Deuteronomio 2:34 - Dios Iwene34 Ja̧ möle okobe jwiinö itebo comunidadtenia dujuluwijatö, ja̧danö juluwajadö, okobe deinö jobe ju̧kwadönö kwabawö lodijatö, ömadönöbi, ya̧dönöbi, tjemunöbi, bakwo̧bi ö̧jibökönö okobe deinö Sijon ömöayedöbinadönö kwabawö lodijatö. အခန်းကိုကြည့်ပါ။ |
Deuteronomio 2:34
15 ပူးပေါင်းရင်းမြစ်များ
jo̧kwaijayonö kwuluwo̧duwi Isabenö Jo̧ Diosma ökwödönö iyakobe, jobadönö kwujuluwaduwobö chömöledö, ja̧danö jejenö kwujuluwaduwobö pjaatena, baikwö wetaduwakwö chömöledö: Jwiinö jobadönö söbebö loköbaduwobö ja̧kobe. Jobadökwö dösölö̧jinö ölakwabikwawökönö kwö̧jaduwakwa̧ wenema jobadökwö yöbawö kwujunaduwoko, ja̧danö jobadönö lȩlöjinöma kwedaduwoko, jwaikwöda kwabö loböda jobadönö söbebö loköbaduwo, bakwo̧bi ö̧jibökenanö.
Ja̧danö inesö suli̧ o̧'wo jawanö kwejuduwibe tebatökönaduwi chömöledö. Diosma ja̧jaye jawa 'da̧batö ujuninobe, söbebö lotjakwa̧ jawa, jö̧ba̧lö, jo̧kwajabetjö̧ ja̧ jawa kwemaduwitjö̧ma, ökwödönöbi söbebö lotjakwa̧wö̧ bakibaduwanö 'da̧batö ujunakobe. Isabenö ja̧jaye jawa kwöpöjödaduwobö jo̧be chömöledö, –Inesö suli̧ jawa, –jö̧ba̧lö, Diosma ja̧jaye jawa söbebö loawa weobetjö̧, —jö̧ba̧lö yöawinobe Moisesma, israel jojodönö.
Ja̧danö, ju'wibi, ja̧ möle Josuema ölakwabikwawa jojodökwö Maqueda comunidad ujuluwinobe. Juluwajo̧, okobe deinö Maqueda comunidadnö ju̧kwadönöbi, la'aka tjuluwo̧nöbi kwabawö loinobe, bakwo̧bi ö̧jibökönö. Jejenö ajayinö Jerico cominidad la'aka luwo̧nö kwabö loinadanö, Maqueda comunidad la'aka luwo̧nöbi kwabö loinobe.
Jejenö Josuema okobe jwiinö ja̧ a̧li̧kwöchobe niji ujuluwinobe, mösa'iju jȩmibi, a̧li̧kwöchobe Neguev ötjabobebi, ba̧ba̧lawobebi, mösa'iju ö'öbö nijibi. Ja̧danö jelobetenia ujuluwenama, okobe deinö jojodönö, bakwo̧bi ö̧jibökönö kwabawö lotjobö weinobe Josuema. Israel tjuluwo̧ Isabenö Jo̧ Dios weinadanö, okobe deinö bakwo̧bi ö̧jibökönö kwabawö lotjobö weinobe Josuema.
Ja̧danö, jojodönö kwabawö lobajadö, tjiteaaja̧ma tjeminobe israel jojodöma, tja̧jwi̧munöbi, ju'wi tjiteabi. Jo̧kwaijayonö, Isabenö Jo̧ wei̧danö okobe deinö jojodönö kwabawö lotjinobe, bakwo̧bi ö̧jibökönö. Damötjö̧ Isabenö Jo̧ma ömöayo̧ Moisesnö jejenö kwabawö lotjobö weinobe, ja̧danö Moisesma ja̧ weawa Josuenö weinobe, ja̧danö Josuema jwaikwöda ja̧ weawadanö ja̧inobe. Isabenö jwaikwöda Isabenö Jo̧ Dios Moisesnö weinadanö ja̧inobe Josuema, ja'yubebi ji̧bökönö, jwaikwöda okobe jwiinö wei̧danö ja̧inobe Josuema.
Babe wene kwöbaledaduwi̧ma, israel jojodö jawa, wetina tja̧ja̧kwinokobetjö̧. Jau, belö yötawijatö, söbebö loköbaduwobö wetaja̧ma emökönaduwi, kwemaduwitjö̧ma ökwödönö lȩekwa baibanö kwemaduwena, jö̧ba̧lö. Jo̧kwaijayonö, jejenö wetina a̧ja̧kwökönö, söbebö lotjobö wetina jawa tjemajabe. Ja̧ jawa naukwöbi, omöna yöba̧löbi tjemajabe, ja̧danö idöda tjiteakwö tjödajabe.
Yöa̧liawö̧, gabaonitas jojodöma tjatadinobe, —Ökwödönö omöna yöda̧linama, baikwö labebö lobö yödawakwö: Da̧ja̧kwijatö kwuluwo̧duwi Isabenö Jo̧ Dios iteda ömöayo̧ Moisesnö weinama, okobe jwiinö ditebo niji ökwödö israel jojodönö iyobö, ja̧danö okobe deinö bemi nijinö ju̧kwadönö kwabawö loobö. Ja̧danö, jejenö weina wene da̧ja̧kwinobetjö̧, jwiinö yedaibijatö, Isabenö ökwödönö kwabö lotjakobe, jobadötjö dö̧jiboböma jwiobe, jö̧ba̧lö. Jo̧kwajabetjö̧, jejenö yedabobetjö̧, ökwödönö omöna yöda̧lijatö, kwabö loköbaduwakwa̧tjö dö̧jibobö.
Jo̧kwajabetjö̧ baikwö wetakwö, kwömöayedö ölakwabikwawa jojodökwö jobadö amalecita jojodönö kwabawö loköbaduwonö, jobadötjö bakwo̧bi ö̧ji̧bökönö. Okobe deinö amalecita jojodönö kwabö loköbo, ömadönöbi, ya̧dönöbi, tjemunöbi, i̧ya̧nö tjemajawö̧nöbi. Ja̧danö ju'wibi okobe deinö tjajwimunöbi kwabawö loköbo, pa̧ka̧yadönöbi, obejadönöbi, kameyudönöbi, bu̧lö̧dönöbi, jwaikwöda okobe deinö amalecita jojodönöbi tja̧jwi̧munöbi kwabawö loköbo, bakwo̧bi ö̧ji̧bökönö, —jö̧ba̧lö Dios wei̧ yöawinobe Samuelma Saulnö.
ကြော်ငြာတွေ