiyaduwo, okobe deinö otiwanö kwujuna̧laduwobö, —jö̧ba̧lö weinobe Josuema.

Josué 8:2

Ja̧danö, jo̧banö kwujuluwaja̧ ikenama, Jericotjö ja̧köbinaduwada̧nö okobe deinö jojodönöbi, comunidadbi söbebö loköbaduwo, bakwo̧bi ö̧ji̧bökönö. Jo̧kwaijayonö, Hai comunidad kwujuluwaduwenama, tjitea wene jwiinö kwemaduwobö ja̧kobe, tja̧jwimunöbi, ju'wi tjiteabi. Ja̧danö, jobadönö kwujuluwaduwakwa̧ma, baikwö wetakwö, abönö ju'wedönö weköbo, comunidad o̧pe tju̧ju̧kwawobö, comunidad jojodö latjebenama, Hai comunidad jojodö tjomapekwönö metji̧bobö, —jö̧ba̧lö weinobe Isabenö Jo̧ma, Josuenö.